Matiye 8:4 - Dɔnɔn kə̂ Siki: Tar kə̂ aw arə təbbə

⁴ Jeju pa arɛ̂ nan: «Oo kə majɛ̂, ə-pa tarɛ̂ arə dəw ang. A, aw tɔju rɔi arə nje-polo Lubba, ta arə nɛ̂n-polo kə̂ Ndu lə Mɔyijə pa le, mba kɔru nɛ̂n naji ləi karəde.»

Maketuru le Lubba ke tar kabba

⁴ Ngaa Jeju pa are na: «Oo ke maje, e-pa tare are dew ang. A, aw tɔju rɔi are nje-polo-Lubba tenni oo bbo are ne-polo ke Moyiji unn ndu wɔju dɔe kare dewje tɔyn gereje to rɔi ddee maji ngaa.»

Matiye 8:4 ပူးပေါင်းရင်းမြစ်များ

Matiye 10:18

Dâ kaw kə se nɔn ngann mbayje tə̂ kə nɔn tɔkə mbayje tə̂ mbam. Kar tə̂ənn, â paje tar-naji ləm karəde ddəm karə dəwje kə̂ toje to Jiipije ang ddəm.

Matiye 16:20

Goe tə̂ a, Jeju ndɔru mbi njê-njaje goe tə̂ nan dang kara n̂-paje darə marə dəw to n̂-to Mesi ang.

Matiye 17:9

Kar kə̂ dinje dɔ ddingiri tə̂ le daw ddisije a, Jeju unn ndu nəənn arəde nan: «Dang bba ə-paje tar nɛ̂n kə̂ ooje le arəje dəw ang, ndərəng ndɔ kə̂ Ngonn lə dəw a ndol go koy tə̂ laa.»

Matiye 3:15

A Jeju ilɛ̂ tə̂ nan: «Kə̂ bbasinɛn nəənn, arə n-dda tokə baann. Mba to maji karə n-dda nɛ̂n tɔyn kə̂ to gatə gatə tokə baann.» Yeenn ngaâ Jan le ndiki tə̂ saa.

Matiye 5:17

«Əjəje to m-ddee ta tuju Ndu lə Mɔyijə wase nɛ̂n-tɔjuje lə njê-kilaje mbər tar lə Lubba wa? M-ddee ta tuju nɛ̂njeenn ang. M-ddee ta dda karə dəwje gərəje kandə tarje kə̂ ndujeenn paje le kə majɛ̂.

Matiye 6:1

«Aaje rɔse! Kar tə̂ kə̂ aw ddaje nɛ̂n kə turu Ndu lə Lubba a, ə-ddaje nɛ̂n le mba kəm dəwje ang. Bbo ə-ddaje nɛ̂n le mba kəm dəwje a, Bɔsese kə̂ isi darâ a kukase ang.

Matiye 9:30

Kəmde le uja ngaâ Jeju ndɔru mbide nya nan: «Ooje kə majɛ̂, maji karə dəw kâra gərə tarɛ̂ ang.»

Marke 13:9

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Marke 3:12

A Jeju ndɔru mbi dəwje le nya karə n̂-paje darə dəwje gəreje ang.

Marke 5:43

A Jeju ndɔru mbide nya karə n̂-paje tarɛ̂ darə dəw oo ang. Goe tə̂ a, n̂-pa narəde nan: «Arɛ̂je nɛ̂n nusa.»

Marke 6:11

Bbo dəwje kə̂ marə bbe tə̂ ndikije ta taase kə kə̂y ang ngaâ dooje tar ləse ang a, bbo a ta kɔtuje lo tə̂ənn le a, ə-tundaje bum nangə kə̂ gɔlse tə̂. Nayn to naji ləse â ɔruje.»

Marke 7:36

Jeju ndəjə dəwje le karə paje tarɛ̂ arə dəw ang. A kə ndɔ tɔyn kə̂ naw ndəjəde le, daw dilaje mbər nɛ̂nje kə̂ naw dda le kə kete kete.

Marke 8:30

Yeenn ngaâ n̂-ndɔru mbide nya karə n̂-paje tar dɔɛ̂ tə̂ darə dəw ang.

Marke 9:9

Dinje dɔ ddingiri tə̂ le daw ddisije a, Jeju ndɔru mbide nan: «Dang bba ə-paje tar nɛ̂n kə̂ ooje le arəje dəw ang, ndərəng ndɔ kə̂ Ngonn lə dəw a ndol go koy tə̂ laa.»

Luku 17:14

Jeju oode a, pa arəde nan: «Aw tɔjuje rɔse njê-poloje Lubba.» Kar tə̂ kə̂ daw dawje a, rɔde təl ddee maji.

Luku 21:13

Nɛ̂njeenn le a karəse ddəw karə ə-paje tar ləm kəm dəwje tə̂.

Luku 4:41

Ndilje kə̂ maji ang teeje rɔ dəwje tə̂ nya kə ddang. Ndilje le uruje əkii nan: «Ə-to Ngonn lə Lubba!» A nin kə de ngaâ nɔkude karə n̂-paje tar, mba ndilje le gərəje to n̂-to Kristə le.

Luku 5:14

Goe tə̂ a, Jeju ndəje nan: «Ə-pa tarɛ̂ arə dəw oo ang. A ta aw tɔju rɔi nje-polo Lubba, ta arə nɛ̂n-polo mba karə tokoi arə ə-ddee maji tokə Ndu lə Mɔyijə pa le, mba kɔru nɛ̂n naji ləi karəde.»

Luku 8:56

Dɔ njê-kujuje ngonn kə̂ dɛnɛ̂n le ayn. A Jeju ndɔru mbide karə n̂-paje tar nɛ̂n kə̂ to le darə dəw kâra oo ang.

Luku 9:21

Jeju ndɔru mbide nya karə n̂-pa tar nəənn le darə dəw oo ang.

Tar kə̂ Maji kə̂ Jan dda makəturu tə̂ 5:41

«Maw sangə karə dəwje pitimje ang.

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Tar kə̂ Maji kə̂ Jan dda makəturu tə̂ 8:50

Maw sangə karə dəwje pitimje ang. Marə dəw ee tə̂ənn kə̂ aw sangə karə dəwje pitimje ngaâ aw gangə sariya.