Matiye 27:24 - Dɔnɔn kə̂ Siki: Tar kə̂ aw arə təbbə

²⁴ Pilatə oo to nâ kasə dda marə nɛ̂n dang ang ngaâ dəwje le aw yəkəje lo kə kete kete a, nunn maann n̂-toko nɛ̂n jia kəm dəwje tə̂ kə̂ banya le n̂-pa nan: «Tar yo lə dingaw nəənn a kuwa dɔm ang. Oose.»

Maketuru le Lubba ke tar kabba

²⁴ Toke Pilate oo to na kase dda mare ne dang ang, ngaa dewje le aw yekeje lo ke kete kete a, nunn maann ngaa n̂-toko ne jia kem dewje te ke banya le ngaa n̂-pa na: «Tar yo le dingaw neenn a kuwa dɔm ang. Oose.»

Matiye 27:24 ပူးပေါင်းရင်းမြစ်များ

Matiye 26:5

A n̂-paje nan: «Arəje juwɛ̂je ndɔ kusu tə̂ ang, mba a kuju bula.»

Matiye 27:19

Kar tə̂ kə̂ Pilatə isi ngende-gangə sariya tə̂ le bbay a, dɛnɛ̂n laa ula pa arɛ̂ nan: «Ula tai tar tə̂ lə dəw kə̂ gatə gatə nəənn ang. Mba til tə̂ nəənn, moo ndoo nya mə nin tə̂ mbɛɛ̂.»

Matiye 27:23

Pilatə dujude nan: «Majang ddi â n̂-dda wa?» A dunnje kutu kuru əkii kə singa bbay nan: «Arə n̂-tɔlɛ̂ kakə-dəsə tə̂!»

Matiye 27:4

N̂-pa narəde nan: «M-dda nɛ̂n kə̂ maji ang, mba mila dəw kə̂ dda nɛ̂n kə̂ maji ang kâra ang ji dəwje tə̂ karə n̂-tɔlɛ̂.» Dilɛ̂je tə̂ nan: «Osoje tə̂ ang. Yeenn ooi.»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 27:9

Yeenn bba tar lə Lubba kə̂ Jeremi kə to nje-kila mbər tar laa pa le ddee to tar kə̂ tɔkɔrɔ. Tar le nan: «N̂-taaje kandə narɛ dɔmota. Yeenn to gatə dəw kə̂ ngann Ijarayɛlje ɔju le.

Tar kə̂ Maji kə̂ Jan dda makəturu tə̂ 13:9

Simɔn Piyɛr pa arɛ̂ nan: «Əbbə-dəwje, yeenn a gɔləm njaa ə-toko a bbayɛ̂ ang, ə-toko jim ddəm dɔm ddəm.»

Tar kə̂ Maji kə̂ Jan dda makəturu tə̂ 19:4

Pilatə le təl tee ddaka bbay ngaâ pa arə Jiipije le nan: «Ya! Maw tee saa kə ddaka ta karəse, karə ə-gərəje to minga marə nɛ̂n kâra ta gangə nɛ̂n sariya dɔɛ̂ tə̂ ang.»

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.

2 Kɔrɛntinyɛje 5:21

Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.