Matiye 7:7 - Dɔnɔn kə̂ Siki: Tar kə̂ aw arə təbbə

⁷ «Ə-dujuje nɛ̂n a, dâ karəse. Ə-sangəje nɛ̂n a, â kingaje. Undaje ta-kəy a, dâ kɔru karəse.

Maketuru le Lubba ke tar kabba

⁷ «E-dujuje ne a da karese. E-sangeje ne a, a kingaje. Undaje ta key a, da kɔru karese.

Matiye 7:7 ပူးပေါင်းရင်းမြစ်များ

Matiye 18:19

«Tɔkɔrɔ, m-təl m-pa marəse, nɛ̂n tɔyn kə̂ dəwje joo horose tə̂ ddaje mə-kâra dɔ nangə tə̂ nəənn mba duju ji Bɔmje tə̂ kə̂ isi darâ, nâ karəde.

Matiye 21:22

Bbo mə-kunn ləse to ngaâ bbo ə-dujuje Lubba a, â kingaje nɛ̂n tɔyn kə̂ ə-dujuje le.»

Matiye 6:33

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Matiye 7:8

Mba dəw kə̂ duju nɛ̂n a, inga. Dəw kə̂ sangə nɛ̂n a, inga. Ngaâ dəw unda ta-kəy a, dɔru darɛ̂.

Marke 11:24

Mba yeenn bba, m-pa marəse: Nɛ̂n tɔyn kə̂ aw dujuje Lubba mbɛɛ̂, maji karə ooje məse tə̂ to ingaje nɛ̂n le mban, a Lubba a karəse.

Luku 13:25

«Bbo nje-kəy in utu ta-kəy a, â naynje ddaka. Ngaâ bbo unnje kutu kunda ta-kəy ta pa nan: ‹Əbbə-dəwje, ɔru ta-kəy arəje!› A nâ kilase tə̂ nan: ‹M-gərə lo kə̂ inje tə̂ ang.›

Luku 18:1

Jeju pa marə gusu-tar arə njê-njaje goe tə̂ ta tɔju nɛ̂n de to, to maji nya ta duju Lubba kə ndɔje tɔyn ddəm kə rɔ-nya ang ddəm.

Tar kə̂ Maji kə̂ Jan dda makəturu tə̂ 15:16

Əman â m-mbərəse bbo sese â ə-mbərəmje ang ngaâ mulase karə awje, ta andəje kandə. Ngaâ karə kandə ləse le nayn kə ləw. Baann bba nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 15:7

Bbo ə-naynje rɔm tə̂ ngaâ tarje ləm naynje məse tə̂ a, ə-dujuje nɛ̂n tɔyn kə̂ ə-ndikije a, â kingaje nɛ̂n le.

Tar kə̂ Maji kə̂ Jan dda makəturu tə̂ 4:10

Jeju ilɛ̂ tə̂ nan: «Bbo ə-gərə nɛ̂n kə̂ Lubba aw arə dəw ngaâ bbo ə-gərə dəw kə̂ aw duji maann-kay nəənn a, əi â, â duje maann-kay, ta nâ kari maann kə̂ aw arə təbbə.»

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 3:11

Dəw kâra kə̂ gərə nɛ̂n goto, Dəw kâra kə̂ sangə ddəw lə Lubba goto.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Jakə 5:15

Duju Lubba ddəw mə-kunn tə̂ le a kaji nje-rɔ-to le ngaâ Əbbə-dəwje a kuwa jia kə taar. Bbo nje-rɔ-to le dda majang a, Lubba a kɔru tar dɔɛ̂ tə̂.

1 Jan 3:22

Nɛ̂n tɔyn kə̂ n-dujuje a, ja kingaje jia tə̂, mba jaw ngəmje ndu laa ngaâ jaw ddaje nɛ̂n kə̂ məɛ̂ ndiki.