Matiye 5:19 - Dɔnɔn kə̂ Siki: Tar kə̂ aw arə təbbə

¹⁹ «Bbo dəw mbətə marə ngonn tar kâra kə̂ Ndu pa ngaâ tɔju dəwje arə n̂-mbətəje Ndu le a, nâ ddee to dəw kə̂ tɛn baa kuta kəsə dəwje tɔyn mə Bbe-kɔn tə̂ kə̂ darâ. A bbo dəw ngəm Ndu ngaâ tɔju dəwje karə n̂-ngəmje tɔ a, nâ ddee to dəw kə̂ bo mə Bbe-kɔn tə̂ kə̂ darâ.

Maketuru le Lubba ke tar kabba

¹⁹ «Bbo dew mbete mare ngonn tar kara ke me ndu te, ngaa tɔju dewje are mbeteje ndu le a, na ddee to dew ke ten baa uta kese dewje tɔyn me Bbe-kɔn te ke darâ. A bbo dew ngem Ndu, ngaa tɔju dewje kare ngemje tɔ a, na ddee to dew ke bo me Bbe-kɔn te ke dara.

Matiye 5:19 ပူးပေါင်းရင်းမြစ်များ

Matiye 11:11

«Tɔkɔrɔ m-pa marəse: Horo dəwje tə̂ tɔyn kə̂ dɛnɛ̂nje ujude, dəw kə̂ uta Jan-Batisi goto. A dəw kə̂ to tɛn uta kəseje mə Bbe-kɔn tə̂ kə̂ darâ utɛ̂.

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Matiye 20:26

A to tokə baann horose tə̂ ang. Dəw kə̂ ndiki ta ddee to dəw kə̂ bo horose tə̂ a, maji karə n̂-ddee to nje-kula ləse.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Luku 1:15

Mba nâ ddee bo nɔn Əbbə-dəwje tə̂, koto kə̂ to bɛn a kɔru tɛɛ̂ ang ddəm koto kə̂ in a kɔru tɛɛ̂ ang ddəm n̂-nayn mə kɔɛ̂nje tə̂ njaa bbay a, Ndil-mə-nda a dduse.

Luku 11:42

«To ndoo nya arəse, see Parijinyɛje, mba aw dinje dɔ marə kam nɛ̂n-ndirije kə kam-naynje dang dang tɔyn aw arəje to dim njaa, a nɛ̂n-dda kə̂ gatə gatə kə ndiki lə Lubba ooje to nɛ̂n ang. Nɛ̂ɛnn â to tar ləse ta dda, a ta kinya kəseje kə kɔrɔ̂ ang.

Luku 9:48

ngaâ n̂-pa narəde nan: «Dəw kə̂ taa ngonn nəənn kə rɔɛ̂ tə̂ kə rim a, əman njaa n̂-taam kə rɔɛ̂ tə̂ənn. A bbo dəw kə̂ taam kə rɔɛ̂ tə̂ a, taa dəw kə̂ ulam kə rɔɛ̂ tə̂ tɔ. Mba dəw kə̂ to ngaji baa horose tə̂ tɔyn, ne â n̂-to dəw kə̂ bo.»

Kulaje 1:1

Ngokɔnʼm Topil, mə makəturu tə̂ ləm kə̂ dɔngɔr, m-pa tar dɔ nɛ̂nje tə̂ tɔyn kə̂ Jeju unn kutu dda kə nɛ̂nje kə̂ n̂-tɔju kunn-kutu kula tə̂ kə̂ n̂-dda

Rɔmɛnje 3:8

Yeenn a, mba ddi â n-pa tokə marɛ̂je kə̂ aw paje nan: «Maji karə n-ddaje majang jarə nɛ̂n kə̂ maji ddee ddəwe tə̂» ang wa? Marɛ̂je kə̂ ndikije ta tuju rim paje nan əman njaa m-pa tarjeenn. Dedeenn le, dasəje karə Lubba gangə sariya dɔde tə̂.

Rɔmɛnje 6:1

Yeenn a, tar ddi bba ja paje wa? Ja paje nan, maji ta nayn mə majang tə̂ bba karə Lubba dda kə je mə-maji arə uta dɔɛ̂ wa?

Rɔmɛnje 6:15

Ddi wa? Jeeje kɔ mə-maji tə̂ lə Lubba bbo n-naynje kɔ Ndu tə̂ ang ngaa. Mba yeenn bba, ja ddaje majang wa? Baann ang!

1 Timɔte 6:11

A əi dəw lə Lubba, ə-mbətə nɛ̂njeenn ddəw əw ta ə-sangə ddəw ta to gatə gatə, ta bbəəl Lubba, ta kuwa mə-kunn karə ngəng, ta ndiki ngamarije, ta tɔ wuri ngaâ ta ə-ddee to dəw kə̂ wul pee kə dəwje.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

1 Piyɛr 5:4

A bbo ndɔ kə̂ Mbay kə̂ dɔ njê-ngəmje dəwje tə̂ lə Lubba tɔyn unda lo tee a, â kingaje əjɔkudɔ kə̂ a tuju ndɔ kâra ang kə̂ to nɛ̂n-piti.

1 Jan 3:4

Dəw kə̂ aw dda majang to nje-mbətə ndu Lubba, mba majang to mbətə ndu.

Apokalisi 2:20

A nɛ̂n kə̂ m-mbətə səi â to kinya kə̂ inya Jejabɛl kə̂ dda rɔɛ̂ to nje-kila mbər tar lə Lubba arə tɔju ddəw kə̂ maji ang njê-kulaje ləm. Nərəde narə n̂-ddaje kaya ngaâ dusaje da kə̂ n̂-polo nɛ̂n kɔrje.