Matiye 5:10 - Dɔnɔn kə̂ Siki: Tar kə̂ aw arə təbbə

¹⁰ Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Maketuru le Lubba ke tar kabba

¹⁰ Rɔ-nel to mba dewje ke daw dula kemde ndoo, wɔju dɔ kula-ddade ke to gate gate, mba Bbe-kɔn ke darâ to lede.

Matiye 5:10 ပူးပေါင်းရင်းမြစ်များ

Matiye 10:23

Bbo n̂-dda singa kə se marə tɔkə bbe tə̂ a, aynje awje marɛ̂ tə̂. M-pa tar kə̂ tɔkɔrɔ, â nayn njaje mə tɔkə bbeje tə̂ kə̂ Ijarayɛl tɔyn ang bbay a, Ngonn lə dəw a ddee.

Matiye 19:14

A Jeju pa arəde nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn kə̂ darâ to mba dəwje kə̂ toje tokə dede.»

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Marke 10:14

Jeju oo nɛ̂ɛnn le a, nəəle ang ngaâ pa arə njê-njaje goe tə̂ le nan: «Inyaje ngannje kə̂ mbatə arəje ddeeje rɔm tə̂ bbo ɔkujede ddəw ang. Mba Bbe-kɔn lə Lubba to mba dəwje kə̂ toje tokə dede.

Marke 10:30

a təl kinga nɛ̂njeenn asə gɔl kɔr kâra bbasinɛn nəənn. Nâ kinga kəy, ngakɔɛ̂nje kə̂ dingaw kə ngakɔɛ̂nje kə̂ dɛnɛ̂n, kɔɛ̂njedede, ngannje kə ndɔɔje ngaâ dəwje a kulaje kəmɛ̂ ndoo tə̂ tɔ. A nâ kinga təbbə kə̂ to kə ndɔ kə ndɔ mə ndɔje tə̂ kə̂ aw ddeeje.

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Luku 22:29

Mba yeenn bba, mâ karəse Bbe-kɔn le tokə Bɔmje arəm le,

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Luku 6:22

Bbo dəwje mbətəse, dəwje tubbase, dəwje tajise ngaâ paje tar ləse maji ang mba Ngonn lə dəw a, Maji arəse!

Tar kə̂ Maji kə̂ Jan dda makəturu tə̂ 15:20

Oleje məse dɔ tar tə̂ kə̂ m-pa marəse: Nje-kula uta əbbeeje ang. Dəwje a kulaje kəmse ndoo tə̂ ddəw kâra baa tokə dula kəmʼm ndoo tə̂. Dəwje a ddaje nɛ̂n kə turu ndum ang, dâ ddaje nɛ̂n kə turu nduse ang tɔ.

Kulaje 5:40

n̂-bbarje njê-kaw-kulaje le dundajede kə ndəy ngaâ dunnje ndu darəde karə n̂-paje tar kə ri Jeju ang, a dinyade.

Kulaje 8:1

Tɔl kə̂ n̂-tɔl Etiyɛnn le Sɔl ndiki tə̂. Ndɔɛ̂ tə̂ənn njaa, dəwje unnje kutu kula kəm Egilisi kə̂ Jerujalɛm ndoo tə̂. Njê-mə-kunnje sanrɛje naan dɔ nangə tə̂ kə̂ Jude kə Samari, a njê-kaw-kulaje â naynje.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Pilipinyɛje 1:28

Ə-bbəəlje njê-baanje le ang. Yeenn bba a tɔjujede to dunnje ddəw yo, a sese unnje ddəw kaji, mba nɛ̂ɛnn le in rɔ Lubba tə̂.

2 Timɔte 2:12

Bbo juwaje jarə ngəng a, ja kɔnje mbay saa tɔ. Bbo n-mbəteje a, ne njaa kara nâ mbətəje tɔ.

2 Timɔte 3:11

Ə-gərə dda kə̂ dəwje ddamje, ndoo kə̂ moo Antiyos, Ikoniyɔm kə Listərə. Dda kə̂ dəwje oso ddamje! A Əbbə-dəwje ɔrum mə nɛ̂nje tə̂ənn tɔyn.

Jakə 1:12

Maji arə dəw kə̂ ore wure mə nɛ̂n-nanje tə̂ dang dang, mba bbo n̂-nɛɛ̂n doo ngaâ nasə a, nâ kinga kuka. Kuka le kə̂ to təbbə kə̂ Əbbə-dəwje unn ndue ta karə dəwje kə̂ ndikeje.

Jakə 5:11

Ooje, jaw pitije dəwje kə̂ aw oreje wurde. Ooje tar kore-wur lə Jobbo ngaâ ə-gərəje maji kə̂ Əbbə-dəwje dda saa goe tə̂. Mba Əbbə-dəwje to nje-koo kəm-to-ndoo lə dəwje ddəm nje-dda mə-maji kə dəwje ddəm.

1 Jan 3:12

Maji karə n-ddaje nɛ̂n tokə lə Kayn ang. Kayn le to dəw lə Nje-mə-majang arə nuja gɔsu ngokɔɛ̂n. Nuja gɔsɛ̂ mba ddi wa? Mba kula-ddaje laa maji ang, a kula-ddaje lə ngokɔɛ̂n to gatə gatə.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.