Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiye 5:16 - Dɔnɔn kə̂ Siki: Tar kə̂ aw arə təbbə

16 Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

အခန်းကိုကြည့်ပါ။ ကော်ပီ

Maketuru le Lubba ke tar kabba

16 Ddew kara baa, areje ndoko lese to kem dewje te tɔyn. Yeenn bba da kooje kula ddase ke maji, ngaa da kɔsu ne gaji Bɔsese ke isi darâ.»

အခန်းကိုကြည့်ပါ။ ကော်ပီ




Matiye 5:16
42 ပူးပေါင်းရင်းမြစ်များ  

Daw ddaje nɛ̂nje tɔyn mba karə dəwje aajede. Mba yeenn bba, daw ddaje bbɔl əndaarje darə bo ngaâ daw dunguje makəturuje lə Lubba məɛ tə̂ ngaâ n̂-ddaje ta-kubbuje ləde darə ngal.


Ə-bbarje marə dəw kə̂ nangə̂ nəənn ‹Bɔ› ang, mba Bɔsese kâra baa kə̂ isi darâ.


Yeenn bba â toje to ngann lə Bɔsese kə̂ isi darâ. Mba narə kar laa aw ɔsu dɔ dəwje tə̂ kə̂ majije ang ddəm dɔ dəwje tə̂ kə̂ majije ddəm. Naw narə ndi aw ərə dɔ dəwje tə̂ kə̂ toje gatə gatə ddəm dɔ dəwje tə̂ kə̂ toje gatə gatə ang ddəm.


«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.


«Maji karə ə-dujuje Lubba tokə be: Əi, Bɔjeje kə̂ isi mə dara tə̂, Maji karə dəwje bbəəlje rii.


Dəwje kə̂ banya le ooje baann a, bbəəl uta dɔde ngaâ dɔsuje gaji Lubba mba singa kə̂ baann kə̂ narə dəwje le.


N̂-pa narəde nan: «Bbo aw dujuje Lubba a, ə-paje nan: ‹Bɔy! Maji karə dəwje bbəəlje rii. Arə kɔn-mbay ləi ddee!


Nɛ̂n kə̂ a karə piti Bɔmje â nəənn: Maji karə andəje kandə nya ngaâ ə-tɔjuje to ə-toje to njê-njaje gom tə̂.


Mə bbe tə̂ kə̂ Jope, marə dɛnɛ̂n kə̂ to nje-nja go Jeju tə̂ ee tə̂ənn. Ria nan Tabita. Daw bbar Tabita le kə ndɔn-tar gerekə nan Dɔrkas. Kandə ri le nan: Dul. Kula kə̂ maji dɔrɔ â n̂-dda ngaâ naw narə nɛ̂n njê-ndooje naw numan nɛ̂n de tɔ.


Nɛ̂nje kə̂ toje lo-kiyɛ̂ tə̂ məɛ̂ tə̂ a teeje kə ddaka ngaâ nâ tee koso dəbbə kəmɛ̂ nangə̂, nâ wal Lubba ngaâ nâ pa nan Lubba ee horose tə̂ tɔkɔrɔ njaa.


Dâ kooje nɛ̂n kə̂ ə-ddaje nəənn le ngaâ dâ kɔsuje gaji Lubba mba aw ddaje nɛ̂n kə turu ndu Tar kə̂ Maji lə Kristə ddəm mba mə-kâra kə̂ aw ddaje kə de ddəm kə kəsə dəwje lə Lubba tɔyn ddəm ddəw nɛ̂n tə̂ kə̂ aw arəjede le.


Ngaâ, njê-mə-kunnje le aw ɔsuje gaji Lubba mbam.


Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.


Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.


N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.


A maji karə kulaje kə̂ maji â dɛnɛ̂nje ulaje to kubbu. Nɛ̂n kə̂ baann â asə karə dɛnɛ̂nje kə̂ unnje ndude ta bbəəl Lubba ddaje.


Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.


Ddəw kâra baa, kulaje kə̂ maji kə̂ marə dəw aw dda, kəm dəwje aw oo. Kulaje kə̂ maji kə̂ n̂-dda ngaâ kəm dəwje oo ang kara a nayn lo-kiyɛ̂ tə̂ ang.


Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.


Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.


mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.


Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.


A kar tə̂ kə̂ Lubba kə̂ to Nje-kajije tɔju maji laa kə ndiki kə̂ n̂-ndiki dəwje a,


Maji karə jundaje kəmje dɔ naan tə̂, jarə ndiki to məje tə̂ ddəm n-ddaje nɛ̂nje kə̂ maji ddəm.


Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.


A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.


See dɛnɛ̂nje, sese kara maji karə ooje ta ngawsese. Yeenn bba karə, bbo marɛ̂je horode tə̂ mbətəje ta koo məde tə̂ kə Lubba kara, pa-nja ləse njaa a dda karə dooje məde tə̂ bbo â paje tar lə Lubba karəde ang ngaa,


A maji karə ilaje tar tə̂ le kə ndu-gɔsu kə̂ wul pee ddəm ddəw bbəəl naan tə̂ ddəm ta arəje kəjə ləse to kə majɛ̂. Yeenn bba karə rɔ-kul dda dəwje kə̂ aw undaje tar dɔse tə̂ mba marə nɛ̂n ddəm aw nanɛn kə̂ se ddəm mba pa-nja ləse kə̂ maji ddəw tə̂ lə Kristə le.


Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!


Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ