Matiye 5:3 - Dɔnɔn kə̂ Siki: Tar kə̂ aw arə təbbə

³ «Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Maketuru le Lubba ke tar kabba

³ «Rɔ-nel to mba dewje ke gereje to, n̂-toje to nje-ndooje ddew keje te lede, mba Bbe-kɔn ke darâ to lede.

Matiye 5:3 ပူးပေါင်းရင်းမြစ်များ

Matiye 11:25

Karə tə̂ənn, Jeju pa nan: «Mɔsu gajii Bɔy, əi kə̂ ə-to Əbbə-dəwje darâ ddəm nangə̂ ddəm mba iya nɛ̂nje nəənn le njê-kəm-karɛje ddəm njê-nɛ̂n-gərəje ddəm. A ə-tɔju nɛ̂njeenn le dəwje kə̂ toje to dəwje kə̂ tɛn baa.

Matiye 11:6

Maji arə dəw kə̂ əman â, mâ to nje-dda karə mə-kunn laa oso ang.»

Matiye 13:16

«Maji arəse, sese kə̂ kəmse aw oo lo ddəm mbise aw oo tar ddəm.

Matiye 19:14

A Jeju pa arəde nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn kə̂ darâ to mba dəwje kə̂ toje tokə dede.»

Matiye 24:46

Maji arɛ̂, ne kə̂ əbbeeje le təl ddee ingɛ̂ ta kula tə̂ le.

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 8:11

M-pa marəse: Dəwje nya a kinje kəm kar tə̂ kə lo kə̂ kar aw andə tə̂ ta dâ kisi ta nɛ̂n-kusa tə̂ kə Abaraham, Ijakə kə Jakobbo mə Bbe-kɔn tə̂ kə̂ darâ.

Marke 10:14

Jeju oo nɛ̂ɛnn le a, nəəle ang ngaâ pa arə njê-njaje goe tə̂ le nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn lə Lubba to mba dəwje kə̂ toje tokə dede.

Luku 11:28

A Jeju ilɛ̂ tə̂ nan: «Uta tɔyn, maji arə dede kə̂ dooje tar lə Lubba a, ngəmje.»

Luku 18:14

M-pa marəse, nje-taa narɛ lambo le ddee to dəw kə̂ gatə gatə kəm Lubba tə̂ ngaâ təl kəy laa, a Parijinyɛ le ddee to dəw kə̂ gatə gatə ang. Mba dəw kə̂ ndiki koo rɔɛ̂ bo a, Lubba a karə n̂-ddee tɛn baa ngaâ dəw kə̂ oo rɔɛ̂ tɛn baa a, Lubba a karə n̂-ddee bo.»

Luku 22:29

Mba yeenn bba, mâ karəse Bbe-kɔn le tokə Bɔmje arəm le,

Luku 22:30

mba karə usaje nɛ̂n ddəm ayje nɛ̂n ddəm dɔ tabələ tə̂ ləm mə Bbe-kɔn tə̂ ləm ngaâ karə isije ngende-mbayje tə̂, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo.»

Luku 4:18

«Ndil lə Əbbə-dəwje to dɔm tə̂, mba nungu ubbu dɔm tə̂ karə mila mbər Tar kə̂ Maji marə njê-ndooje. Nulam karə m-pa marə bbərəje to dâ teeje kɔ bbərə tə̂, karə m-pa marə njê-kəm-tɔje to dâ təlje kooje lo, nulam karə mɔru dəwje ndoo tə̂ kə ddang.

Tar kə̂ Maji kə̂ Jan dda makəturu tə̂ 20:29

Jeju pa arɛ̂ nan: «Oo məi tə̂ mba koo kə̂ oom le wa? Maji nya arə dəwje kə̂ oomje ang ddəm, a ooje məde tə̂.»

Jakə 1:10

A ne kə̂ n̂-to nje-nɛ̂n-kinga n̂-dda rɔ-nəəl tɔ, mba Lubba a dda karə dəwje ooeje to nɛ̂n ang, mba nje-nɛ̂n-kinga a nday tokə lə putu kakə kə̂ gayn.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Apokalisi 19:9

Anjə le pa arəm nan: «Uja tar nəənn makəturu tə̂: ‹Maji arə dəwje kə̂ n̂-bbarde kusu taa-naan tə̂ lə Ngonn batə!› » Goe tə̂ a, n̂-pa narəm nan: «To tarje lə Lubba njaa.»

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.