Matiye 5:14 - Dɔnɔn kə̂ Siki: Tar kə̂ aw arə təbbə

¹⁴ «Ə-toje to lo-karɛ kə̂ duninya tə̂ nəənn. Bbe kə̂ n̂-dda dɔ ddingiri tə̂ a kasə kiya rɔɛ̂ ang.

Maketuru le Lubba ke tar kabba

¹⁴ «E-toje to lo-kare ke nangê neenn. Bbe ke n̂-dda dɔ ddingiri te a kase kiya rɔe ang.

Matiye 5:14 ပူးပေါင်းရင်းမြစ်များ

Tar kə̂ Maji kə̂ Jan dda makəturu tə̂ 12:36

Kar kə̂ ə-naynje lo-karɛ tə̂ bbay nəənn le, maji karə ooje məse tə̂ kə lo-karɛ le. Baann bba â ddeeje to dəwje kə̂ lo-karɛ tə̂.» Jeju pa tar arəde baann ngaâ ɔtu aw iya rɔɛ̂ ddəw əw kə de.

Tar kə̂ Maji kə̂ Jan dda makəturu tə̂ 5:35

Jan nayn tokə puru lambe kə̂ aw ɔn ngaâ aw ndoko. Ngaâ ə-ndikije tə̂ ta dda rɔ-nəəl mba gɔju kar kɔ puru tə̂ laa le.

Tar kə̂ Maji kə̂ Jan dda makəturu tə̂ 8:12

Jeju təl pa tar arə dəwje kə̂ banya le bbay nan: «Əman â m-to lo-karɛ kə̂ dɔ nangə tə̂. Dəw kə̂ unn gom a, a nja lo ndul tə̂ ang. Nâ kinga lo-karɛ kə̂ aw arə təbbə.»

Tar kə̂ Maji kə̂ Jan dda makəturu tə̂ 9:5

Kar tə̂ nəənn kə̂ m-nayn duninya tə̂ bbay le, m-to lo-karɛ kə̂ duninya tə̂.»

2 Kɔrɛntinyɛje 6:14

Daw mbɔn daje naan tə̂ joo bba daw dda nɛ̂n kula. A dəwje kə̂ ooje məde tə̂ ang le, maji karə ə-mbɔnje naan kə de tokə baann ang. Ddi bba a mbɔn nɛ̂n kə̂ gatə gatə kə nɛ̂n kə̂ maji ang naan tə̂ wa? Lo-karɛ a dda mə-kâra kə lo ndul tokə baânn wa?

Pilipinyɛje 2:15

Yeenn bba â toje to dəwje kə̂ tar a to dɔde tə̂ ang, dəwje kə̂ nɛ̂n-yərəw ɔrude ang. A toje to ngannje lə Lubba kə̂ majang ɔrude ang, horo dəwje tə̂ kə̂ bbasinɛn nəənn kə̂ toje gatə gatə ang ddəm majije ang ddəm. Maji karə ə-ndokoje horode tə̂ tokə lə puru-ngeel dɔ nangə tə̂,

1 Tesalonisinyɛje 5:5

Sese tɔyn ə-toje to dəwje kə̂ aw njaje lo-karɛ tə̂. Ə-toje to dəwje kə̂ aw njaje karâ. Jeje n-to dəwje kə̂ aw njaje mə til tə̂ ang ddəm aw njaje lo ndul tə̂ ang ddəm.

Apokalisi 1:20

Nɛ̂n kə̂ iya rɔɛ̂ ɔju dɔ əndɛtɛrɛndɛnje siri kə̂ oo jim tə̂ kə̂ kɔl kə nɛ̂n-kunda lambeje siri kə̂ n̂-dda kə andə-narɛ le gəle tokə be: Əndɛtɛrɛndɛnje kə̂ siri le tɔju anjəje kə̂ Egilisije tə̂ kə̂ siri le, a nɛ̂n-kunda lambeje kə̂ siri le toje to Egilisije kə̂ siri le tɔ.»

Apokalisi 2:5

Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.