Matiye 6:2 - Dɔnɔn kə̂ Siki: Tar kə̂ aw arə təbbə

² «Yeenn bba, bbo aw arə nɛ̂n njê-ndooje a, maji karə uru nɛ̂n əkii ang. Mba njê-ngəmje aw ddaje tokə baann mə kəy mbɔn-naan tə̂ lə Jiipije wase dɔ ddəw tə̂, mba kinga nɛ̂n piti ta dəwje tə̂. Tɔkɔrɔ njaa, m-pa marəse, dingaje kuka ləde mban.

Maketuru le Lubba ke tar kabba

² «Yeenn a, toke aw are ne nje-ndoje a, maji kare uru ne ekii ang. Mba nje-ngemje aw ddaje toke baann me key-mbɔ-naa te le Jiipije, wase go ddew te mba kinga ne piti ta dewje te. Tɔkɔrɔ njaa, m-pa marese, dingaje kuka lede mban.

Matiye 6:2 ပူးပေါင်းရင်းမြစ်များ

Matiye 15:7

See njê-ngəmje, Ejayi ila mbər tar lə Lubba nəənn dɔse tə̂ kə dɔgɔlɛ̂. N̂-pa nan:

Matiye 16:3

Kə əndɔɔ a, ə-paje nan: ‹Ndi a kərə bbokənɛn, mba mə dara kasɛ ngaâ təl tuka ndul.› Bbo aaje kəm dara a, ə-gərəje nɛ̂n kə̂ a to. A asəje ta gərə nɛ̂n kə̂ a ddee go nɛ̂nje tə̂ kə̂ aw ooje bbasinɛn nəənn ang wa?

Matiye 22:18

Jeju gərə kəjə ləde kə̂ maji ang le ngaâ pa arəde nan: «Njê-ngəmje, mba ddi bba, aw nanʼmje wa?

Matiye 23:5

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.

Matiye 23:6

N̂-ndikije nya ta kisi nɛ̂n-kisi tə̂ kə̂ to kete ta nɛ̂n-kusa tə̂ ddəm kəy mbɔn-naanje tə̂ ddəm.

Matiye 24:51

Əbbeeje le a ddɛɛ̂ maji ang ngaâ a kilɛ̂ lo tə̂ kə̂ daw dila njê-ngəmje tə̂ darə aw nɔnje ddəm aw ngəərje ngangəde ddəm.»

Matiye 5:18

Tɔkɔrɔ njaa m-pa marəse, bbo dara kə nangə n̂-naynje baa bbay a, marə ngonn gɔl makəturu wase marə mbita gɔl Makəturu-Ndu a koso nangə̂ ang, ndərəng ddutu ndɔ tə̂.

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:3

A bbo arə nɛ̂n nje-ndoo kə jii kə̂ kɔl a, arə jii kə̂ gəl gərə ang.

Matiye 6:5

«Bbo aw dujuje Lubba a, ə-ddaje tokə lə njê-ngəmje ang. Dede, n̂-ndikije nya ta kar taar bba duju Lubba mə kəy mbɔn-naanje tə̂ wase tɔ-ddəwje tə̂ karə dəwje tɔyn oojede. Tɔkɔrɔ njaa, m-pa marəse, dingaje kuka ləde mban.

Matiye 7:5

Nje-ngəm, ɔru tɔkə kakə kə̂ to kəmi tə̂ dɔngɔr bba â koo lo kə majɛ̂ ta kɔru nɛ̂n mu kə̂ to kəm ngokɔin tə̂.

Marke 12:39

N̂-ndikije nɛ̂n-kisije kə̂ to kete mə kəy mbɔn-naan tə̂ ddəm ta nɛ̂n-kusa tə̂ ddəm.

Marke 7:6

Jeju ilade tə̂ nan: «See njê-ngəmje, Ejayi ila mbər dɔse tə̂ kə dɔgɔlɛ̂. N̂-pa nan: ‹Lubba pa nan: Dəwje nəənn aw waləmje tade tə̂ baa, a məde to dang səm.

Luku 11:41

Arəje nɛ̂nje kə̂ mə əngo tə̂ kə ka tə̂ le njê-ndooje, yeenn bba nɛ̂n a ddee to nɛ̂n-yərəw ang mbase.

Luku 11:43

«To ndoo nya arəse, see Parijinyɛje, mba nɛ̂n-kisi kə̂ kete â aw ndikije mə kəy mbɔn-naanje tə̂ ngaâ ə-ndikije karə dəwje ddase lapiya natâ.

Luku 12:33

«Ə-labbəje nɛ̂n-kingaje ləse ta ə-kaynje narɛ̂ dangətəje. Uruje bbɔl narɛ kə̂ a ngisi ang ta unguje nɛ̂n-kingaje ləse darâ, lo tə̂ kə̂ nɛ̂nje le a tuju tə̂ ndɔ kâra ang. Lo kə̂ gɔl njê-bbokoje a kɔru ang ddəm sɔlɔlɔ a kɔn nɛ̂n tə̂ ang ddəm.

Luku 12:56

Njê-ngəmje! Bbo aaje dɔ nangə wase mə dara a, ə-gərəje nɛ̂n kə̂ a to. A ə-gərəje nɛ̂nje kə̂ aw toje mə ndɔje tə̂ nəənn ang tokə baânn wa?

Luku 13:15

A Əbbə-dəwje ilɛ̂ tə̂ nan: «Njê-ngəmje! Sese kâra kâra tɔyn, ndɔ-kuwa-rɔ tə̂, aw tutuje mangəje wase kororoje ləse lo tə̂ kə̂ daw dusaje nɛ̂n tə̂, awje kə de arəje dayje maann ang wa?

Luku 20:46

«Aaje rɔse rɔ njê-gərəje-Ndu tə̂, mba n̂-ndikije ta kula kubbu kə̂ ngal bba ta nja nɛ̂n. N̂-ndikije karə dəwje ddade lapiya natâ. N̂-ndikije nɛ̂n-kisije kə̂ to kete mə kəy mbɔn-naan tə̂ kə nɛ̂n-kisije kə̂ dunda kete ta nɛ̂n-kusa tə̂.

Luku 6:24

A kəm-to-ndoo to ləse, see njê-nɛ̂n-kingaje, mba bbokənɛn wurse oso nangə̂ mban!

Luku 6:42

Wase, əi kə̂ oo tɔkə kakə kə̂ to kəmi tə̂ ang, â kasə pa karə ngokɔin nan ‹Arə mɔru mu kə̂ kəmi tə̂› tokə baann wa? Nje-ngəm, ɔru tɔkə kakə kə̂ to kəmi tə̂ dɔngɔr bba â koo lo kə majɛ̂ ta kɔru nɛ̂n mu kə̂ to kəm ngokɔin tə̂.»

Tar kə̂ Maji kə̂ Jan dda makəturu tə̂ 13:29

Judas â aw ngəm bbɔl narɛ. Yeenn bba marɛ̂je nya əjəje to Jeju duje karə naw ndoko nɛ̂nje mba karə n̂-ddaje nɛ̂n kusu. Wase ta karə naw narə nɛ̂n njê-ndooje.

Tar kə̂ Maji kə̂ Jan dda makəturu tə̂ 5:41

«Maw sangə karə dəwje pitimje ang.

Tar kə̂ Maji kə̂ Jan dda makəturu tə̂ 5:44

Sese aw pitije naan horose tə̂. A ə-sangəje piti kə̂ in rɔ Lubba tə̂ njaa ang. Yeenn a, â kasəje ta koo məse tə̂ tokə baânn wa?

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

Kulaje 10:2

Ne de kə njê kə̂ kəy laa tɔyn daw bbəəlje Lubba, naw numan Jiipije kə̂ toje to njê-ndooje ddəm naw duju Lubba kə kar tɔyn ddəm.

Kulaje 10:31

ngaâ pa nan: ‹Kɔrnɛy! Lubba oo duju kə̂ ə-duje ngaâ ole məɛ̂ dɔ nɛ̂nje tə̂ kə̂ aw arə njê-ndooje.

Kulaje 10:4

Kɔrnɛy le ɛɛ̂ kə kəm bbəəl ngaâ pa nan: «Əbbə-dəwje, nan ddi wa?» Anjə le pa arɛ̂ nan: «Lubba oo duju ləi kə kuman kə̂ aw uman njê-ndooje. Məɛ̂ oy dɔi ang.

Kulaje 11:29

Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Kulaje 9:36

Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.

Rɔmɛnje 12:8

Dəw kə̂ Lubba arɛ̂ gusu karə n̂-ndəjə dəwje a, maji karə n̂-ndəjə dəwje. Maji karə dəw kə̂ to nje-nɛ̂n-karə, arə nɛ̂n kə mə-kâra. Maji karə dəw kə̂ nje-tɔju ddəw dəwje, tɔju kə dɔgɔlɛ̂, dəw kə̂ aw dda maji kə dəwje, dda kə rɔ-nəəl.

1 Kɔrɛntinyɛje 13:3

Bbo m-kayn nɛ̂n-kingaje ləm dəwje kə̂ bbo aw ddade wase munn rɔm marə karə n̂-ro, a bbo ndiki goto məm tə̂ a, mâ kinga nɛ̂n goe tə̂ ang.

Galatəje 2:10

A nɛ̂n kə̂ n̂-dujujeje â to karə jole məje dɔ njê-ndooje tə̂. To nɛ̂n kə̂ to məm tə̂ ta dda njaa.

Epɛjinyɛje 4:28

Maji karə nje-bboko inya bboko laa, a unn rɔɛ̂ dda kula kə jia mba kinga nɛ̂n kə ddəwe. Baann bba nâ kinga nɛ̂n mba kuman nɛ̂n njê kə̂ nɛ̂n dude.

1 Tesalonisinyɛje 2:6

Jaw sangə ddəw ta kinga piti ta dəwje tə̂ ang ddəm tase tə̂ ang ddəm ta marə dəwje tə̂ ang ddəm.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Pilemɔn 1:7

Ngokɔnʼm, rɔm nəələm ngaâ minga singa mba ndiki kə̂ aw ndiki njê-mə-kunnje ngaâ ə-dda arə məde oso pɔn le.

Ebərəje 13:16

Maji karə məse oy ta dda maji kə naan ang ddəm ta kɔsu naan ngar ang ddəm. Mba nɛ̂n-poloje kə̂ baann â nəəl kəm Lubba tə̂.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!