Matiye 6:25 - Dɔnɔn kə̂ Siki: Tar kə̂ aw arə təbbə

²⁵ «Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm nɛ̂n-kayse ang ddəm, əjəje tar da-rɔse mba kubbu kə̂ ta kula ang. Təbbə ləse ngəng uta nɛ̂n-kusa ddəm da-rɔse ngəng uta kubbu ddəm ang wa?

Maketuru le Lubba ke tar kabba

²⁵ «Mba yeenn a, m-pa marese: E-sangeje mese wɔju dɔ tebbe lese wase da-rɔse ang ddem, wɔju dɔ ne ke a kayje wase ne ke a kusaje wase kubbu ke a kulaje ang. Tebbe lese ngeng uta ne-kusa ddem, da-rɔse ngeng uta kubbu ddem ang wa?

Matiye 6:25 ပူးပေါင်းရင်းမြစ်များ

Matiye 10:19

A bbo daw kə se sariya tə̂ a, əjəje tar kə̂ â paje wase gusu kə̂ a paje nɛ̂n tar le ang. Kar tə̂ənn njaa, Lubba a karəse tar kə̂ â paje.

Matiye 13:22

A marə dəwje toje tokə nangə kə̂ konnje ubbaje tə̂ le. Dooje tar le kə majɛ̂, a kəjə-tarje mba nɛ̂nje kə̂ nangə̂ nəənn kə bbo nɛ̂n-kingaje kə̂ aw ərəde ore dɔ tar le kə nangə̂ arə tar le andə ang.

Matiye 6:31

«Yeenn a, maji karə əjəje tar ang, ta pa nan: Ddi â ja kusa wa? Ddi â ja kay wa? Kubbu ddi â ja kula wa? Əjəje tar mba nɛ̂njeenn ang.

Matiye 6:34

«Yeenn a, əjəje tar mba nɛ̂n kə̂ bara ang. Mba bara njaa a sangə nɛ̂n laa bbay. Ndɔ kâra kâra to kə ndoo laa kə̂ ta koo.»

Marke 13:11

Bbo daw kə se sariya tə̂ a, arəje məse sangəse kete mba tar kə̂ â paje wase gusu kə̂ â paje nɛ̂n tar le ang. Tar kə̂ Lubba a karəse karɛ̂ tə̂ənn njaa â ta ə-paje. To tar kə̂ sese njaa â paje ang. To Ndil-mə-nda â, a pa tar le.

Marke 4:19

a kəjə-tar mba nɛ̂nje kə̂ nangə̂ nəənn, kəm-nda nɛ̂n-kingaje kə bbo nɛ̂nje dang dang kə̂ aw ərə dəw andəje məde tə̂ ngaâ ore tar le kə nangə̂ arə andə ang.

Luku 12:11

Bbo daw kə se kəy mbɔn-naan tə̂ lə Jiipije wase nɔn gɔl njê-gangəje sariya tə̂ wase nɔn gɔl njê-kɔn-bbeje tə̂ a, əjəje tar mba gusu kə̂ â kɔruje nɛ̂n naji ləse ang.

Luku 8:14

Kandə-ko kə̂ gayn horo kakə konnje tə̂ tɔju dəwje kə̂ ooje tar lə Lubba le ngaâ ɔtuje a, kəjə-tar kə nɛ̂n-kingaje kə rɔ-nəəlje kə̂ dɔ nangə tə̂ ɔrede kə nangə̂ karə dandə kandə kə majɛ̂ ang.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

1 Kɔrɛntinyɛje 7:32

M-ndiki karə əjəje tar ang. Dəw kə̂ taa dɛnɛ̂n ang wase taa ngaw ang unda kəjə laa kə dɔ kula tə̂ lə Əbbə-dəwje. Naw sangə ddəw ta nəəl kəm Əbbə-dəwje tə̂.

Pilipinyɛje 4:6

Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.

2 Timɔte 2:4

Dəw kə̂ unn rɔɛ̂ to mbamba ngaâ ndiki ta dda karə rɔ dəw kə̂ ɔn dɔɛ̂ nəəle, aa lo kə nɛ̂nje tə̂ lə siwilje ang ngaa.

1 Piyɛr 5:7

Maji karə inyaje nɛ̂nje tɔyn kə̂ aw jɔku kəjə ləse mə jia tə̂, mba naw naa lo kə dɔse tə̂.