Matiye 3:2 - Dɔnɔn kə̂ Siki: Tar kə̂ aw arə təbbə

² N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Maketuru le Lubba ke tar kabba

² N̂-pa na: «E-turuje ddew lese mba Bbe-kɔn ke darâ e ngɔsi.»

Matiye 3:2 ပူးပေါင်းရင်းမြစ်များ

Matiye 10:7

Kar kaw ləse a, ilaje mbər kə ddəw ddəw ə-paje nan: Bbe-kɔn kə̂ darâ nayn ngɔsi ngaa.

Matiye 11:20

Yeenn ngaâ Jeju unn kutu kɔl nya kə dəwje kə̂ n̂-dda nɛ̂n-mɔrije bbeê ləde nya uta kəseje tɔyn, mba n̂-mbətəje ta turu məde.

Matiye 12:41

Ndɔ gangə sariya a, dəwje kə̂ Ninibə a kinje ta kunda tar dɔ dəwje tə̂ kə̂ bbasinɛn nəənn. Mba dəwje kə̂ Ninibə le, Jonas ila mbər arəde a, n̂-turuje məde nyɔm. A dəw kə̂ uta Jonas ee nəənn.

Matiye 13:11

Jeju ilade tə̂ nan: «Sese, darə ə-gərəje tar kɔn-mbay kə̂ darâ kə̂ to tar kə̂ iya rɔɛ̂. A dede, darə n̂-gərəje ang.

Matiye 13:24

Jeju təl pa marə gusu-tar arəde nan: «Bbe-kɔn kə̂ darâ to kâra baa kə dəw kə̂ dubbu kandə-ko kə̂ maji mə ndɔɔ tə̂ laa.

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Matiye 13:33

Jeju pa marə gusu-tar arəde bbay nan: «Bbe-kɔn kə̂ darâ to kâra baa kə wum kə̂ dɛnɛ̂n bɔkɔlɔ nɛ̂n nduju kə̂ mə ka tə̂ mota arə ndərəng a, bɔr nduju le tɔyn ti.»

Matiye 13:47

«Bbe-kɔn kə̂ darâ to kâra baa tɔ kə ddəngə kə̂ dila ba-katə tə̂ ngaâ uwa kanjije dang dang.

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Matiye 18:23

Mba yeenn bba tar Bbe-kɔn kə̂ darâ to tokə tar lə marə mbay kə̂ ndiki ta gərə kɔr nɛ̂n laa kə̂ to dɔ njê-kulaje tə̂ laa.

Matiye 20:1

«Tar Bbe-kɔn kə̂ darâ to tokə tar lə marə nje-ndɔɔ kə̂ tee kə əndɔɔ baa mba sangə dəwje karə aw ndɔɔ binyə tə̂ laa.

Matiye 22:2

«Tar Bbe-kɔn kə̂ darâ to kâra baa kə tar nəənn: Marə tɔkə mbay dda kusu taa-naan lə ngonnɛ̂ kə̂ dingaw.

Matiye 23:13

To ndoo nya arəse, see njê-gərəje-Ndu kə see Parijinyɛje kə̂ ə-toje to njê-ngəmje. Aw ɔkuje ddəw dəwje kə̂ ndikije ta kandə Bbe-kɔn tə̂ kə̂ darâ. Sese njaa kara andəje tə̂ ang ngaâ ɔkuje ddəw dəwje kə̂ ndikije ta kandə tə̂. [

Matiye 25:1

«Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Matiye 25:14

«Tar Bbe-kɔn lə Lubba a to ddəw kâra baa kə tar lə marə dingaw kə̂ a ta kaw mba tə̂ a, bbar njê-kulaje laa ngaâ inya nɛ̂n-kingaje laa jide tə̂.

Matiye 4:17

Unn kute kar tə̂ənn njaa, Jeju unn kutu kila mbər nan: «Ə-turuje məse, mba kɔn-mbay kə̂ darâ ddee ngɔsi ngaa.»

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Matiye 5:10

Maji arəse, see dəwje kə̂ daw dula kəmse ndoo tə̂, mba kula-ddase kə̂ to gatə gatə, mba Bbe-kɔn kə̂ darâ to ləse.

Matiye 5:3

«Maji arəse, see dəwje kə̂ ə-gərəje to nɛ̂n ndil duse, mba Bbe-kɔn kə̂ darâ to ləse.

Matiye 6:10

Arə kɔn-mbay ləi ddee! Maji karə dəwje ddaje nɛ̂n kə̂ məi ndiki dɔ nangə tə̂, tokə ye kə̂ darâ.

Matiye 6:33

Ə-sangəje Bbe-kɔn lə Lubba kə gatə gatə laa dɔngɔr, a nâ karəse kəsə nɛ̂njeenn tɔyn dɔɛ̂ tə̂.

Marke 1:15

N̂-pa nan: «Kar kə̂ Lubba ɔju le asə ngaâ kɔn-mbay lə Lubba ddee ngɔsi ngaa. Ə-turuje məse bbo ooje məse tə̂ kə Tar kə̂ Maji.»

Marke 1:4

Yeenn bba Jan-Batisi unda lo tee mə kɔr tə̂, naw nila mbər narə dəwje karə ingaje batɛm ta tɔju to n̂-turuje məde bba karə tar majang ɔru dɔde tə̂.

Marke 6:12

Njê-njaje go Jeju tə̂ le awje ngaâ ilaje mbər karə dəwje turuje məde.

Luku 1:16

Nâ dda bba karə ngann Ijarayɛlje nya təlje kə rɔ Əbbə-dəwje tə̂ kə̂ to Lubba ləde.

Luku 11:20

A bbo Lubba â arəm singa maw tubba nɛ̂n ndilje kə̂ maji ang a, yeenn tɔju to kɔn-mbay lə Lubba ddee ndərəng tee rɔse tə̂ ngaa.

Luku 13:3

Baann ang, m-pa marəse: Bbo ə-turuje məse ang a, a koyje tɔyn tokə baann tɔ.

Luku 13:5

Baann ang, m-pa marəse: Bbo ə-turuje məse ang a, â koyje tɔyn tokə baann tɔ.»

Luku 15:10

M-pa marəse, to ddəw kâra baa, rɔ-nəəl to nya horo anjəje tə̂ lə Lubba mba nje-nɛ̂n-dda kə̂ maji ang kâra kə̂ turu məɛ̂.»

Luku 15:7

M-pa marəse, to ddəw kâra baa: rɔ-nəəl kə̂ a to darâ mba nje-nɛ̂n-dda kə̂ maji ang kâra kə̂ turu məɛ̂. Rɔ-nəəl le a kuta rɔ-nəəl kə̂ to mba dəwje kə̂ dɔjikara gire jikara kə̂ toje gatə gatə mban arə to tar ləde ta turu məde ang ngaa le.»

Luku 16:30

Nje-nɛ̂n-kinga le pa nan: ‹Baann ang, bɔy Abaraham, bbo dəw ndol horo dəwje tə̂ kə̂ oyje aw rɔde tə̂ a, dâ turuje məde.›

Luku 21:31

Ddəw kâra baa, bbo ooje nɛ̂njeenn kə̂ aw toje a, maji karə ə-gərəje to kɔn-mbay lə Lubba nayn ngɔsi ngaa.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 6:20

Jeju unn kəmɛ̂ aa nɛ̂n njê-njaje goe tə̂ ngaâ pa nan: «Maji arəse, see dangətəje, mba Bbe-kɔn lə Lubba to ləse!

Luku 9:2

Nulade karə dila mbər tar kɔn-mbay lə Lubba darə dəwje ddəm karə daji njê-rɔ-toje ddəm.

Kulaje 11:18

Dəwje le ooje tarjeenn le a, əwje rɔde ngaâ ɔsuje gaji Lubba paje nan: «Lubba arə ddəw dəwje kə̂ toje to Jiipije ang karə n̂-turuje məde mba kinga nɛ̂n təbbə tɔ.»

Kulaje 17:30

Kar kə̂ dəwje gərəje tar kə̂ tɔkɔrɔ ang bbay le. Lubba oo to nɛ̂n ang. A bbasinɛn naw bbar dəwje tɔyn kə̂ isije loje tə̂ tɔyn karə n̂-turu məde.

Kulaje 2:38

Piyɛr pa arəde nan: «Ə-turuje məse ta nân nân kara inga batɛm kə ri Jeju-Kristə. Baann bba Lubba a kɔru tar majangje ləse dɔse tə̂ ngaâ nâ karəse Ndil-mə-nda.

Kulaje 20:21

Mila mbər marə Jiipije kə Gɛrɛkəje karə n̂-turuje məde nyɔm ta n̂-təlje rɔ Lubba tə̂ ngaâ ta karə dundaje məde kə dɔ Əbbə-dəwje Jeju tə̂.

Kulaje 26:20

A dəwje kə̂ Damas kə Jerujalɛm â mila mbər tar nəənn marəde dɔngɔr. Goe tə̂ a, mila mbər marə dəwje kə̂ Jude kə dəwje kə̂ toje to Jiipije ang. M-pa marəde karə n̂-turuje məde ta daaje lo kə rɔ Lubba tə̂ ngaâ ta n̂-ddaje nɛ̂n kə̂ tɔju to n̂-turuje məde mban.

Kulaje 3:19

Yeenn a, maji karə ə-turuje məse ta ə-təlje rɔ Lubba tə̂. Baann bba nâ toko majangje ləse

2 Kɔrɛntinyɛje 7:10

Mba rɔ-katə kə̂ to ddəw mə-ndiki tə̂ lə Lubba aw dda arə dəw aw turu məɛ̂ ngaâ inga kaji. Yeenn jɔku dəw le ang. A rɔ-katə kə̂ in dɔ nangə tə̂ nəənn aw dda arə dəw aw inga yo.

Kolosinyɛje 1:13

N̂-tee kə je kɔ singa tə̂ lə mbay kə̂ lo ndul tə̂ kə ddang ngaâ naw kə je mə Bbe-kɔn tə̂ lə Ngonnɛ̂ kə̂ n̂-ndike nya.

2 Timɔte 2:25

Maji karə n̂-tɔju ddəw dəwje kə̂ aw maynje saa tar kə gɔsu kə̂ wul pee. A du ang, Lubba a dda karə n̂-turuje məde mba gərə tar kə̂ tɔkɔrɔ.

Ebərəje 6:1

Mba yeenn bba, maji karə n-naynje kə dɔ dɔngɔr nɛ̂n-tɔjuje tə̂ kə̂ dɔ Kristə tə̂ le ang, a jawje kə nɛ̂n-tɔjuje tə̂ kə̂ toje to lə dəwje kə̂ tɔkə. Ja təlje dɔ nɛ̂n-tɔju tə̂ kə̂ dɔngɔr le ang ngaa. Nɛ̂n-tɔjuje kə̂ dɔngɔr le to ənga turu-mə ta kinya nɛ̂n-ddaje kə̂ aw awje kə dəw karə inga yo, tar kunn-mə karə Lubba,

2 Piyɛr 3:9

Marə dəwje aw paje nan Əbbə-dəwje aw tila nya bba ta dda nɛ̂n kə̂ nunn ndue ta dda le. A nɛ̂ɛnn to tokə baann ang. Naw tɔ wure mbase, mba n̂-ndiki ta karə dəw kâra nayn kə kɔrɔ̂ ang. N̂-ndiki ta karə dəwje tɔyn njaa turuje ddəw ləde.

Apokalisi 2:21

Minya marə kar marɛ̂ karə n̂-turu məɛ̂. A n̂-ndiki ta kinya ddəw kaya laa le ang.

Apokalisi 2:5

Maji karə ole məi dɔ pa-nja tə̂ ləi kə̂ dɔngɔr. Ə-turu məi bbo ə-təl kula-ddai tə̂ kə̂ dɔngɔr le. Bbo baann ang a, mâ ddee rɔi tə̂, ta mâ kɔru nɛ̂n-kunda lambe ləi lo-toe tə̂ kə ddang.