Matiye 5:30 - Dɔnɔn kə̂ Siki: Tar kə̂ aw arə təbbə

³⁰ A bbo jii kə̂ kɔl a ta dda karə ə-dda majang a, ə-gangə ila kɔrɔ̂ ddəw əw. Mba bbo dəbbə rɔi kâra â goto a, maji uta karə da-rɔi tɔyn njaa aw kəm puru tə̂ kə̂ aw ɔn kə ndɔ kə ndɔ.»

Maketuru le Lubba ke tar kabba

³⁰ A bbo jii ke kɔl dda are oso me majang te a, e-gange ila kɔrɔ ddew ew. Mba bbo debbe rɔi kara a goto a, maji uta kare da-rɔi tɔyn njaa aw kem puru te ke aw ɔn ke ndɔ ke ndɔ.»

Matiye 5:30 ပူးပေါင်းရင်းမြစ်များ

Matiye 11:6

Maji arə dəw kə̂ əman â, mâ to nje-dda karə mə-kunn laa oso ang.»

Matiye 13:21

A tar le ungu ngirɛ̂ məde tə̂ ang, kure əw məde tə̂ ang. Bbo nɛ̂n kəm-to-ndoo wase nɛ̂n-singa ddee ingade mba tar lə Lubba le a, mə-kunn ləde oso njangə baa.

Matiye 16:23

A Jeju turu rɔɛ̂ ngaâ pa arə Piyɛr le nan: «Ɔtu gom tə̂ kə ddang, Satan! A ta dda karə moso, mba kəjə ləi to kəjə lə Lubba ang, to kəjə lə dəw.»

Matiye 17:27

A ta karə jula wungu məde tə̂ ang a, aw baâ aw ila kii. Dɔngɔr kanji kə̂ a kɔrɛ̂ njaa ə-təəyn tɛɛ̂ a, â kinga kandə narɛ. Unn kandə narɛ le aw nɛ̂n arəde to lambo ləm ddəm ləi ddəm.»

Matiye 18:8

Bbo jii wase gɔli a ta dda karə oso mə majang tə̂ a, ə-gangə ungu kɔrɔ̂. Mba kinga təbbə kə jii wase gɔli kə̂ nayn kâra baa maji uta ngəm jii joo kəm wase gɔli joo kəm karə dilai nɛ̂n kəm puru tə̂ kə̂ aw ɔn kə ndɔ kə ndɔ.

Matiye 22:13

Yeenn bba, tɔkə mbay le pa arə ngann njê-kulaje laa nan: ‹Ə-tɔje jia kə gɔlɛ̂ bbo ilɛ̂je ddaka lo tə̂ kə̂ ndul. Lo tə̂ənn, nâ nɔn ngaâ nâ ngəər ngangɛ̂.› »

Matiye 25:20

Ne kə̂ ninga kandə narɛ kɔr min le naw ddee kə marə kandə narɛ kɔr min kə̂ ninga dɔɛ̂ tə̂ le ngaâ n̂-pa nan: ‹Əbbəmje, arəm kandə narɛ kɔr min, a ye kə̂ kɔr min kə̂ minga dɔɛ̂ tə̂ â nəənn.›

Matiye 26:31

Yeenn ngaâ Jeju pa arəde nan: «Til tə̂ nəənn, â tusumje tɔyn kinyamje, mba n̂-dda Makəturu tə̂ lə Lubba nan: ‹Mâ tɔl nje-ngəm batəje, ta kusu batəje le a sanrɛ naan.›

Matiye 5:22

A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Matiye 5:29

Bbo kəmi kə̂ kɔl a ta dda karə ə-dda majang a, ɔru ila kɔrɔ̂ ddəw əw. Mba bbo dəbbə rɔi kâra â goto a, maji uta karə da-rɔi tɔyn njaa aw kəm puru tə̂ kə̂ aw ɔn kə ndɔ kə ndɔ.

Marke 9:43

Bbo jii a ta dda karə ə-dda majang a, ə-gangə kə ddang. Mba kinga təbbə kə̂ tɔkɔrɔ kə jii kə̂ nayn kâra baa, maji uta ngəm jii joo kəm kaw nɛ̂n kəm puru tə̂ kə̂ aw ɔn kə ndɔ kə ndɔ. [

Luku 12:5

Mâ tɔjuse dəw kə̂ maji karə ə-bbəəleje. Lubba kə̂ bbo tɔl dəw a, ee kə singa ta kilɛ̂ kəm puru tə̂, tɔkɔrɔ m-pa marəse, ne â maji karə ə-bbəəleje.

Luku 17:2

Karə n̂-tɔ ər kə̂ ɔɔy gɔsɛ̂ tə̂ dilɛ̂ mə ba-katə tə̂ maji arɛ̂ uta karə n̂-dda narə ngonn-kâra horo ngann marɛ̂je tə̂ nəənn oso mə majang tə̂.

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

1 Kɔrɛntinyɛje 8:13

Mba yeenn bba, bbo nɛ̂n-kusa asə ta dda karə ngokɔnʼm oso mə nɛ̂n tə̂ kə̂ maji ang a, mâ kɔn taal-da ndɔ kâra ang nan karə ngokɔnʼm in oso mə majang tə̂.

Galatəje 5:11

A əman, ngakɔnʼmje, m-nayn maw mila mbər kuja ganja bbay wa? A bbo maw mila mbər kuja ganja a, mba ddi bba dəwje a kulaje kəmʼm ndoo tə̂ bbay wa? Bbo mbər kuja ganja â maw mila a, tar koy lə Kristə dɔ kakə-dəsə tə̂ a to marə jiki karə dəw tuka gɔlɛ̂ tə̂ ang ngaa.

1 Piyɛr 2:8

Makəturu le pa bbay nan: «To ər kə̂ dəwje aw tukaje gɔlde tə̂ ddəm tɔkə ər kə̂ aw dda arə dəwje aw tosoje ddəm.» Daw tukaje gɔlde tə̂, mba n̂-mbətəje ta koo məde tə̂ kə tar lə Lubba. Yeenn to nɛ̂n kə̂ Lubba gɔl mbade njaa.