Matiye 5:22 - Dɔnɔn kə̂ Siki: Tar kə̂ aw arə təbbə

²² A əman, m-pa marəse: Bbo dəw dda wungu kə ngokɔɛ̂n a, asə karə n̂-gangə sariya dɔɛ̂ tə̂. Bbo dəw bbar ngokɔɛ̂n mbə a, asə karə daw saa nɔn sariya tə̂. A bbo dəw bbar ngokɔɛ̂n wooy a, asə karə dilɛ̂ kəm puru tə̂ kə̂ aw ɔn kə ndɔ kə ndɔ.

Maketuru le Lubba ke tar kabba

²² A ema, m-pa marese: ‹Bbo dew dda wungu ke ngokɔen a, ase kare n̂-gange sariya dɔe te. Bbo dew bbar ngokɔen mbe a, nase kare daw saa nɔ sariya te. A bbo dew bbar ngokɔen woy a, nase kare dilae kem puru te ke aw ɔn ke ndɔ ke ndɔ.›

Matiye 5:22 ပူးပေါင်းရင်းမြစ်များ

Matiye 10:17

Aaje rɔse, mba dâ kaw kə se sariya tə̂ ta dâ tundase kə ndəy mə kəy mbɔn-naanje tə̂ ləde.

Matiye 10:28

Dəwje kə̂ da-rɔ dəw â a kasəje ta tɔl bbo kəwn lə dəw ang, ə-bbəəljede ang. Lubba â maji karə ə-bbəəleje. Ne â nasə ta dda karə kəwn lə dəw ddəm da-rɔ dəw ddəm gotoje kə ddang kəm puru tə̂ kə̂ aw ɔn kə ndɔ kə ndɔ.

Matiye 12:24

Parijinyɛje ooje tarɛ̂ a, paje nan: «Dingaw nəənn, Bɛljebul kə̂ to mbay lə ndilje kə̂ maji ang â arɛ̂ singa tubba nɛ̂n ndilje kə̂ maji ang.»

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 18:21

Yeenn ngaâ Piyɛr ddee rɔ Jeju tə̂, duje nan: «Əbbəmje, Bbo ngokɔnʼm dda səm nɛ̂n kə̂ maji ang a, mâ kɔru tar dɔɛ̂ tə̂ gɔl baânn wa? Gɔl siri wa?»

Matiye 18:35

Ta kutu nɛ̂n dɔɛ̂ a, Jeju pa nan: «Bbo ɔruje tar dɔ ngokɔnse tə̂ kə məse tɔyn ang a, Bɔy kə̂ isi darâ a dda kə se tokə baann tɔ.»

Matiye 23:15

«To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ulaje lo dɔ ba-katə tə̂ ddəm dɔ nangə tə̂ ddəm tɔyn mba kinga marə dəw kâra karə unn gose. Bbo dəw le unn gose a, ə-ddɛɛ̂je arə n̂-ddee to dəw kə̂ asə kaw kəm puru tə̂ kə̂ aw ɔn kə ndɔ kə ndɔ utase gɔl joo bbay.

Matiye 23:33

See lije, ko əmbakaraje, â kasəje ta tee ta sariya puru tə̂ kə̂ aw ɔn kə ndɔ kə ndɔ tokə baânn wa?

Matiye 25:41

«Goe tə̂ a, nâ pa karə njê kə̂ eeje dɔ ji-gəle tə̂ le nan: ‹Ɔtuje mbɔrəm tə̂ kə ddang, sese kə̂ ndu-ndɔɔl to dɔse tə̂. Awje dann puru tə̂ kə̂ aw ɔn kə ndɔ kə ndɔ, kə̂ Lubba gɔl mba əsu kə anjəje laa.

Matiye 26:59

Mbayje lə njê-poloje Lubba kə njê-gangəje sariya lə Jiipije le tɔyn daw sangəje marə tar ta kunda dɔ Jeju tə̂ bba ta gangə nɛ̂n sariya-yo dɔɛ̂ tə̂.

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Matiye 5:34

A əman, m-pa marəse: Dang bba undaje yo ang. Undaje yo kə ri dara ang, mba dara to ngende-mbay lə Lubba.

Matiye 5:44

A əman, m-pa marəse: Ə-ndikije njê-baanje ləse ngaâ ə-dujuje Lubba mba dəwje kə̂ aw ulaje kəmse ndoo.

Marke 14:55

Mbayje lə njê-poloje Lubba kə njê-gangəje sariya lə Jiipije le tɔyn, daw sangəje marə tar ta kunda dɔ Jeju tə̂ bba ta gangə nɛ̂n sariya-yo dɔɛ̂ tə̂, a dingaje marə tar ang.

Marke 15:1

Kə əsindɔɔ baa njaa, mbayje lə njê-poloje Lubba mbɔnje naan kə tɔkəje lə Jiipije, njê-gərəje-Ndu kə kəsə njê-gangəje sariya tɔyn ta koo nɛ̂n kə̂ ta dda. Darə n̂-tɔ Jeju ngaâ daw saa nɔn gɔl Pilatə tə̂.

Luku 12:5

Mâ tɔjuse dəw kə̂ maji karə ə-bbəəleje. Lubba kə̂ bbo tɔl dəw a, ee kə singa ta kilɛ̂ kəm puru tə̂, tɔkɔrɔ m-pa marəse, ne â maji karə ə-bbəəleje.

Luku 22:66

Lo arɛ a, mbɔn-naan lə tɔkəje lə Jiipije, mbayje lə njê-poloje Lubba kə njê-gərəje-Ndu mbɔnje naan ngaâ arəje n̂-ddee kə Jeju lo gangə sariya tə̂.

Tar kə̂ Maji kə̂ Jan dda makəturu tə̂ 11:47

Yeenn ngaâ mbayje lə njê-poloje Lubba kə Parijinyɛje bbarje kəsə njê-gangəje sariya ləde ngaâ paje nan: «Ddi â ja ddaje wa? Dingaw nəənn dda nɛ̂n-mɔrije nya.

Tar kə̂ Maji kə̂ Jan dda makəturu tə̂ 15:25

A nɛ̂ɛnn le to tokə baann bba karə tar kə̂ n̂-dda Makəturu-Ndu tə̂ ləde ddee to nɛ̂n kə̂ tɔkɔrɔ. Tar le nan: ‹N̂-mbətəmje baa njaa.›

Tar kə̂ Maji kə̂ Jan dda makəturu tə̂ 7:20

Dəwje le paje arəje Jeju nan: «Ndil kə̂ maji ang to məi tə̂. Nân bba aw sangə ddəw ta tɔli wa?»

Tar kə̂ Maji kə̂ Jan dda makəturu tə̂ 8:48

Jiipije ilaje Jeju tə̂ nan: «Tar kə̂ n-pa nan ə-to dəw kə̂ Samari ngaâ ndil kə̂ maji ang to məi tə̂ le to kə dɔgɔlɛ̂ njaa.»

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 22:30

Lo arɛ a, mbay lə mbambaje le ndiki ta gərə gəl nɛ̂n kə̂ Jiipije undaje nɛ̂n tar dɔ Pɔl tə̂ le kə majɛ̂. Yeenn bba, narə n̂-tutu kula njamji gɔlɛ̂ tə̂ ngaâ narə mbayje lə njê-poloje Lubba uwaje dɔ naan kə njê-gangəje sariya ngaâ narə n̂-ddee kə Pɔl nɔnde tə̂.

Kulaje 23:1

Pɔl aa kəm njê-gangəje sariya kə̂ uwaje dɔ naan le ngaâ pa nan: «Ngakɔnʼmje, kəjə kə̂ maji â maw nja nɛ̂n nɔn Lubba tə̂ ndərəng bbokənɛn nəənn.»

Kulaje 24:20

Wase dede nəənn bbo dooje majang kə̂ m-dda ndɔ tə̂ kə̂ daw nɛ̂n səm nɔn sariya tə̂ le a, maji karə n̂-paje.

Kulaje 4:15

Dunnje ndu karə Piyɛr de kə Jan n̂-teeje lo gangə sariya tə̂ lə Jiipije le kə ddang. N̂-maynje naan tar horode tə̂ ngaâ n̂-paje nan:

Kulaje 5:21

Njê-kaw-kulaje le ooje tɛɛ̂ ngaâ lo a ta karɛ a, dawje kəy-polo Lubba tə̂ daw tɔjuje nɛ̂n. Tɔkə nje-polo Lubba kə njê kə̂ mbɔrɛ̂ tə̂ n̂-bbarje tɔkəje lə dəwje kə Ijarayɛl karə duwa dɔ naan lo gangə sariya tə̂ lə Jiipije. Dulaje kəy-kula tə̂ karə n̂-ddee kə njê-kaw-kulaje le.

Kulaje 5:27

Go ddee tə̂ kə̂ n̂-ddee kə de a, dawje kə de lo gangə sariya tə̂ lə Jiipije ngaâ tɔkə nje-polo Lubba dujude nan:

Kulaje 6:12

Baann bba dɔsuje kutu dəwje le, tɔkəje kə njê-gərəje-Ndu darə duwa Etiyɛnn kə singa daw saa lo gangə sariya tə̂ lə Jiipije.

Kulaje 6:15

Kəm njê-gangəje sariya le tɔyn toje kə dɔ Etiyɛnn tə̂ ngaâ daaje kəmɛ̂ a, kəmɛ̂ le to tokə kəm anjəjeenn be.

Kulaje 7:37

Ne Mɔyijə le â n̂-pa narə ngann Ijarayɛlje nan: ‹Lubba a kula marə ngokɔnse karəse to nje-kila mbər tar lə Lubba tokə əman nəənn.›

Rɔmɛnje 12:10

Nɛ̂n kə̂ ɔju dɔ ndiki naan, maji karə ə-ndikije naan tokə ngakɔn-naan njaa. Maji karə ə-walje naan.

1 Kɔrɛntinyɛje 6:10

njê-bbokoje, njê-kundaje kəm-nda, njê kə̂ toje to bbərəje lə koto, njê-nanɛnje, njê-kuwa nɛ̂n lə ngamarəde kə singa, lo ləde to Bbe-kɔn tə̂ lə Lubba ang.

1 Kɔrɛntinyɛje 6:6

Marə dəw lə Kristə aw kə ngokɔɛ̂n nɔn sariya tə̂ lə dəwje kə̂ ddaka le to nɛ̂n kə̂ maji wa?

1 Tesalonisinyɛje 4:6

Mə tar tə̂ nəənn, maji karə dəw kâra dda marə nɛ̂n kə̂ maji ang kə ngokɔɛ̂n ang ddəm ula nje-marɛ̂ naan tə̂ ang ddəm. Mba n-pa jarəse ngaâ n-ndɔru mbise nya mbɛɛ̂ mban. Əbbə-dəwje a kinya dəwje tɔyn kə̂ aw ddaje nɛ̂nje kə̂ baann baa ang.

Titə 3:2

Maji karə n̂-tajije dəw ang, n̂-toje to njê-ddɔje kə dəw ang, maji karə n̂-toje to njê-mə-majije. Maji karə n̂-toje to dəwje kə̂ wul pee kə dəwje tɔyn kə ndɔ tɔyn.

Ebərəje 12:25

Aaje rɔse! Ə-mbətəje ta koo ta Lubba kə̂ aw pa tar arəse nəənn ang. Mba dede kə̂ ləw n̂-mbətəje ta koo ta Mɔyijə dɔ nangə tə̂ nəənn le, n̂-teeje ta kunda tə̂ ang. A jeje, bbo n-turuje girije jarə Lubba kə̂ nje-kisi darâ nu kə̂ aw ndɔru mbije le a, ja tee ta kunda tə̂ tokə baânn wa?

Ebərəje 5:9

Ddəw nɛ̂nje tə̂ənn le, Kristə ddee to dəw kə̂ asə tɔyn ta karə dəwje tɔyn kə̂ ddaje nɛ̂n kə turu ndue kaji kə̂ to kə ndɔ kə ndɔ.

Jakə 2:20

A əi, dəw kə̂ baa be, maji karə ə-gərə to mə-kunn kə̂ kulɛ̂ goto dda nɛ̂n kâra ang.

Jakə 3:6

A ndɔn dəw to puru tɔ, n̂-to lo kə̂ nɛ̂n-ddaje kə̂ gatə gatə ang toje tə̂. Ndɔnje to marə barkəm-rɔje kə̂ aw tuju da-rɔje tɔyn kə nɛ̂n-yərəw ngaâ kar tɔyn kə̂ dəw isi nɛ̂n duninya tə̂ nəənn, ndɔɛ̂n to tokə lə ndɔn-puru kə̂ aw tuju kisi laa, ndɔn-puru kə̂ in lo tə̂ kə̂ puru aw ɔn tə̂ kə ndɔ tɔyn.

1 Piyɛr 2:23

Dəwje tajɛ̂je, a nila tə̂ ang. Dula kəmɛ̂ ndoo tə̂, a n̂-pa tar dingaw ang, ninya rɔɛ̂ tɔyn mə ji Lubba tə̂ kə̂ aw gangə sariya kə̂ gatə gatə.

1 Piyɛr 3:9

Dəw ddase maji ang a, ilaje barɛ̂ ang, dəw tajise a, ə-tajɛ̂je ang. Tar kə̂ Maji â ə-bbarje dɔ dəwje tə̂. Yeenn njaa â Lubba bbarse mbɛɛ̂. Baann bba Lubba a bbar tar kə̂ maji dɔse tə̂.

1 Jan 2:9

Dəw kə̂ pa nan nee lo-karɛ tə̂ ngaâ naw mbətə ngokɔɛ̂n a, n̂-nayn lo ndul tə̂ bbay.

1 Jan 3:10

Nɛ̂n kə̂ kayn horo ngann lə Lubba kə ngann lə Əsu â nəənn: Dəw kə̂ to nje-nɛ̂n-dda kə̂ gatə gatə ang wase dəw kə̂ mbətə ngokɔɛ̂n to dəw lə Lubba ang.

1 Jan 5:16

Bbo dəw oo ngokɔɛ̂n lo dda majang tə̂ kə̂ a kaw saa karə noy ang a, maji karə dəw le duju Lubba, a Lubba a karə təbbə ngokɔɛ̂n le, tokə majang laa le to majang kə̂ a kaw saa karə ninga yo ang. Majang kə̂ aw uju yo to. M-duju karə ə-dujuje Lubba mba majang kə̂ baann ang.

Judə 1:9

Misɛl kə̂ to tɔkə mbay lə anjəje njaa kara, kar tə̂ kə̂ naw nar nɛ̂n niinn Mɔyijə kə Əsu le, nila ta-bbar ngaji dɔɛ̂ tə̂ ang. Bbay tar kə̂ n̂-pa narɛ̂ â nan: «Maji karə Əbbə-dəwje ndangi.»

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.