Matiye 5:20 - Dɔnɔn kə̂ Siki: Tar kə̂ aw arə təbbə

²⁰ M-pa marəse: Bbo ə-ddaje nɛ̂n kə̂ gatə gatə uta njê-gərəje-Ndu wase Parijinyɛje ang a, a kandəje Bbe-kɔn tə̂ kə̂ darâ ang.»

Maketuru le Lubba ke tar kabba

²⁰ M-pa marese: Bbo e-ddaje ne ke gate gate uta nje-kɔruje gel Ndu wase Parijiyenje ang a, a kandeje me Bbe-kɔn te ke darâ ang.»

Matiye 5:20 ပူးပေါင်းရင်းမြစ်များ

Matiye 16:12

Yeenn ngaâ njê-njaje go Jeju tə̂ le gərəje to tar kə̂ Jeju aw pa le to tar nɛ̂n-tɔjuje lə Parijinyɛje kə Sadusinyɛje bbo to tar wum mapa ang.

Matiye 18:5

Dəw kə̂ taa ngonn kə̂ ngaji tokə be kə rɔɛ̂ tə̂ mbam a, əman njaa â n̂-taam kə rɔɛ̂ tə̂ənn.»

Matiye 3:10

Tinan to ngɔsi ta tuka nɛ̂n kakəje ngirɛ̂ tə̂ mban. Kakə kâra kâra tɔyn kə̂ kandɛ̂ kə̂ maji goto tə̂, dâ tuka kila purô.

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Marke 10:15

Tɔkɔrɔ njaa m-pa marəse, dəw kə̂ taa Bbe-kɔn lə Lubba tokə lə ngonn ang, a kandə tə̂ ndɔ kâra ang.»

Marke 10:25

Karə jambal andə buwa suwa tə̂ ngəng ang wa? Ta karə nje-nɛ̂n-kinga andə Bbe-kɔn tə̂ lə Lubba a ngəng nya.»

Luku 11:44

«To ndoo nya arəse, mba ə-toje tokə lə dɔbarəje kə̂ sula, kə̂ dəw aw nja dɔɛ̂ tə̂, a gərə ang.»

Luku 12:1

Kar tə̂ənn njaa, dəwje mbɔnje naan tokə banya ngaâ daw dubbaje gɔl naan. Jeju pa arə njê-njaje goe tə̂ dɔngɔr nan: «Aaje rɔse wum tə̂ lə Parijinyɛje kə̂ to ngəm.

Luku 18:17

Tɔkɔrɔ, m-pa marəse: Dəw kə̂ taa Bbe-kɔn lə Lubba kə rɔɛ̂ tə̂ tokə ngonn-kasə ang a, a kandə tə̂ ang.»

2 Kɔrɛntinyɛje 3:9

Bbo kula lə ndu kə̂ aw gangə sariya-yo dɔ dəwje tə̂ ləw ndoko a, kula kə̂ aw dda arə dəw aw ddee gatə gatə kəm Lubba tə̂ a ndoko kuta yeenn ang wa?

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Apokalisi 21:27

Nɛ̂n-yərəw kâra a kandə mə bbe tə̂ le ang nyɔm. Dəw kə̂ nje-dda nɛ̂n kə̂ asə koo kə kəm ang wase nje-ngəm a kandə mə bbe tə̂ le ang tɔ. Njê kə̂ n̂-dda ride makəturu təbbə tə̂ lə Ngonn batə njaa kə karəde baa â a kandəje mə bbe tə̂ le.