Matiye 6:9 - Dɔnɔn kə̂ Siki: Tar kə̂ aw arə təbbə

⁹ «Maji karə ə-dujuje Lubba tokə be: Əi, Bɔjeje kə̂ isi mə dara tə̂, Maji karə dəwje bbəəlje rii.

Maketuru le Lubba ke tar kabba

⁹ «Maji kare e-dujuje Lubba toke be: Ei Bɔjeje ke isi me dara te, Maji kare dewje gereje to rii maji tɔyn.

Matiye 6:9 ပူးပေါင်းရင်းမြစ်များ

Matiye 10:29

Daw labbə ngann əəlje joo bba kandə narɛ kâra ang wa? A Bɔsese ndiki tə̂ bba ngonn əəl kâra a kasə koso nangə̂.

Matiye 23:9

Ə-bbarje marə dəw kə̂ nangə̂ nəənn ‹Bɔ› ang, mba Bɔsese kâra baa kə̂ isi darâ.

Matiye 26:29

M-pa marəse, unn kute kar tə̂ nəənn, mâ kay maann-binyə nəənn ang ngaa, ndərəng ndɔ kə̂ mâ kay nɛ̂n maann-binyə kə̂ siki kə se mə Bbe-kɔn tə̂ lə Bɔmje.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Matiye 6:14

«Mba bbo ɔruje tar dɔ dəwje tə̂ kə̂ ddaje nɛ̂n kə̂ maji ang kə se a, Bɔsese kə̂ isi darâ a kɔru tar dɔse tə̂ tɔ.

Matiye 6:6

A əi, bbo a ta duju Lubba a, aw mə kəy tə̂ ləi, utu ta-kəy bba ə-duju Lubba lo-kiyɛ̂ tə̂. Bɔije Lubba kə̂ aw oo nɛ̂n kə̂ to lo-kiyɛ̂ tə̂ le a kukai.

Matiye 7:11

Bbo sese kə̂ məse maji ang ddəm nəənn ə-gərəje ta karə nɛ̂n kə̂ maji ngannse. A Bɔsese kə̂ darâ a karə nɛ̂n kə̂ maji njê kə̂ dujeje ang wa?

Luku 15:18

Mâ kin kaw rɔ bɔy tə̂ ta mâ pa karɛ̂ nan: Bɔy, m-dda nɛ̂n kə̂ mə Lubba kə̂ darâ mbətə ddəm nɛ̂n kə̂ məi mbətə ddəm.

Luku 15:21

Ngonn le pa arɛ̂ nan: ‹Bɔy, m-dda nɛ̂n kə̂ mə Lubba kə̂ darâ mbətə ddəm məi mbətə ddəm masə karə ə-bbarəm ngonni ang ngaa.›

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 20:17

Jeju pa arɛ̂ nan: «Ɔrum kə jii ang, mba m-nayn maw rɔ Bɔy tə̂ ang bbay. A aw pa arə ngakɔnʼmje ə-pa nan maw maw kə rɔ Bɔy tə̂ kə rɔ Bɔmje tə̂ kə̂ to Bɔsese ddəm rɔ Lubba tə̂ ləm kə̂ to Lubba ləse ddəm.»

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Galatəje 4:6

Lubba ula Ndil lə Ngonnɛ̂ məje tə̂ ta tɔju to n-to ngannɛ̂ njaa. Ndil le aw uru əkii nan: «Aba», kandə tar le nan «Bɔy!»

1 Timɔte 6:16

Lubba kə̂ nje-kisi kə ndɔ kə ndɔ, ne kə̂ nisi lo tə̂ kə̂ ndoko kə̂ dəw tee tə̂ ang. Dəw kâra ooe ang ddəm dəw kâra asə ta kooe ang ddəm. Maji karə piti kə singa-mɔngu toje to laa kə ndɔ kə ndɔ. Amɛnn.

1 Piyɛr 1:17

Lubba aw gangə sariya dɔ dəwje tə̂ asə kəm kula-ddaje ləde, a naw nɔru kəm dəw ang. A bbo mə dujuje tə̂ kə̂ aw dujuje Lubba le aw bbarɛ̂je to Bɔ a, maji karə ə-bbəəleje kar tə̂ kə̂ ə-naynje nɛ̂n dɔ nangə tə̂ nəənn.

Apokalisi 4:11

«Əbbə-dəwje Lubba ləje, asə ta karə dəwje pitije, karə dəwje walije, asə ta kinga singa-mɔngu, mba əi njaa ə-dda nɛ̂nje tɔyn, əi njaa ə-ndiki bba nɛ̂nje le toje.»

Apokalisi 5:12

Dɔsuje pa kə singa nan: «Ngonn batə kə̂ n̂-tɔlɛ̂ le, asə ta kinga singa-mɔngu, nɛ̂n-kinga kə kəm-karɛ. Nasə ta kinga singa, piti, kɔsu gaji, nasə karə dəwje walɛ̂je!»