Matiye 3:6 - Dɔnɔn kə̂ Siki: Tar kə̂ aw arə təbbə

⁶ N̂-paje majangje ləde kə ddaka ngaâ Jan le ddade batɛm maann Jurdɛn tə̂.

Maketuru le Lubba ke tar kabba

⁶ N̂-paje tar majangje lede ke ddaka ngaa Jan le ddade batem maann Jurden te.

Matiye 3:6 ပူးပေါင်းရင်းမြစ်များ

Matiye 3:11

Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

Marke 1:5

Dəwje tɔyn kə̂ dɔ nangə Jude tə̂ kə njê kə̂ Jerujalɛm dawje rɔɛ̂ tə̂. N̂-paje majang ləde kə ddaka darəje Jan ddade batɛm maann Jurdɛn tə̂.

Luku 1:16

Nâ dda bba karə ngann Ijarayɛlje nya təlje kə rɔ Əbbə-dəwje tə̂ kə̂ to Lubba ləde.

Luku 3:16

Nilade tə̂ tɔyn nan: «Əman, m-ddase batɛm maann. A marə dəw kə̂ utam, kə̂ mâ kasə tutu kula nɛ̂n-gɔl laa ang aw ddee. Ne â nâ ddase batɛm Ndil-mə-nda kə batɛm puru.

Kulaje 1:5

Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Kulaje 11:16

Yeenn bba, mole məm dɔ tar tə̂ lə Əbbə-dəwje kə̂ pa nan: ‹Jan dda dəwje batɛm maann, a sese, â kingaje batɛm Ndil-mə-nda.›

Kulaje 19:18

Marə dəwje nya kə̂ ooje məde tə̂ ddee paje tar nɛ̂nje kə̂ maji ang kə̂ n̂-ddaje kə ddaka.

Kulaje 22:16

A mba ddi bba aw tila bbay wa? In taar bbo inga batɛm, ə-bbar ria arə tar majang ləi ɔru dɔi tə̂.›

1 Kɔrɛntinyɛje 10:2

Kajejedede le tɔyn ingaje batɛm mə mum tə̂ ddəm mə ba-katə tə̂ ddəm ddəw mə-kâra tə̂ kə̂ n̂-ddaje kə Mɔyijə.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

Ebərəje 6:2

tar batɛmje, tar kila ji dɔ dəwje tə̂, tar ndol lə dəwje kə̂ oyje kə tar sariya kə̂ to kə ndɔ kə ndɔ le.

Ebərəje 9:10

Nɛ̂njeenn toje to nɛ̂nje kə̂ dəwje â aw ddaje rɔde tə̂ ddaka baa ɔju dɔ nɛ̂n-kusaje kə toko nɛ̂n-yərəwje. Nɛ̂njeenn le toje to nduje kə̂ naynje kə singade ndərəng kar tə̂ kə̂ Lubba turu nɛ̂n nɛ̂nje tɔyn arə ddeeje tokə siki.

Jakə 5:16

Maji karə ə-paje majang ləse kə ddaka arəje naan, ta ə-dujuje Lubba mba naan arə ta rɔ-toje ləse tunga. Duju Lubba lə dəw kə̂ gatə gatə ee kə singa nya ta dda kula.

1 Piyɛr 3:21

Yeenn to nɛ̂n kə̂ tɔju batɛm kə̂ aw ajise bbasinɛn le. Batɛm to nɛ̂n kə̂ aw toko nɛ̂n-yərəw kə̂ da-rɔ tə̂ ang. To kunn rɔ ta dda kə Lubba kə kəjə kə̂ maji. Batɛm le ajise ddəw ndol tə̂ kə̂ Jeju-Kristə ndol buwa-yo tə̂.

1 Jan 1:9

Bbo n-paje tar majang ləje kə ddaka a, Lubba le a kɔru tar majang ləje dɔje tə̂ ngaâ nâ toko kula-ddaje kə̂ maji ang tɔyn, mba naw turu ndue ang ddəm n̂-to gatə gatə ddəm.