Matiye 6:10 - Dɔnɔn kə̂ Siki: Tar kə̂ aw arə təbbə

¹⁰ Arə kɔn-mbay ləi ddee! Maji karə dəwje ddaje nɛ̂n kə̂ məi ndiki dɔ nangə tə̂, tokə ye kə̂ darâ.

Maketuru le Lubba ke tar kabba

¹⁰ Maji kare e-ddee ɔn bbe! Maji kare dewje ddaje ne ke mei ndiki dɔ nange te, ddew kara baa toke ye ke dara.

Matiye 6:10 ပူးပေါင်းရင်းမြစ်များ

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 26:42

Jeju təl aw ddəw əw bbay aw nduju Lubba nan: «Bɔy, bbo əngo nəənn le to ta karə may njaa, bbo ddəw kə̂ â kɔru nɛ̂n kə ddang goto a, maji karə ə-dda nɛ̂n kə̂ məi ndiki.»

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Marke 11:10

Maji karə Lubba bbar tar kə̂ maji dɔ kɔn-mbay tə̂ kə̂ aw ddee, kɔn-mbay lə kajeje Dabbiti. Jɔsuje gaji Lubba kə̂ isi ddutu dara tə̂ nu!»

Marke 3:35

Mba dəw kə̂ dda nɛ̂n kə̂ mə Lubba ndiki â to ngokɔnʼm, to kɔn-nannəm ngaâ to kɔnʼmje.»

Luku 19:11

Dəwje kə̂ banya le naynje aw ooje tar lə Jeju le bbay a, n̂-pa marə gusu-tar narəde, mba nee ngɔsi kə Jerujalɛm ngaâ dəwje aw əjəje to dâ kooje kɔn-mbay lə Lubba bbasinɛn nəənn njaa.

Luku 19:38

N̂-paje nan: «Lubba bbar tar kə̂ maji dɔ tɔkə mbay tə̂ kə̂ ddee kə ri Əbbə-dəwje! Mə-wul-lɔm to mə dara tə̂, piti to loje tə̂ kə̂ ddutu dara tə̂ nu!»

Luku 22:42

n̂-pa nan: «Bɔy, bbo ə-ndiki a, uta əngo kəm-to-ndoo nəənn dɔm tə̂ kə ddang. Ə-dda tokə ye kə̂ məi ndiki bbo tokə ye kə̂ məm ndiki ang.»

Tar kə̂ Maji kə̂ Jan dda makəturu tə̂ 4:34

Jeju pa arəde nan: «Nɛ̂n-kusa ləm to ənga dda nɛ̂n kə̂ mə Lubba kə̂ ulam ndiki, ta dda kula kə̂ narəm le tunga.

Tar kə̂ Maji kə̂ Jan dda makəturu tə̂ 6:40

Nɛ̂n kə̂ mə Bɔmje ndiki â nəənn: Karə dəwje tɔyn kə̂ ooje Ngonn le ngaâ ooje məde tə̂ saa, ingaje təbbə kə̂ to kə ndɔ kə ndɔ. Ngaâ əman, ddutu ndɔ tə̂ a, mâ ndolde.»

Tar kə̂ Maji kə̂ Jan dda makəturu tə̂ 7:17

Dəw kə̂ ndiki ta dda nɛ̂n kə̂ mə Lubba ndiki a, a gərə se nɛ̂n-tɔju ləm in rɔ Lubba tə̂ wase tarje kə̂ məm tə̂ njaa maw pa wa.

Kulaje 13:22

«Lubba ɔru mbay dɔ Sawul tə̂ ngaâ narə Dabbiti ddee to tɔkə mbay ləde. Lubba pa tar lə Dabbiti le nan: ‹Minga Dabbiti ngonn lə Jese. N̂-to dəw kə̂ məm ndike. Ne â nâ dda nɛ̂nje tɔyn kə̂ məm ndiki.›

Kulaje 21:14

Juman saa pin n̂-ndiki ang ngaâ jəw rɔje. N-pa nan: «Maji karə Əbbə-dəwje dda nɛ̂n kə̂ məɛ̂ ndiki.»

Kulaje 22:14

Ananiyas le pa arəm nan: ‹Lubba lə kajeje bbari undai dang karə ə-gərə nɛ̂n kə̂ məɛ̂ ndiki, karə ta oo Jeju kə̂ to dəw kə̂ gatə gatə, karə ta oo ndue kə mbii.

Rɔmɛnje 12:2

Maji karə ə-ndajije nɛ̂n-ddaje lə dəwje kə̂ duninya tə̂ nəənn ang, a inyaje ddəw arəje Lubba turu kəjə ləse. Baann bba â kasəje ta gərə nɛ̂n kə̂ Lubba ndiki, nɛ̂n kə̂ maji, nɛ̂n kə̂ nəəl kəmɛ̂ tə̂ kə nɛ̂n kə̂ maji tɔyn.

Epɛjinyɛje 6:6

Ə-ddaje kə de baann mba nəəl nɛ̂n kəmde tə̂ ang. A ə-ddaje tokə bbərəje lə Kristə kə̂ unnje rɔde tɔyn ta dda nɛ̂n nɛ̂n kə̂ mə Lubba ndiki.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

Kolosinyɛje 1:9

Mba yeenn bba, jeje kara, unn kute ndɔ tə̂ kə̂ joo nɛ̂n tar le, jaw duju Lubba kə ndɔ tɔyn mba tar ləse. Ngaâ jaw duje karə narə ə-gərəje nɛ̂n kə̂ məɛ̂ ndiki narə ddususe, narə ingaje kəm-karɛ kə nɛ̂n-gərə dang dang kə̂ Ndil-mə-nda aw arə dəwje.

1 Tesalonisinyɛje 4:3

Nɛ̂n kə̂ Lubba ndiki â to, karə ə-sangəje rɔse mba Lubba, karə ulaje rɔse kaya tə̂ ang.

1 Tesalonisinyɛje 5:18

ngaâ mə nɛ̂nje tə̂ tɔyn, arəje wooyo Lubba, mba to nɛ̂nje kə̂ Lubba ndiki karə ə-ddaje mba mə-kâra kə̂ ə-ddaje kə Jeju-Kristə.

Ebərəje 1:14

Anjəje tɔyn toje to ndilje kə̂ aw ddaje kula arə Lubba. Naw nulade narə daw dumanje dəwje kə̂ n̂-ndiki ta kajide.

Ebərəje 10:36

Maji karə uwaje arə ngəng bba â ddaje nɛ̂n kə̂ mə Lubba ndiki. Ngaâ goe tə̂ a, â kingaje nɛ̂n kə̂ nunn ndue ta karəse.

Ebərəje 10:7

Mba yeenn bba, m-pa nan: ‹əman â mar nəənn, m-ddee ta dda nɛ̂n kə̂ məi ndiki. Ddəw kâra baa kə tar kə̂ Makəturu-əndaar pa dɔm tə̂ le.› »

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

1 Piyɛr 2:15

Mba nɛ̂n kə̂ Lubba ndiki â to karə ə-ddaje maji bba karə dəwje kə̂ dɔde goto ngaâ gərəje nɛ̂n ang, ooje tar ta pa ang.

1 Piyɛr 4:2

Yeenn bba karə kəsə ndɔje kə̂ n̂-nayn nɛ̂n dɔ nangə tə̂ nəənn kə da-rɔɛ̂ bbay le, n̂-nja kə ddəw kə̂ mə Lubba ndiki, bbo ddəw bboje tə̂ kə̂ da-rɔ tə̂ ang ngaa.

Apokalisi 11:15

Goe tə̂ a, anjə kə̂ to siri laa to təbbə. Ndu bbar kə singa darâ nan: «Bbasinɛn, kɔn-mbay dɔ nangə tə̂ nəənn təl mə ji Əbbəjeje tə̂ kə mə ji Mesi tə̂ laa. Nâ kɔn-mbay kə ndɔ kə ndɔ.»

Apokalisi 12:10

Moo marə ndu bbar kə singa mə dara tə̂ nan: «Bbasinɛn Lubba ajije ngaa, n̂-tɔju singa-mɔngu kə kɔn-mbay laa ngaa. Mesi laa tɔju singa laa ngaa. Mba duta ne nje-kunda tar dɔ ngakɔnje tə̂ le dilɛ̂ nangə̂ mban, ne kə̂ naw nunda tar dɔde tə̂ nɔn Lubba tə̂ til kə kar le.

Apokalisi 19:6

Moo marə ndu tokə ndu dəwje kə̂ banya ddəm tokə kɔru tɔkə maann ddəm tokə kɔru ndi kə̂ ndangə kə singa ddəm. Ndu le pa nan: «Aleluya! Mba Əbbə-dəwje Lubba, Nje-singa-mɔngu aw ɔn bbe ngaa.

Apokalisi 20:4

Goe tə̂ a, moo ngende-mbayje. Darə singa dəwje kə̂ isije dɔɛ̂ tə̂ karə n̂-gangəje sariya. Moo ndil dəwje kə̂ n̂-tɔlde mba tar-naji lə Jeju kə̂ n̂-paje ddəm mba tar lə Lubba ddəm. Moo ndil dede kə̂ n̂-mbətəje ta kɔsu məkəjə-gɔlde nɔn da tə̂ le ddəm nɔn ətaar tə̂ kə̂ ndaji da tə̂ le ddəm dɔsu əndaji əngo-nɔnde tə̂ ang ddəm mə jide tə̂ ang ddəm le tɔ. N̂-ndolje ngaâ dɔnje mbay kə Kristə asə bbal doro kâra (1 000).