Matiye 5:12 - Dɔnɔn kə̂ Siki: Tar kə̂ aw arə təbbə

¹² Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Maketuru le Lubba ke tar kabba

¹² E-ddaje rɔ-nel, isije ke koko, mba kuka lese ke darâ a bo nya. Nje-kilaje mber-tar le Lubba ke kete arese kara, n̂-ddaje singa ke de toke baann tɔ.»

Matiye 5:12 ပူးပေါင်းရင်းမြစ်များ

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 6:16

«Bbo ɔkuje rɔse nɛ̂n-kusa a, ə-tɔjuje to isije kə rɔ-katə tokə njê-ngəmje aw ddaje le ang. Daw tɔjuje dɔ kəmde tə̂ to daw dɔkuje rɔde nɛ̂n-kusa. M-pa marəse, to tar kə̂ tɔkɔrɔ, dingaje kuka ləde mban.

Luku 13:34

«See dəwje kə̂ Jerujalɛm! See dəwje kə̂ Jerujalɛm! Sese kə̂ aw tɔlje njê-kilaje mbər tar lə Lubba ngaâ aw tilaje dəwje kə̂ Lubba ulade arəse kə ər aw tɔljede. M-ndiki nya ta mbɔnse tokə kɔn-kunja aw mbɔn ngannɛ̂ kɔ bakɛ̂ tə̂, a ə-ndikije ang.

Luku 6:23

Arəje rɔse nəəlse ngaâ ə-talje ə-turuje kə rɔ-nəəl karɛ̂ tə̂ənn le, mba kuka ləse a bo nya mə dara tə̂, mba baann njaa tɔ â kadede ddaje kə njê-kilaje mbər tar lə Lubba.

Luku 6:35

A maji karə ə-ndikije njê-baanje ləse, ə-ddaje maji, bbo arəje nɛ̂n dəw tunan a, undaje məse dɔ marə nɛ̂n tə̂ goe tə̂ ang. Baann bba kuka ləse a bo nya ngaâ â toje to ngann lə Nje-kisi ddutu dara tə̂. Mba Ne kə̂ ddutu dara tə̂ n̂-dda maji kə dəwje kə̂ arəje wooyo ndɔ kâra ang ddəm njê-mə-majangje ddəm.

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

1 Kɔrɛntinyɛje 3:8

Dəw kə̂ nje-dubbu nɛ̂n kə dəw kə̂ nje-kungu maann dɔɛ tə̂, dasəje naan. Dâ kinga kuka ləde kâra kâra asə kəm kula kə n̂-ddaje.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Pilipinyɛje 1:29

Mba Lubba dda kə se mə-maji karə ooje məse tə̂ kə Kristə njaa a bbayɛ̂ ang, n̂-dda kə se mə-maji karə ooje ndoo mbɛɛ̂ tɔ.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 3:24

Mba ə-gərəje to â kingaje nɛ̂nje kə̂ maji kə̂ Əbbə-dəwje ngəm mba dəwje laa to kuka ləde. Əbbəsese to Kristə, ne â aw ddaje saa.

1 Tesalonisinyɛje 2:15

Jiipije â tɔlje Əbbə-dəwje Jeju kə njê-kilaje mbər tar lə Lubba. Dulaje kəmje ndoo tə̂ tɔ. N̂-nəəlje kəm Lubba tə̂ ang ngaâ n̂-toje to njê-baanje lə dəwje tɔyn.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Ebərəje 11:26

Noo a, kə̂ ta karə dəwje tajɛ̂je tokə n̂-tajije Kristə to nɛ̂n-kinga kə̂ ngəng uta nɛ̂n-kingaje kə̂ Ejipitə. Mba nunda kəmɛ̂ njaa nyɔm kə dɔ kuka tə̂ kə̂ Lubba a kukɛ̂ ndɔ tə̂ kə̂ bara.

Ebərəje 11:33

Ddəw mə-kunn tə̂ â n̂-tətəje tɔkə bbe-kɔnje kə ddɔ. N̂-ddaje nɛ̂n kə̂ gatə gatə ngaâ dingaje nɛ̂n kə̂ Lubba unn ndue ta karəde, n̂-tɔje ta ənamje.

Ebərəje 11:6

Bbo dəw unn məɛ̂ ang a, ddəw kə̂ nâ nəəl nɛ̂n kəm Lubba tə̂ goto. Maji karə dəw kə̂ aw ddee ngɔsi kə Lubba gərə to Lubba to ngaâ naw nuka dəwje kə̂ aw sangɛ̂je.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.

Jakə 5:10

Ngakɔnʼmje, njê-kilaje mbər tar lə Əbbə-dəwje kə̂ paje tar kə ria ləw ooje ndoo nya ddəm oreje wurde ddəm. Dede â unnje nɛ̂n-ddaje ləde to nɛ̂n-kɔju-marɛ̂.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.