Matiye 5:37 - Dɔnɔn kə̂ Siki: Tar kə̂ aw arə təbbə

³⁷ A maji karə ə-paje nan: ‹Ye njaa, ye njaa› wase ‹Ye ang, ye ang›. A bbo ilaje marə tar dɔɛ̂ tə̂ a, to tar kə̂ in rɔ Nje-Mə-Majang tə̂.»

Maketuru le Lubba ke tar kabba

³⁷ A maji kare e-paje na: Ye njaa ann, ye njaa ann. Wase ye ang, ye ang. A bbo ilaje mare tar dɔe te a, to tar ke in rɔ Nje-Me-Majang te ann.»

Matiye 5:37 ပူးပေါင်းရင်းမြစ်များ

Matiye 13:19

Dəwje kə̂ ooje tar kɔn-mbay lə Lubba, a gərəje kandə tar le ang, toje tokə dɔ ddəw kə̂ kandə-koje gaynje tə̂ le. Nje-mə-majang ddee ɔru nɛ̂n kə̂ n̂-dubbu məde tə̂ le kə ddang.

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 15:19

Mba kəjəje kə̂ maji ang aw inje bbəngərə dəw tə̂: Tɔl dəw, lo-to-majang, dda kaya, bboko, tar-naji kə̂ to kə dɔgɔlɛ̂ ang, nanɛn kə naan.

Matiye 5:36

Unn dɔi unda nɛ̂n yo ang, mba asə ta dda karə biin dɔi kâra nda wase ndul ang.

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Tar kə̂ Maji kə̂ Jan dda makəturu tə̂ 17:15

Maw duji karə ɔrude duninya tə̂ nəənn kə ddang ang. A ta karə ə-ngəmde bba karə Nje-mə-majang le dda marə nɛ̂n kə de ang.

Tar kə̂ Maji kə̂ Jan dda makəturu tə̂ 8:44

Bɔsese to əsu le arə ə-ndikije ta dda nɛ̂n kə̂ bɔsese ndiki. N̂-to nje-tɔl dəwje kunn-kutu nɛ̂n tə̂ nu. Nar dɔ tar tə̂ kə̂ tɔkɔrɔ ndɔ kâra ang, mba tar kə̂ tɔkɔrɔ to məɛ̂ tə̂ ang. Bbo naw nərə ngəm a, to tarje kə̂ inje məɛ̂ tə̂ njaa â naw pa. Mba n̂-to nje-ngəm ddəm n̂-to bɔ ngəm ddəm.

Epɛjinyɛje 4:25

Yeenn a, maji karə inyaje ngəm, ta dəw kâra kâra pa tar kə̂ tɔkɔrɔ arə nje-marɛ̂, mba jeje tɔyn njaa n-toje da-rɔ kə̂ kâra baa.

Epɛjinyɛje 6:16

Uta tɔyn, mə nɛ̂nje tə̂ tɔyn, uwaje mə-kunn ləse tokə dər. Baann bba a tɔlje nɛ̂n puru-kɔndɔrɔje lə Nje-mə-majang le kə ddang.

Kolosinyɛje 3:9

Maji karə ə-paje tar ngəm arəje naan ang ngaa, mba ɔruje da-rɔ kə̂ ləw kə nɛ̂n-ddaje laa ilaje kɔrɔ̂ tokə lə bar kubbu mban.

Kolosinyɛje 4:6

Maji karə tar kə̂ tase tə̂ maji to maji dɔrɔ ngaâ nəəl dəwje. Maji karə ə-gərəje gusu kə̂ â kilaje nɛ̂n tar tə̂ lə dəwje kâra kâra.

2 Tesalonisinyɛje 3:3

A Əbbə-dəwje aw dda nɛ̂n kə turu ndue. Nâ karə ubbaje singa ngaâ nâ ngəmse karə Nje-mə-majang le ɔruse ang.

Jakə 5:12

Uta tɔyn, ngakɔnʼmje, maji karə undaje yo kə ri dara ang ddəm nangə ang ddəm undaje marə yo-kunda dang ang. A maji karə bbo nɛ̂n kə̂ to ye njaa a, ə-paje nan: «Ye njaa», bbo nɛ̂n kə̂ to ye ang a, ə-paje nan: «Ye ang». Baann bba Lubba a gangə sariya dɔse tə̂ ang.

1 Jan 2:13

Bɔydede, m-dda makəturu nəənn marəse, mba ə-gərəje ne kə̂ n̂-to kunn-kutu nɛ̂n tə̂ njaa le. Basanje, m-dda makəturu nəənn marəse mba utaje Nje-mə-majang kə singa.

1 Jan 3:12

Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

1 Jan 5:18

Jeje, n-gərəje to dəwje kə̂ Lubba ujude ddaje majang ang ngaa. Jeju kə̂ Lubba uje ngəm dəwje le arə Nje-mə-majang inga ddəw ləde ang.