Matiye 5:18 - Dɔnɔn kə̂ Siki: Tar kə̂ aw arə təbbə

¹⁸ Tɔkɔrɔ njaa m-pa marəse, bbo dara kə nangə n̂-naynje baa bbay a, marə ngonn gɔl makəturu wase marə mbita gɔl Makəturu-Ndu a koso nangə̂ ang, ndərəng ddutu ndɔ tə̂.

Maketuru le Lubba ke tar kabba

¹⁸ Tɔkɔrɔ njaa m-pa marese, kare ke dara ke nange n̂-naynje bbay a, mare ngonn gɔl maketuru wase mare mbita gɔl Maketuru-Ndu a koso nangê ang, ndereng ddutu ndɔ te.

Matiye 5:18 ပူးပေါင်းရင်းမြစ်များ

Matiye 10:15

M-pa tar kə̂ tɔkɔrɔ marəse. Ndɔ gangə sariya a, sariya kə̂ dɔ dəwje tə̂ kə̂ dɔ nangə tə̂ənn a ngəng kuta sariya kə̂ dɔ bbeje tə̂ kə̂ Sɔdɔm kə Gɔmɔr.»

Matiye 10:23

Bbo n̂-dda singa kə se marə tɔkə bbe tə̂ a, aynje awje marɛ̂ tə̂. M-pa tar kə̂ tɔkɔrɔ, â nayn njaje mə tɔkə bbeje tə̂ kə̂ Ijarayɛl tɔyn ang bbay a, Ngonn lə dəw a ddee.

Matiye 10:42

M-pa tar kə̂ tɔkɔrɔ marəse, dəw kə̂ maann kə̂ wul kə̂ əngo tə̂ baa njaa bba arə dəw kə̂ ngaji horo ngamarɛ̂je tə̂ nəənn, mba dəw kə̂ ngaji le to nje-nja gom tə̂ a, kuka laa a koso nangə̂ ang tɔ.»

Matiye 11:11

«Tɔkɔrɔ m-pa marəse: Horo dəwje tə̂ tɔyn kə̂ dɛnɛ̂nje ujude, dəw kə̂ uta Jan-Batisi goto. A dəw kə̂ to tɛn uta kəseje mə Bbe-kɔn tə̂ kə̂ darâ utɛ̂.

Matiye 13:17

Mba m-pa tar kə̂ tɔkɔrɔ marəse, njê-kilaje mbər tar lə Lubba nya kə dəwje kə̂ toje gatə gatə kəm Lubba tə̂ tokə banya ndikije ta koo nɛ̂n kə̂ aw ooje kə kəmse nəənn, a dooje ang, n̂-ndikije ta koo nɛ̂n kə̂ aw ooje kə mbise nəənn, a dooje ang.»

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 17:20

Jeju pa arəde nan: «Mba mə-kunn ləse tɛn baa. Tɔkɔrɔ m-pa marəse, bbo mə-kunn ləse tɛn baa tokə lə kandə-ko kə̂ ria nan mutardə bba ə-paje arəje ddingiri nəənn ə-paje nan: ‹Ə-ngəsə nəənn aw to yoonn› a, nâ ngəsə. Marə nɛ̂n kâra kə̂ a nyase goto. [

Matiye 18:18

«Tɔkɔrɔ m-pa marəse, nɛ̂n tɔyn kə̂ ə-tɔje nangə̂ nəənn, n̂-tɔ darâ mban. Nɛ̂n tɔyn kə̂ ə-tutuje nangə̂ nəənn, n̂-tutu darâ mban.

Matiye 18:3

ngaâ pa nan: «Tar kə̂ tɔkɔrɔ â maw pa marəse. Bbo ə-turuje məse arə ddee tokə mə ngannje kə̂ ngaji nəənn ang a, â kandəje mə Bbe-kɔn tə̂ kə̂ darâ ang.

Matiye 19:23

Jeju pa arə njê-njaje goe tə̂ nan: «Tɔkɔrɔ, m-pa marəse, a to ngəng nya kə nje-nɛ̂n-kinga karə andə Bbe-kɔn tə̂ kə̂ darâ.

Matiye 19:28

Jeju pa arəde nan: «M-pa tar kə̂ tɔkɔrɔ marəse, ndɔ kə̂ nɛ̂nje tɔyn a turuje tokə siki, kar tə̂ kə̂ Ngonn lə dəw a kisi ngende-mbay tə̂ kə̂ to nɛ̂n-piti, sese kə̂ unnje gom kara â kisije dɔ ngende-mbayje tə̂ dɔku gire joo, mba gangə sariya dɔ gəl-kuju ngann Ijarayɛlje tə̂ kə̂ dɔku gire joo tɔ.

Matiye 21:21

Jeju pa arəde nan: «M-pa tar kə̂ tɔkɔrɔ marəse. Bbo mə-kunn ləse to ngaâ əjəje tar dang ang a, â ddaje nɛ̂n kə̂ m-dda kə kakə pigə nəənn. Â kasəje ta pa karə ddingiri nəənn nan: ‹Ɔtu lo tə̂ nəənn aw oso mə ba tə̂› a, nɛ̂ɛnn a ddee to nɛ̂n kə̂ tɔkɔrɔ.

Matiye 21:31

Jeju dujude nan: «Horo ngannje tə̂ kə̂ joo nəənn, ne kə̂ dda â n̂-dda nɛ̂n kə̂ bɔɛ̂je ndiki wa?» Dilɛ̂je tə̂ nan: «Ne kə̂ dɔngɔr.» Jeju pa arəde nan: «Tɔkɔrɔ njaa, m-pa marəse, njê-taaje narɛ lambo kə dɛnɛ̂n njê-kayaje a kandəje mə Bbe-kɔn tə̂ lə Lubba dɔngɔr karəse.

Matiye 23:36

Tɔkɔrɔ m-pa marəse, sariya nɛ̂njeenn tɔyn a koso dɔ dəwje tə̂ kə̂ bbokənɛn nəənn.»

Matiye 24:2

A Jeju pa arəde nan: «Ooje nɛ̂nje nəənn tɔyn. M-pa tar kə̂ tɔkɔrɔ marəse. Marə ər kâra a nayn dɔ marɛ̂ tə̂ ang. Dâ tɔ nɛ̂nje nəənn tɔyn.»

Matiye 24:47

Tɔkɔrɔ njaa, m-pa marəse, əbbeeje le a kinya nɛ̂n-kingaje laa tɔyn mə jia tə̂ karə n̂-ngəm.

Matiye 25:12

A nilade tə̂ nan: ‹Tɔkɔrɔ njaa m-pa marəse, m-gərəse ang.› »

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Matiye 25:45

A nâ kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ngakɔm kə̂ toje to dəwje kə̂ tɛn nəənn, ə-ddaje nɛ̂njeenn le kə marɛ̂ ang a, yeenn to əman â ə-ddaje səm ang.›

Matiye 5:26

Tɔkɔrɔ njaa m-pa mari, bbo uka narɛ kə̂ dâ kɔju dɔi tə̂ tɔyn ə-tunga ang a, â tee kəy-kula tə̂ le ang.»

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Matiye 6:2

«Yeenn bba, bbo aw arə nɛ̂n njê-ndooje a, maji karə uru nɛ̂n əkii ang. Mba njê-ngəmje aw ddaje tokə baann mə kəy mbɔn-naan tə̂ lə Jiipije wase dɔ ddəw tə̂, mba kinga nɛ̂n piti ta dəwje tə̂. Tɔkɔrɔ njaa, m-pa marəse, dingaje kuka ləde mban.

Matiye 8:10

Jeju oo tar lə baw-ddɔ le baann a, tar le nəəle nya ngaâ n̂-pa narə dəwje kə̂ unnje goe nan: «M-pa tar kə̂ tɔkɔrɔ marəse, nangə tə̂ kə̂ Ijarayɛl tɔyn, m-nayn minga marə mə-kunn kə̂ be ang.

Marke 10:15

Tɔkɔrɔ njaa m-pa marəse, dəw kə̂ taa Bbe-kɔn lə Lubba tokə lə ngonn ang, a kandə tə̂ ndɔ kâra ang.»

Marke 10:29

Jeju ilɛ̂ tə̂ nan: «Tɔkɔrɔ m-pa marəse: Dəw kə̂ inya kəy laa, inya ngakɔɛ̂nje kə̂ dingaw wase ngakɔɛ̂nje kə̂ dɛnɛ̂n, kɔɛ̂nje wase bɔɛ̂je, ngannɛ̂ wase ndɔɔje laa mbam ddəm mba Tar kə̂ Maji ddəm

Marke 11:23

Tɔkɔrɔ njaa m-pa marəse: Bbo dəw pa arə ddingiri toonn nan: ‹Ɔtu lo tə̂ nəənn aw oso baâ›, a bbo kəjə-tar dang to məɛ̂ tə̂ ang, a noo məɛ̂ tə̂ to nɛ̂n le a to a, nɛ̂n le a to njaa.

Marke 12:43

Yeenn ngaâ Jeju bbar njê-njaje goe tə̂, pa arəde nan: «M-pa tar kə̂ tɔkɔrɔ marəse: Dɛnɛ̂n-ndubba kə̂ to nje-ndoo nəənn ila nɛ̂n bo uta dəwje tɔyn.

Marke 13:30

Tɔkɔrɔ, m-pa marəse, dəwje kə̂ bbokənɛn nəənn a koyje tɔyn ang bbay a, nɛ̂njeenn tɔyn a toje.

Marke 14:18

Kar tə̂ kə̂ disije daw dusaje nɛ̂n a, Jeju pa nan: «Tɔkɔrɔ njaa, m-pa marəse, dəw kâra horose tə̂ kə̂ aw usa nɛ̂n səm a kilam ji dəwje tə̂.»

Marke 14:25

Tɔkɔrɔ njaa, m-pa marəse: Mâ kay maann-binyə nəənn ang ngaa ndərəng ndɔ kə̂ mâ kay nɛ̂n maann-binyə kə̂ siki mə Bbe-kɔn tə̂ lə Lubba.»

Marke 14:30

Jeju pa arɛ̂ nan: «Tɔkɔrɔ, m-pa mari, til tə̂ nəənn njaa, kete bba karə kuran nɔn gɔl joo, â pa gɔl mota nan ə-gərəm ang.»

Marke 14:9

Tɔkɔrɔ njaa, m-pa marəse, lo tɔyn kə̂ dâ kila mbər Tar kə̂ Maji nəənn kə tə̂, duninya tə̂ tɔyn, dâ pa tar nɛ̂n kə̂ dɛnɛ̂n nəənn dda ngaâ dəwje a koleje məde dɔɛ̂ tə̂».

Marke 3:28

«Tɔkɔrɔ njaa m-pa marəse: Lubba a kɔru tar majangje kə tar nɛ̂n-tajije tɔyn kə̂ dəwje tajɛ̂je dɔde tə̂ kə ddang.

Marke 6:11

Bbo dəwje kə̂ marə bbe tə̂ ndikije ta taase kə kə̂y ang ngaâ dooje tar ləse ang a, bbo a ta kɔtuje lo tə̂ənn le a, ə-tundaje bum nangə kə̂ gɔlse tə̂. Nayn to naji ləse â ɔruje.»

Marke 8:12

Jeju ila kəwn kə singa ngaâ pa nan: «Mba ddi bba dəwje kə̂ bbasinɛn nəənn dujuje marə nɛ̂n-mɔri wa? M-pa tar kə̂ tɔkɔrɔ marəse, Dâ kooje marə nɛ̂n-mɔri kâra ang.»

Marke 9:1

Jeju təl pa arəde bbay nan: «Tɔkɔrɔ njaa, m-pa marəse, marə dəwje horo dəwje tə̂ kə̂ arje nəənn a koyje ang ndərəng dâ kooje kɔn-mbay lə Lubba kə̂ a ddee kə singa-mɔngu.»

Marke 9:41

Tɔkɔrɔ njaa m-pa marəse, dəw kə̂ arəse maann-kay mə əngo tə̂ ayje, mba ə-toje to dəwje lə Kristə a, dəw le a kinga kuka laa.»

Luku 11:51

A kunn-kute dɔ məsə Abɛl tə̂ ndərəng məsə Jakari tə̂ kə̂ n̂-tɔlɛ̂ horo bann tə̂ kə kəy-polo Lubba le. Tɔkɔrɔ m-pa marəse, Lubba a duju məsəde ji dəwje tə̂ kə̂ bbasinɛn nəənn.

Luku 12:37

Maji arəde, dede kə̂ njê-kulaje kə̂ əbbədede a tee kingade dɔ bbi tə̂ ang. Tɔkɔrɔ m-pa marəse, əbbədede le a kula kubbu kula laa, nâ karə disije ta tabələ tə̂ ngaâ nâ ddee karəde nɛ̂n-kusa.

Luku 13:35

Ooje: Mâ tusu kəy ləse kinya. Tɔkɔrɔ, m-pa marəse: Unn kute bbokonɛn, â koomje ang ndərəng ndɔ tə̂ kə̂ â paje nan: Maji karə Lubba bbar tar kə̂ maji dɔ dəw tə̂ kə̂ ddee kə ri Əbbə-dəwje!»

Luku 16:17

To ngəng ang karə dara kə nangə ndayje. A to ngəng nya karə mbita gɔl Makəturu-Ndu kâra oso nangə̂.

Luku 18:17

Tɔkɔrɔ, m-pa marəse: Dəw kə̂ taa Bbe-kɔn lə Lubba kə rɔɛ̂ tə̂ tokə ngonn-kasə ang a, a kandə tə̂ ang.»

Luku 18:29

Jeju pa nan: «Tɔkɔrɔ, m-pa marəse, bbo dəw inya kəy laa, dɛnɛ̂n laa, ngakɔɛ̂nje, kɔɛ̂nje kə bɔɛ̂je wase ngannɛ̂ mba Bbe-kɔn lə Lubba a,

Luku 23:43

Jeju pa arɛ̂ nan: «Tɔkɔrɔ, m-pa mari, bbokənɛn a kisi səm paradis tə̂.»

Luku 4:24

Jeju təl pa arəde nan: «Tɔkɔrɔ, m-pa marəse: Nje-kila mbər tar lə Lubba, dəwje aw uwɛ̂je kə rɔde tə̂ kə majɛ̂ bbe kuje tə̂ ang.

Tar kə̂ Maji kə̂ Jan dda makəturu tə̂ 1:51

Jeju təl pa bbay nan: «Tɔkɔrɔ m-pa marəse, a kooje dara kə̂ təəyn ngaâ anjəje lə Lubba a kinje dɔ Ngonn lə dəw tə̂ kaw kə taar ddəm ddisi kə dɔɛ̂ tə̂ ddəm.»

Tar kə̂ Maji kə̂ Jan dda makəturu tə̂ 10:1

Jeju pa nan: «Tɔkɔrɔ njaa m-pa marəse, dəw kə̂ andə kə ta-ddəw dɔ batəje tə̂ ang, a aal dɔ singa lo tə̂ kə̂ dang bba andə nɛ̂n, to nje-bboko ddəm nje-taa nɛ̂n lə dəwje kə singa ddəm.

Tar kə̂ Maji kə̂ Jan dda makəturu tə̂ 10:7

Jeju təl pa bbay nan: «Tɔkɔrɔ njaa, m-pa marəse: M-to ta-ddəw singa lə batəje.

Tar kə̂ Maji kə̂ Jan dda makəturu tə̂ 12:24

Tɔkɔrɔ njaa, m-pa marəse, bbo kandə-ko kə̂ to ble oso nangə̂ ngaâ oy ang a, n̂-nayn to kandə ble kə̂ kâra le njaa. A bbo noy a, nandə banya banya.

Tar kə̂ Maji kə̂ Jan dda makəturu tə̂ 13:16

Tɔkɔrɔ m-pa marəse, dəw kə̂ to bbərə ngəng uta əbbeeje ang ddəm nje-kaw-kula ngəng uta dəw kə̂ ulɛ̂ ang ddəm.

Tar kə̂ Maji kə̂ Jan dda makəturu tə̂ 13:38

Jeju ilɛ̂ tə̂ nan: «Ə-to ngɔsi ta kila rɔi kɔrɔ̂ mbam wa? Tɔkɔrɔ njaa m-pa mari, kete bba karə kuran nɔn, â mayn gɔl mota pa nan ə-gərəm ang.»

Tar kə̂ Maji kə̂ Jan dda makəturu tə̂ 14:12

«Tɔkɔrɔ njaa m-pa marəse, dəw kə̂ unn məɛ̂ arəm a, a dda nɛ̂nje kə̂ maw dda tɔ. Nâ dda nɛ̂nje kə̂ utaje ləm bbay, mba maw maw kə rɔ Bɔ tə̂.

Tar kə̂ Maji kə̂ Jan dda makəturu tə̂ 16:20

Tɔkɔrɔ njaa m-pa marəse, â nɔnje ddəm â kəmje rɔse ddəm a rɔ dəwje kə̂ duninya tə̂ a nəəlde. Kəmse a to ndoo, a kəm-to-ndoo ləse le a təl to rɔ-nəəl.

Tar kə̂ Maji kə̂ Jan dda makəturu tə̂ 16:23

«Dɔ ndɔɛ̂ tə̂ənn le, â dujumje tar dɔ marə nɛ̂n tə̂ kâra ang ngaa. Tɔkɔrɔ m-pa marəse, nɛ̂n tɔyn kə̂ ə-dujuje Bɔ kə rim a, nâ karəse.

Tar kə̂ Maji kə̂ Jan dda makəturu tə̂ 21:18

Tɔkɔrɔ njaa m-pa mari, kar kə̂ ə-nayn ngonn le, əi njaa uwa kubbu ləi kə əndaar ngaâ aw aw lo tə̂ kə̂ məi ndiki. A kar kə̂ ə-bbuka a, â kula jii ngaâ dəw kə̂ dang â, a kuwa kubbu ləi kə əndaar ngaâ lo kə̂ məi ndiki ang â, nâ kaw səi kə tə̂.»

Tar kə̂ Maji kə̂ Jan dda makəturu tə̂ 3:11

M-pa tar kə̂ tɔkɔrɔ mari, nɛ̂n kə̂ n-gərə â jaw pa. Jaw pa tar-naji nɛ̂n kə̂ joo kə kəmje, a sese ə-mbətəje tar-naji ləje.

Tar kə̂ Maji kə̂ Jan dda makəturu tə̂ 3:3

Jeju ilɛ̂ tə̂ nan: «Tɔkɔrɔ m-pa mari, dəw kə̂ n̂-təl duje tokə siki ang a, a kasə koo Bbe-kɔn lə Lubba ang.»

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Tar kə̂ Maji kə̂ Jan dda makəturu tə̂ 5:19

Jeju təl pa arəde nan: «Tɔkɔrɔ njaa, m-pa marəse: Ngonn asə ta dda nɛ̂n kə dɔɛ̂ baa ang. Nɛ̂n kə̂ noo Bɔɛ̂je dda bba n̂-dda. Nɛ̂n tɔyn kə̂ Bɔ dda a, Ngonn dda tɔ.

Tar kə̂ Maji kə̂ Jan dda makəturu tə̂ 6:26

Jeju ilade tə̂ nan: «Tɔkɔrɔ njaa, m-pa marəse, aw sangəmje mba mapa kə̂ usaje arəje məse ndann, bbo aw sangəmje mba nɛ̂n-mɔrije kə̂ ooje le ang.

Tar kə̂ Maji kə̂ Jan dda makəturu tə̂ 6:32

Jeju ilade tə̂ nan: «Tɔkɔrɔ, m-pa marəse: To Mɔyijə â arəse mapa kə̂ darâ ang. To Bɔmje â aw arəse mapa kə̂ tɔkɔrɔ kə̂ darâ.

Tar kə̂ Maji kə̂ Jan dda makəturu tə̂ 6:47

«Tɔkɔrɔ njaa, m-pa marəse, dəw kə̂ unn məɛ̂, ee kə təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 6:53

Jeju pa arəde nan: «Tɔkɔrɔ njaa, m-pa marəse: Bbo usaje da-rɔ Ngonn lə dəw ang ngaâ ayje məse ang a, â kisije kə təbbə ang.

Tar kə̂ Maji kə̂ Jan dda makəturu tə̂ 8:34

Jeju ilade tə̂ nan: «Tɔkɔrɔ, m-pa marəse, dəwje kə̂ naynje mə nɛ̂n-dda tə̂ kə̂ maji ang toje to bbərəje lə nɛ̂n-dda kə̂ maji ang le.

Tar kə̂ Maji kə̂ Jan dda makəturu tə̂ 8:51

Tɔkɔrɔ m-pa marəse, bbo dəw ngəm tar ləm a, nâ koy ndɔ kâra ang.»

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

1 Piyɛr 1:25

a tar lə Əbbə-dəwje to kə ndɔ kə ndɔ.» Tar le to Tar kə̂ Maji kə̂ dila mbəre darəse le.

Apokalisi 20:11

Goe tə̂ a, moo tɔkə ngende-mbay kə̂ nda kə dəw kə̂ isi dɔɛ tə̂. Nangə kə dara ɔtuje aynje nɔɛ̂n tə̂ kə ddang arə dəw təl oode ang ngaa.