Matiye 5:7 - Dɔnɔn kə̂ Siki: Tar kə̂ aw arə təbbə

⁷ Maji arəse, see dəwje kə̂ aw ooje kəm-to-ndoo lə njê-marəseje, mba Lubba a koo kəm-to-ndoo ləse tɔ.

Maketuru le Lubba ke tar kabba

⁷ Rɔ-nel to mba dewje ke aw ooje kem-to-ndoo le nga-mardeje, mba Lubba a koo kem-to-ndoo lede tɔ.

Matiye 5:7 ပူးပေါင်းရင်းမြစ်များ

Marke 11:25

Bbo arje taar ta duju Lubba, a bbo eeje kə tar kə marə dəw a, ɔruje tar le dɔɛ̂ tə̂, arəje Bɔsese kə̂ isi mə dara tə̂ ɔru tar dɔse tə̂ tɔ. [

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Rɔmɛnje 11:30

Ləw ə-mbətəje ta koo ta Lubba, a bbasinɛn Lubba oo kəm-to-ndoo ləse mba Jiipije kə̂ mbətəje ta koo tɛɛ̂.

1 Kɔrɛntinyɛje 7:25

Dɛnɛ̂nje kə̂ gərəje ngaw ang kə dingawje kə̂ gərəje dɛnɛ̂n ang, Əbbə-dəwje arəm ndu mbade ang. Tar kə̂ məm tə̂ njaa maw pa nəənn, əman kə̂ ddəw maji tə̂ kə̂ Əbbə-dəwje dda səm, dəwje a kasəje ta kundaje məde dɔm tə̂.

2 Kɔrɛntinyɛje 4:1

Lubba â arəje kula le ddəw maji tə̂ laa. Mba yeenn bba, rɔje nyaje ddəwe tə̂ ang.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

1 Timɔte 1:13

A əman kə̂ ləw m-to nje-tuju ria, mula kəm dəwje laa ndoo tə̂, m-tajide le, Lubba oo kəm-to-ndoo ləm, mba moo məm tə̂ saa ang arə m-gərə dɔm nɛ̂n tə̂ kə̂ m-dda le ang.

1 Timɔte 1:16

A mba yeenn â Lubba oo kəm-to-ndoo ləm, n̂-ndiki ta karə Jeju-Kristə tɔju tɔ-wur laa dɔm tə̂, əman kə̂ m-to dəw kə̂ dɔngɔr kə̂ nje-nɛ̂n-dda kə̂ maji ang le. N̂-dda baann mba karə dəwje kə̂ a ta kooje məde tə̂ saa ta kinga nɛ̂n təbbə kə̂ to kə ndɔ kə ndɔ oomje to nɛ̂n-kɔju-marɛ̂.

Ebərəje 4:16

Yeenn a, maji karə n-ddeeje ngɔsi kə ngende-mbay lə Lubba kə̂ to nje-mə-maji ta jarə məje oso pɔn. Baann bba nâ koo kəm-to-ndoo ləje ngaâ nâ dda kə je mə-maji ta nâ kumanje mə karje tə̂ kə̂ asə karə numanje.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Jakə 2:13

Dəw kə̂ oo kəm-to-ndoo lə nje-marɛ̂ ang, Lubba a koo kəm-to-ndoo laa ndɔ gangə sariya tə̂ ang tɔ. A dəw kə̂ oo kəm-to-ndoo lə nje-marɛ̂ a tee ta sariya tə̂.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.