Matiye 4:10 - Dɔnɔn kə̂ Siki: Tar kə̂ aw arə təbbə

¹⁰ Jeju pa arɛ̂ nan: «Ɔtu kə ddang, Satan! Makəturu lə Lubba pa nan: ‹Maji karə Əbbə-dəwje kə̂ to Lubba ləi njaa kâra baa â ɔsu gɔli nɔɛ̂n tə̂, ta ne kâra baa â ə-pole tɔ.› »

Maketuru le Lubba ke tar kabba

¹⁰ Yeenn a Jeju pa are na: «Ɔtu ke ddang, Satan! Mba Maketurule Lubba pa na: ‹Maji kare Ebbe-dewje ke to Lubba lei njaa kara baa a ɔsu gɔli nɔe te, ta ne kara baa a e-dda saa tɔ.› »

Matiye 4:10 ပူးပေါင်းရင်းမြစ်များ

Matiye 16:23

A Jeju turu rɔɛ̂ ngaâ pa arə Piyɛr le nan: «Ɔtu gom tə̂ kə ddang, Satan! A ta dda karə moso, mba kəjə ləi to kəjə lə Lubba ang, to kəjə lə dəw.»

Marke 1:13

N̂-nayn mə kɔr tə̂ le ndɔ dɔsɔ ngaâ Satan nɛɛ̂n. N̂-nayn kə daje kə̂ muû ngaâ anjəje aw ddaje saa.

Luku 10:18

Jeju ilade tə̂ nan: «Moo Satan kə̂ in darâ oso tokə lə ndi kə̂ aw təəl.

Luku 11:18

Ə-paje nan: ‹Bɛljebul â arəm singa arə maw tubba nɛ̂n ndilje kə̂ maji ang› wa? Bbo Satan tin kə da-rɔɛ̂ njaa a, bbe-kɔn laa a nayn baa tokə baânn wa?

Luku 13:16

A dɛnɛ̂n nəənn kə̂ to ngonn lə Abaraham kə̂ Satan tɔɛ̂ bbal dɔku gire jijoo bbokənɛn nəənn, to maji ta tute ndɔ-kuwa-rɔ tə̂ ang wa?»

Luku 22:3

Yeenn ngaâ Satan andə mə Judas tə̂ kə̂ daw bbarɛ̂ nan Iskariyotə. Nee horo njê-kaw-kulaje tə̂ lə Jeju kə̂ dɔku gire joo le.

Luku 22:31

Əbbə-dəwje pa nan: «Simɔn, Simɔn, Satan duju ta pərəse tokə daw pərə waa.

Luku 4:8

Jeju ilɛ̂ tə̂ nan: «Makəturu lə Lubba pa nan: ‹Əbbə-dəwje kə̂ to Lubba ləi kâra baa â, â kɔsu nɔin nangə̂ nɔɛ̂n tə̂ ta pole.› »

Tar kə̂ Maji kə̂ Jan dda makəturu tə̂ 13:27

Judas taa muru le a, Satan andə məɛ̂ tə̂. Jeju pa arɛ̂ nan: «Nɛ̂n kə̂ a ta dda le, ə-dda njangə.»

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

Kulaje 5:3

A Piyɛr pa nan: «Ananiyas, mba ddi bba inya arə Satan andə məi tə̂ wa? Ɔru dəbbə narɛ ndɔɔ ləi le ə-ngəm to ləi, a ə-pa tar ngəm arə Ndil-mə-nda.

1 Kɔrɛntinyɛje 5:5

maji karə inyaje dəw kə̂ baann ji Satan tə̂ arəje da-rɔɛ̂ tuju, a ta ndile inga kaji ndɔ tə̂ lə Əbbə-dəwje.

1 Kɔrɛntinyɛje 7:5

Maji karə ɔkuje naan rɔse ang. Bbo ooje ta naan mba marə kar ta duju Lubba a, goe tə̂, ə-təlje rɔ naan tə̂ nan Satan a kin nanse, mba â gərəje ta tɔ bbo kə̂ da-rɔse tə̂ ang.

2 Kɔrɛntinyɛje 11:14

Yeenn to nɛ̂n kə̂ siki ang. Satan njaa kara dda rɔɛ̂ to anjə kə̂ lo-karɛ tə̂.

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

2 Kɔrɛntinyɛje 2:11

Yeenn bba ta kinya karə Satan taa ddəw ləje ang. Mba n-gərə nɛ̂n kə̂ naw sangə kə majɛ̂.

Jakə 4:7

Yeenn a, maji karə ooje ta Lubba, ubbaje nangə kə Əsu a, nâ kaynse kaw ddəw əw.

1 Piyɛr 5:9

Maji karə ə-ddaje saa singa, ddəw kuwa kə̂ ta kuwa mə-kunn ləse karə ngəng tə̂. A maji karə ə-gərəje to gar ndooje kə̂ aw ooje nəənn le, ngakɔnse kə̂ duninya tə̂ tɔyn aw ooje tɔ.