Matiye 8:12 - Dɔnɔn kə̂ Siki: Tar kə̂ aw arə təbbə

¹² A dede kə̂ Bbe-kɔn le to ləde le, dâ kungude ddaka lo tə̂ kə̂ ndul ngaâ lo tə̂ənn le, dâ nɔnje ddəm dâ ngəərje ngangəde ddəm.»

Maketuru le Lubba ke tar kabba

¹² A dede ke Bbe-kɔn le to lede le, da kungude ddaka lo te ke ndul ngaa lo teenn le, da nɔnje ddem da ngerje ngangede ddem.› »

Matiye 8:12 ပူးပေါင်းရင်းမြစ်များ

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 13:42

ta dâ kungude kəm tɔkə puru tə̂. Lo tə̂ənn, dâ nɔnje ngaâ dâ ngəərje ngangəde.

Matiye 13:50

ta dâ kunguje dəwje kə̂ maji ang le kəm tɔkə puru tə̂. Lo tə̂ənn, dâ nɔnje ngaâ dâ ngəərje ngangəde.»

Matiye 21:43

Mba yeenn bba, m-pa marəse: Lubba a kɔru Bbe-kɔn laa jise tə̂ karə marə gəl-dəwje kə̂ a ddaje kula kə̂ maji.

Matiye 24:51

Əbbeeje le a ddɛɛ̂ maji ang ngaâ a kilɛ̂ lo tə̂ kə̂ daw dila njê-ngəmje tə̂ darə aw nɔnje ddəm aw ngəərje ngangəde ddəm.»

Matiye 25:30

A ne nje-kula kə̂ kari baa nəənn le, ilɛ̂je ddaka lo tə̂ kə̂ ndul, lo tə̂ kə̂ dəwje aw nɔnje ngaâ aw ngəərje ngangəde tə̂.› »

Luku 13:28

Lo tə̂ənn, â nɔnje ngaâ â ngəərje ngangəse kar tə̂ kə̂ â kooje Abaraham kə Ijakə kə Jakobbo kə njê-kilaje mbər tar tɔyn mə Bbe-kɔn tə̂ lə Lubba. A dâ kilase ddaka.

Kulaje 3:25

Tarje kə̂ Lubba unda ta njê-kilaje mbər tar tə̂ laa ləw arə paje le to mbase tɔ. Lubba ɔsu dɔnɔn kə kasəse arə sese kara andəje mə dɔnɔn tə̂ le tɔ. Lubba le pa arə Abaraham nan: ‹Ddəw tə̂ lə njê kə̂ gəli tə̂, mâ bbar Tar kə̂ Maji dɔ dəwje tə̂ tɔyn kə̂ duninya tə̂.›

Rɔmɛnje 9:4

N̂-toje to ngann Ijarayɛlje kə̂ Lubba arə n̂-ddeeje to ngannɛ̂. Lubba arə dooje piti laa, nɔsu dɔnɔn kə̂ de, narəde Ndu laa, narə n̂-toje to dəwje kə̂ aw poleje kə ddəwe ngaâ nunn ndue ta karəde nɛ̂nje.

2 Piyɛr 2:17

Njê-nɛ̂n-tɔjuje kə̂ tɔkɔrɔ ang le toje tokə lə buwa-maann kə̂ maann goto tə̂ ddəm ndi kə̂ il kə̂ bamburanbo ɔsu ɔtu nɛ̂n ddəm. Lubba ngəm lo kə̂ il biti biti aw nginan nɛ̂n de.

2 Piyɛr 2:4

Mba anjəje kə̂ ddaje majang le, Lubba inyade ddekeke njaa baann ang. Lubba ungude mə buwa tə̂ kə̂ il biti biti arə n̂-naynje tə̂ daw nginanje ndɔ sariya.

Judə 1:13

Daw teeje kə nɛ̂n-rɔ-kul ləde kə̂ n̂-ddaje kə ddaka tokə maann kə̂ aw ləngə kə singa ngaâ aw ubbu njum-tɛɛ̂. N̂-toje tokə əndɛtɛrɛndɛnje kə̂ arje lo kâra ang kə̂ Lubba ngəm marə lo kə̂ il biti biti kə̂ a to kə ndɔ kə ndɔ mbade.

Apokalisi 22:15

See dəwje kə̂ ə-toje tokə lə bisije, njê-maalje kə njê-ddaje lo-to-majang, njê-tɔlje dəwje, njê-poloje kɔr, njê kə̂ ndikije ngəm ddəm aw ərəje ngəm ddəm ə-naynje ddaka nunn.