Matiye 7:15 - Dɔnɔn kə̂ Siki: Tar kə̂ aw arə təbbə

¹⁵ «Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Maketuru le Lubba ke tar kabba

¹⁵ «Aaje rɔse wɔju dɔ nje-kilaje mber-tar ke toje to nje-ngemje. Dulaje ngira bate bba n̂-ddeeje ne rɔse te. A mede te nu, n̂-toje to enjakemnjarje ke aw uwaje ne aw usaje.

Matiye 7:15 ပူးပေါင်းရင်းမြစ်များ

Matiye 10:17

Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Matiye 16:11

Bbo m-pa marəse m-pa nan: Aaje rɔse wum tə̂ lə Parijinyɛje kə Sadusinyɛje a, tar le tee mbɔr tar mapa tə̂ ang. A mba ddi bba asəje ta gərə mə tar le ang wa?»

Matiye 16:6

Jeju pa arəde nan: «Aaje rɔse wum tə̂ lə Parijinyɛje kə Sadusinyɛje.»

Matiye 24:11

Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Matiye 7:14

A ta-ddəw kə̂ ta kandə nɛ̂n bba ta kinga təbbə tatə ang, to njol njol baa. Dəwje kə̂ ingaje ta-ddəw le banyaje ang.»

Luku 12:15

Goe tə̂ a, Jeju pa arəde tɔyn nan: «Ə-ngəmje rɔse arə bbo nɛ̂n-kingaje ddase nya nya ang. Mba le dəw to tɔkə nje-nɛ̂n-kinga kara, nɛ̂n-kingaje laa le â nâ kisi nɛ̂n kə təbbə ang!»

Luku 6:26

To ndoo nya arəse, sese kə̂ dəwje tɔyn aw pitijese, mba kadede ddaje tokə baann kə njê-kilaje mbər tar kə̂ tɔkɔrɔ ang tɔ!»

Tar kə̂ Maji kə̂ Jan dda makəturu tə̂ 10:12

A dəw kə̂ to nje-ngəm nɛ̂n-kuul ang, aw dda to kula narɛ̂, mba batəje le toje to laa ang. Bbo noo ənjakəmnjar aw ddee a, n̂-tusude ninyade a nayn. Ənjakəmnjar le uwa marɛ̂je ngaâ kəseje aynje kâra kâra.

Kulaje 13:40

Yeenn a, maji karə aaje rɔse mba nɛ̂n kə̂ n̂-dda tarɛ̂ makəturu tə̂ lə njê-kilaje mbər tar lə Lubba nəənn a ddase. Tar nɛ̂n le nan:

Kulaje 13:6

Daalje dɔ dərə-maann le tɔyn ngaâ n̂-teeje bbe tə̂ kə̂ Papos a, dingaje marə Jiipi kə̂ to nje-əmbili ddəm to nje-kila mbər tar kə̂ tɔkɔrɔ ang ddəm. Ria nan Bar-Jeju.

Galatəje 2:4

A marə ngakɔnje kə̂ tɔkɔrɔ ang dujuje karə nuja ganja bba. To dede kə̂ dandəje horoje tə̂ hɔy baa. N̂-ddeeje horoje tə̂ ta tənn kisi ləje go bbərə tə̂ kə̂ n-tee kɔɛ tə̂ kə ddang ddəw tə̂ lə Jeju-Kristə le koo. N̂-ndikije ta təl kə je kɔ bbərə tə̂ le guku.

Epɛjinyɛje 4:14

Baann bba ja toje tokə lə ngannje ang ngaâ ləl nɛ̂n-tɔjuje tɔyn njaa a yəkəje ang ddəm a kuwaje kaw nɛ̂n kə yo kə nəənn tokə lə to kə̂ ləl aw yəkə dɔ maann tə̂ ang ddəm. Dəwje a ddaje gusu kərə nɛ̂n je karə n-ndəəm ddəw ang.

Epɛjinyɛje 5:6

Aaje kə majɛ̂ arəje dəw ərəse kə tarje kə̂ baa baa ang. Nɛ̂nje kə̂ baann â aw dda arə wungu aw ɔn Lubba dɔ dəwje tə̂ kə̂ aw ddaje dɔ-kətərə saa.

Pilipinyɛje 3:2

Maji karə aaje rɔse rɔ dəwje tə̂ kə aw ddaje majang. Aaje rɔse rɔ dəwje tə̂ kə̂ toje tokə lə bisije baann. Dujaje ganja kə̂ tɔkɔrɔ ang.

Kolosinyɛje 2:8

Ə-ngəmje rɔse kə majɛ̂ arəje dəw ərəse ddəw kəjəje tə̂ laa ang, mba to ngəmje ddəm to kəjəje lə dəwje baa ddəm. To kəjəje kə̂ inje mə nɛ̂n-ji-bbeje tə̂ lə dəwje ddəm to kəjəje kə̂ dɔ nangə tə̂ nəənn ddəm. To kəjəje kə̂ inje ddəw tə̂ lə Kristə ang.

2 Timɔte 3:13

A dəwje kə̂ məde maji ang kə njê-kərə dəwje, dâ ddaje majang kə kete kete, dâ kərəje dəwje ngaâ dede njaa kara dəwje a kərəjede tɔ.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

2 Piyɛr 3:17

Yeenn a, see ngakɔnʼmje kə̂ m-ndikise nya, ə-gərəje mban: Maji karə arje dɔ gɔlse tə̂. Arəje njê-nɛ̂n-ddaje kə̂ maji ang ərəse arə ə-ndəəmje ddəw ang ngaâ ə-tusuje mə-kunn ləse le inyaje ang.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 16:13

Ngaâ, moo ndilje kə̂ maji ang mota, ndil kə̂ dɔngɔr in mə kil da tə̂ kə̂ unn da-rɔ mar le tee, ndil kə̂ to joo laa in mə kil da tə̂ kə̂ kâra le, mota laa in mə kil nje-kila mbər tar tə̂ kə̂ tɔkɔrɔ ang le daw teeje. Ndilje kə̂ maji ang kə̂ mota le undaje rɔ ənginaynje.

Apokalisi 17:6

Moo dɛnɛ̂n le a, məsə dəwje lə Lubba kə məsə njê-tar-najije lə Jeju kə̂ nay le aw ddɛɛ̂ tokə lə koto. Koo kə̂ mooe a, məm unda dɔ binya nya.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.

Apokalisi 20:10

Ngaâ dila Əsu kə̂ nje-kərəde le mə ndakə puru kə supərə tə̂, lo tə̂ kə̂ da le kə nje-kila mbər tar kə̂ tɔkɔrɔ ang le eeje tə̂. Dâ kooje ndoo nya, kar kə til, bbal kə bbal.