Matiye 3:11 - Dɔnɔn kə̂ Siki: Tar kə̂ aw arə təbbə

¹¹ Əman, m-ddase batɛm maann ta tɔju to ə-turuje məse mban. A dəw kə̂ aw ddee gom tə̂, ngəng utam. Nɛ̂n-gɔl laa kara munda rɔ dəw kə̂ asə ta kɔru gɔlɛ̂ tə̂ ang. Ne, nâ ddase batɛm Ndil-mə-nda kə batɛm puru.

Maketuru le Lubba ke tar kabba

¹¹ Ema, m-ddase batem maann ta tɔju to e-turuje ddew lese. A dew ke aw ddee gom te, singae utam. Ne-gɔl laa kara mase kɔru gɔle te ang. Ne, na ddase batem Ndil-me-nda ke batem puru.

Matiye 3:11 ပူးပေါင်းရင်းမြစ်များ

Matiye 3:6

N̂-paje majangje ləde kə ddaka ngaâ Jan le ddade batɛm maann Jurdɛn tə̂.

Marke 1:4

Yeenn bba Jan-Batisi unda lo tee mə kɔr tə̂, naw nila mbər narə dəwje karə ingaje batɛm ta tɔju to n̂-turuje məde bba karə tar majang ɔru dɔde tə̂.

Luku 1:17

Nâ nja nɔn Lubba tə̂ kə ndil lə Eli kə̂ to nje-kila mbər tar lə Lubba ddəm kə singa lə Eli le ddəm, mba turu mə bɔje kə rɔ ngannde tə̂ ddəm nâ dda bba karə njê-dɔ-ngəngje təlje unnje ddəw kəm-karɛ lə dəwje kə̂ gatə gatə ddəm nâ gɔl dəwje karə arje dɔ gɔlde tə̂ mba ngəbbə Əbbə-dəwje.»

Luku 3:16

Nilade tə̂ tɔyn nan: «Əman, m-ddase batɛm maann. A marə dəw kə̂ utam, kə̂ mâ kasə tutu kula nɛ̂n-gɔl laa ang aw ddee. Ne â nâ ddase batɛm Ndil-mə-nda kə batɛm puru.

Luku 3:3

Yeenn bba Jan nja dɔ nangə tə̂ kə̂ Jurdɛn tə̂, naw nila mbər narə dəwje karə ingaje batɛm ta tɔju to n̂-turuje məde bba karə tar majang ɔru dɔde tə̂.

Tar kə̂ Maji kə̂ Jan dda makəturu tə̂ 1:15

Jan to nje-tar-naji laa. N̂-pa kə ndu kə̂ mɔngu nan: «Ne kə̂ m-pa tar laa le â nəənn: Dəw kə̂ aw ddee gom tə̂ le to dəw kə̂ ngəng utam, mba n̂-to kete narəm.»

Tar kə̂ Maji kə̂ Jan dda makəturu tə̂ 1:30

Ne â m-pa tar laa, m-pa nan: ‹Marə dəw kə̂ aw ddee gom tə̂ le ngəng utam, mba n̂-to kete narəm.›

Kulaje 1:5

Jan dda dəwje batɛm maann, a sese, â kingaje batɛm Ndil-mə-nda mə ndɔje tə̂ nəənn.»

Kulaje 19:4

Pɔl ilade tə̂ nan: «Jan dda batɛm dəwje kə̂ ndikije ta turu məde. Jan le duju dəwje karə dooje məde tə̂ kə dəw kə̂ a ddee goe tə̂. Dəw le to Jeju.»

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 8:38

Goe tə̂ a, narə Sarɛtə le ar lo kâra ngaâ de kə Pilipi le joo kəm n̂-ddisije dawje mə maann tə̂ le ngaâ Pilipi ddɛɛ̂ batɛm.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Titə 3:5

najije. Nɛ̂n kə̂ gatə gatə kə̂ n-ddaje bba najije mbɛɛ̂ goto. Najije mba noo kəm-to-ndoo ləje, narə n-ddeeje to dəwje kə̂ siki ddəw toko tə̂ kə̂ n̂-tokoje ddəm ddəw tə̂ lə Ndil-mə-nda ddəm.

1 Piyɛr 5:5

Ddəw kâra baa, basanje, maji karə ooje ta dəwje kə̂ dɔ Egilisi tə̂. Sese tɔyn, ə-ddaje rɔse ngaji arəje naan, mba Makəturu lə Lubba pa nan: Lubba mbətə tar lə dəwje kə̂ ooje rɔde bo, a n̂-dda mə-maji kə dəwje kə̂ dda rɔde ngaji.