Matiye 9:13 - Dɔnɔn kə̂ Siki: Tar kə̂ aw arə təbbə

¹³ Yeenn a, maji karə awje aw sangəje ta gərə kandə tar kə̂ Lubba pa nəənn. Tar le nan: «Koo kəm-to-ndoo lə naan â m-ndiki bbo nɛ̂n-polo â m-ndiki ang. Mba dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Maketuru le Lubba ke tar kabba

¹³ Yeenn a, maji kare aw sangeje ddew mba gere kande tar ke Lubba pa neenn: « Ndiki naa a m-ndiki bbo ne-polo ang. Mba dewje ke ooje rɔde to dewje ke gate gate a m-ddee ta bbarde ang. M-ddee mba nje ke ooje rɔde to nje-ne-ddaje ke maji ang.»

Matiye 9:13 ပူးပေါင်းရင်းမြစ်များ

Matiye 12:3

A Jeju ilade tə̂ nan: «Nɛ̂n kə̂ Dabbiti dda dɔ ndɔ tə̂ kə̂ bbo ddɛɛ̂, ne kə dəwje laa le, ə-turaje tarɛ̂ Makəturu tə̂ ang wa?

Matiye 12:5

Ə-gərə tar kə̂ n̂-dda Makəturu-Ndu tə̂ kə majɛ̂. Tar le nan: Njê-poloje Lubba kə̂ aw ddaje kula mə kəy-polo Lubba tə̂ ndɔ-kuwa-rɔ tə̂ aalje Ndu kə̂ dunn mba ndɔ-kuwa-rɔ, a n̂-gangə sariya dɔde tə̂ ang.

Matiye 12:7

Makəturu lə Lubba pa nan: Koo kəm-to-ndoo lə naan â m-ndiki bbo nɛ̂n-polo ang. Bbo ə-gərəje kandə tar nəənn a, dəwje nəənn kə̂ tar to dɔde tə̂ ang, â gangəje sariya dɔde tə̂ ang.

Matiye 19:4

Nilade tə̂ nan: «Ə-turaje tar kə̂ n̂-dda Makəturu tə̂ lə Lubba le ang wa? Tar le nan: ‹Kunn-kutu nɛ̂n tə̂, Lubba kə̂ nje-dda nɛ̂nje tɔyn dda dingaw kə dɛnɛ̂n.›

Matiye 21:42

Goe tə̂ a, Jeju dujude nan: «Ə-turaje tar kə̂ Makəturu lə Lubba pa nəənn ndɔ kâra ang bbay wa? Tar kə̂ nan: ‹Ər kə̂ njê-kɔsuje kəy mbətəje, təl ddee to singa gɔl kəy kə̂ dungu nangə̂. To nɛ̂n kə̂ in rɔ Əbbə-dəwje tə̂ ngaâ to nɛ̂n-mɔri kəmje tə̂.›

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 3:8

Arəje kula-ddase tɔju to ə-turuje məse mban.

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Marke 12:26

Tar kə̂ ɔju dɔ ndol lə dəwje kə̂ oyje le, ə-turaje tar kə̂ makəturu tə̂ lə Mɔyijə le ang wa? Lubba pa arə Mɔyijə mbɔr bər-kam tə̂ kə̂ aw ɔn puru pa nan: ‹M-to Lubba lə Abaraham, Lubba lə Ijakə, Lubba lə Jakobbo.›

Marke 12:33

Maji karə dəw kâra kâra ndiki Lubba kə məɛ̂ tɔyn kə kəjə laa tɔyn kə singɛ̂ tɔyn. Maji karə n̂-ndiki nje-marɛ̂ tokə da-rɔɛ̂ njaa. Yeenn maji uta nɛ̂n-poloje kə̂ ta ro kə nɛ̂n-karə-baaje dang dang.»

Marke 2:17

Jeju oo tar ləde le ngaâ pa nan: «Dəwje kə̂ rɔde to kə majɛ̂ aw ndikije ta koo nje-karə-kuman ang. Dəwje kə̂ rɔde tode bba. Dəwje kə̂ gatə gatə â m-ddee ta bbarde ang. M-ddee mba njê-nɛ̂n-ddaje kə̂ maji ang.»

Luku 10:26

Jeju ilɛ̂ tə̂ nan: «Tar ddi â n̂-dda Makəturu-Ndu tə̂ wa? Tar kə̂ ə-tura le pa nan ddi wa?»

Luku 19:10

Mba Ngonn lə dəw ddee ta sangə dəwje kə̂ naynje kə kɔrɔ̂ mba kajide.»

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 5:31

Jeju ilade tə̂ nan: «Dəwje kə̂ rɔde to kə majɛ̂ aw ndikije ta koo nje-karə-kuman ang, dəwje kə̂ rɔde tode bba.

Luku 5:32

Dəwje kə̂ gatə gatə â m-ddee ta bbarde ang. Njê-nɛ̂n-ddaje kə̂ maji ang â m-ddee ta bbarde karə n̂-turuje məde.»

Tar kə̂ Maji kə̂ Jan dda makəturu tə̂ 10:34

Jeju ilade tə̂ nan: «N̂-dda Makəturu-Ndu tə̂ ləse nan Lubba pa nan: ‹Ə-toje to lubbaje.›

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.