Matiye 5:48 - Dɔnɔn kə̂ Siki: Tar kə̂ aw arə təbbə

⁴⁸ Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Maketuru le Lubba ke tar kabba

⁴⁸ Yeenn a, maji kare e-ddeeje to dewje ke maji tɔyn ddew kara baa toke Bɔsese ke isi darâ maji tɔyn.»

Matiye 5:48 ပူးပေါင်းရင်းမြစ်များ

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Matiye 5:45

Yeenn bba â toje to ngann lə Bɔsese kə̂ isi darâ. Mba narə kar laa aw ɔsu dɔ dəwje tə̂ kə̂ majije ang ddəm dɔ dəwje tə̂ kə̂ majije ddəm. Naw narə ndi aw ərə dɔ dəwje tə̂ kə̂ toje gatə gatə ddəm dɔ dəwje tə̂ kə̂ toje gatə gatə ang ddəm.

Matiye 5:47

 bbo ngakɔnse njaa bba ə-ddajede lapiya a, ddi kə̂ dang boy â ə-ddaje wa? Dəwje kə̂ gərəje Lubba ang kara aw ddaje tokə baann tɔ.

Luku 6:36

Maji karə ooje kəm-to-ndoo lə naan tokə Bɔsese oo kəm-to-ndoo ləse.»

Luku 6:40

Nje-nja go dəw tə̂ uta dəw kə̂ naw nja goe tə̂ le ang. A nje-nja go dəw tə̂ kə̂ ndo nɛ̂n kə majɛ̂ a to tokə dəw kə̂ naw nja goe tə̂ le tɔ.

2 Kɔrɛntinyɛje 13:11

Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

2 Kɔrɛntinyɛje 7:1

See ngakɔnʼmje kə̂ m-ndikise nya, Lubba unn ndue ta dda nɛ̂njeenn tɔyn mba tar ləje. Yeenn a, maji karə jeje njaa jɔru nɛ̂n-yərəwje tɔyn da-rɔje tə̂ kə kəjə tə̂ ləje kə ddang. Maji karə n-ddaje singa ta ddee maji tɔyn ddəw bbəəl Lubba tə̂.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

Kolosinyɛje 4:12

Epaparas kə̂ to dəw kə̂ bbeê ləse ddase lapiya. Ne kə̂ n̂-to bbərə-kula lə Jeju-Kristə le naw dda ddɔ mba tar ləse kə ndɔ tɔyn, ddəw duju Lubba tə̂ bba karə uwaje arəje ngəng, karə ə-ddeeje maji tɔyn, bba karə unnje rɔse tɔyn ta dda nɛ̂n tɔyn kə̂ mə Lubba ndiki.

Jakə 1:4

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

1 Jan 3:3

Dəw kə̂ unda məɛ̂ dɔ Kristə tə̂, toko nɛ̂n-yərəw laa kə ddang tokə Kristə kə̂ nɛ̂n-yərəw kâra ɔrɛ̂ ang le.