Matiye 3:16 - Dɔnɔn kə̂ Siki: Tar kə̂ aw arə təbbə

¹⁶ Jeju inga batɛm ngaâ in maânn tee a, karɛ̂ tə̂ənn njaa ta dara təəyn. Noo Ndil lə Lubba kə̂ ddisi tokə lə dər ddee isi dɔɛ̂ tə̂.

Maketuru le Lubba ke tar kabba

¹⁶ Kake Jeju inga batem, ngaa tee me maann te a, kare teenn njaa ta dara teyn. Ngaa noo Ndil le Lubba ddisi dɔe te toke le der jeenn.

Matiye 3:16 ပူးပေါင်းရင်းမြစ်များ

Marke 1:10

A kar tə̂ kə̂ Jeju in mə maann tə̂ le aw tee kə ddaka a, oo ta dara kə̂ təəyn ngaâ Ndil aw ddisi kə dɔɛ̂ tə̂ tokə lə dər.

Tar kə̂ Maji kə̂ Jan dda makəturu tə̂ 1:51

Jeju təl pa bbay nan: «Tɔkɔrɔ m-pa marəse, a kooje dara kə̂ təəyn ngaâ anjəje lə Lubba a kinje dɔ Ngonn lə dəw tə̂ kaw kə taar ddəm ddisi kə dɔɛ̂ tə̂ ddəm.»

Tar kə̂ Maji kə̂ Jan dda makəturu tə̂ 3:34

Dəw kə̂ Lubba ulɛ̂ aw pa tarje lə Lubba, mba Lubba aw arɛ̂ Ndil arə dduse.

Kulaje 1:22

unn kute dɔ ndɔ tə̂ kə̂ Jan ddɛɛ̂ nɛ̂n batɛm ndərəng ndɔ tə̂ kə̂ Lubba unnɛ̂ nɛ̂n horoje tə̂ təl saa darâ. Maji karə marə dəw kâra horo dəwje tə̂ nəənn le təl to nje-tar-naji kə je dɔ tar ndol tə̂ lə Jeju-Kristə kə̂ oy, a ndol le.»

Kulaje 7:56

N̂-pa nan: «Ooje, maw moo dara kə̂ təəyn kə Ngonn lə dəw kə̂ ar taar dɔ ji-kɔl Lubba tə̂.»

1 Jan 5:6

Ne Jeju-Kristə, kə̂ n̂-ddee ddəw maann tə̂ kə ddəw məsə tə̂. N̂-ddee kə maann kâra baa ang, n̂-ddee kə maann ddəm kə məsə ddəm. Tar-naji kə̂ Ndil pa dɔ nɛ̂n tə̂ənn to tar kə̂ tɔkɔrɔ, mba n̂-to Ndil tar kə̂ tɔkɔrɔ.