Matiye 5:5 - Dɔnɔn kə̂ Siki: Tar kə̂ aw arə təbbə

⁵ Maji arəse, see dəwje kə̂ ə-wulje pee, mba Lubba a karəse nangə nəənn to ləse.

Maketuru le Lubba ke tar kabba

⁵ Rɔ-nel to mba dewje ke wulje pe, mba Lubba a karede nange neenn to lede.

Matiye 5:5 ပူးပေါင်းရင်းမြစ်များ

Matiye 11:29

Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Rɔmɛnje 4:13

Lubba pa arə Abaraham kə ngakɛɛ̂jê nan, na karəde nangə nəənn to ləde. Mba nɛ̂n kə̂ Abaraham dda kə turu Ndu Lubba bba Lubba unn nɛ̂n ndue baann ang. Nunn ndue baann mba mə-kunn lə Abaraham. Mba yeenn bba, Lubba ooe nɛ̂n to dəw kə̂ gatə gatə.

Galatəje 5:23

wul pee, ngəm-rɔ. Ndu mbətə nɛ̂nje kə̂ baann ang.

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Jakə 1:21

Mba yeenn bba, maji karə inyaje nɛ̂n-yərəw tɔyn kə mə-majangje tɔyn, ə-taaje tar kə̂ Lubba dubbu məse tə̂ kə mə ngonn-kasə. Tar le a kasə ta kajise.

Jakə 3:13

Nân horose tə̂ â to nje-kəm-karɛ kə nje-nɛ̂n-gərə wa? Maji karə n̂-tɔju kəm-karɛ kə nɛ̂n-gərə laa ddəw pa-nja tə̂ kə̂ maji kə̂ tɔju to n̂-dda kulaje laa ddəw kəm-karɛ tə̂ ddəm kə mə ngonn-kasə ddəm.

1 Piyɛr 3:15

A maji karə ə-gərəje məse tə̂ to Kristə kə̂ to Əbbəsese maji tɔyn. Dəwje kə̂ aw dujuse ta gərə nɛ̂n kə̂ aw undaje məse dɔɛ̂ tə̂ le, maji karə ə-toje ngɔsi ta kilade tar tə̂ ləde le.

1 Piyɛr 3:4

A maji karə ə-ddaje mandə ləse məse tə̂. Yeenn to mandə kə̂ a tuju ndɔ kâra ang ngaâ ta arəje kəjə ləse wul pee ddəm to ddekeke ddəm. Yeenn bba to nɛ̂n kə̂ ngəng kəm Lubba tə̂.