Matiye 27:19 - Dɔnɔn kə̂ Siki: Tar kə̂ aw arə təbbə

¹⁹ Kar tə̂ kə̂ Pilatə isi ngende-gangə sariya tə̂ le bbay a, dɛnɛ̂n laa ula pa arɛ̂ nan: «Ula tai tar tə̂ lə dəw kə̂ gatə gatə nəənn ang. Mba til tə̂ nəənn, moo ndoo nya mə nin tə̂ mbɛɛ̂.»

Maketuru le Lubba ke tar kabba

¹⁹ Kare te ke Pilate isi lo sariya te le bbay a, dene laa ula pa are na: «Ula tai tar te le dew ke gate gate neenn ang. Mba til te neenn, moo ndoo nya me ni te wɔju dɔe.»

Matiye 27:19 ပူးပေါင်းရင်းမြစ်များ

Matiye 1:20

Jojɛpə aw əjə tar nəənn le məɛ̂ tə̂ bbay a, marə anjə lə Əbbə-dəwje tee ingɛ̂ mə nin tə̂ ngaâ pa arɛ̂ nan: «Jojɛpə dəw kə̂ gəl Dabbiti tə̂, ə-bbəəl ang bbo ə-taa Mari to dɛnɛ̂n ləi, mba səm lə ngonn kə̂ to məɛ̂ tə̂ le ddee ddəw tə̂ lə Ndil-mə-nda.

Matiye 2:19

Go koy tə̂ lə Erodə a, anjə lə Əbbə-dəwje ddee dɔ Jojɛpə tə̂ kə nin bbe tə̂ kə̂ Ejipitə.

Matiye 2:22

Jojɛpə oo nan Arkelawos â ɔn bbe nangə tə̂ kə̂ Jude turu bɔɛ̂je Erodə tə̂ ngaa a, n̂-bbəəl ta təl. A Lubba pa tar arɛ̂ kə nin ngaâ naw nangə tə̂ kə̂ Galile.

Matiye 27:18

Mba Pilatə gərə kə majɛ̂ to mə â dunda kə Jeju bba duwɛ̂je dulɛ̂je jia tə̂.

Matiye 27:24

Pilatə oo to nâ kasə dda marə nɛ̂n dang ang ngaâ dəwje le aw yəkəje lo kə kete kete a, nunn maann n̂-toko nɛ̂n jia kəm dəwje tə̂ kə̂ banya le n̂-pa nan: «Tar yo lə dingaw nəənn a kuwa dɔm ang. Oose.»

Matiye 27:4

N̂-pa narəde nan: «M-dda nɛ̂n kə̂ maji ang, mba mila dəw kə̂ dda nɛ̂n kə̂ maji ang kâra ang ji dəwje tə̂ karə n̂-tɔlɛ̂.» Dilɛ̂je tə̂ nan: «Osoje tə̂ ang. Yeenn ooi.»

Luku 23:41

Sariya ləje to kə dɔgɔlɛ̂, mba to kuka nɛ̂nje kə̂ maji ang kə̂ n-dda â jinga. A ne, n̂-dda nɛ̂n kə̂ maji ang kâra ang.»

Luku 23:47

Nje-kɔn dɔ mbambaje oo nɛ̂njeenn le a, ɔsu gaji Lubba pa nan: «Tɔkɔrɔ njaa dəw nəənn to gatə gatə.»

Tar kə̂ Maji kə̂ Jan dda makəturu tə̂ 19:13

Pilatə oo tarje le a, narə n̂-tee kə Jeju. Ngaâ, nisi ngende-gangə sariya tə̂, lo tə̂ kə̂ daw bbar nan: «Lo kə̂ dɔsu kə ər» ngaâ daw bbar nan: «Gabata» kə tar lə ebərəje.

Kulaje 12:21

Ndɔɛ̂ kə̂ dɔju le asə a, Erodə ula kubbu mbay laa aw isi ngende-mbay tə̂ laa ngaâ pa tar arəde kəm dəwje tə̂ tɔyn.

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 18:16

Yeenn ngaâ n̂-tubbade lo gangə sariya tə̂ le.

Kulaje 18:17

Dede tɔyn duwaje Sostɛnn kə̂ to nje-kɔn dɔ kəy mbɔn-naan lə Jiipije le n̂-tundɛ̂je ta-kəy gangə sariya tə̂ le. A Galiyɔn aa lo kə tə̂ ang.

Kulaje 25:10

A Pɔl pa nan: «Lo kə̂ nəənn kara to lo gangə sariya le tɔkə mbay kə̂ Rɔm â mar tə̂ nəənn, lo kə̂ nəənn njaa dâ gangə sariya le tə̂. Moo marə nɛ̂n kə̂ maji ang kə̂ m-dda kə Jiipije ang, əi njaa kara ə-gərə kə majɛ̂.

Kulaje 25:17

Kar tə̂ kə̂ əman kə de n-ddee Sejare nəənn a, m-nginan ang. Lo-karɛ̂ njaa maw misi lo gangə sariya tə̂ ngaâ munn ndu marə n̂-ddee kə dingaw le nəənn.

Kulaje 25:6

Pestus dda ndɔ asə jijoo wase ndɔ dɔku baa rɔde tə̂ ngaâ n̂-təl Sejare. Lo arɛ a, naw nisi lo gangə sariya tə̂ ngaâ nunn ndu karə n̂-ddee kə Pɔl.

1 Piyɛr 2:22

Kristə dda majang ang, nərə ngəm ndɔ kâra ang.

1 Jan 2:1

Ngannəm, m-pa tar nəənn makəturu tə̂ marəse mba karə ə-ddaje majang ang. A bbo marə dəw dda majang a, jee kə Nje-taa dɔ dəwje mbɔr Bɔy tə̂. Ria nan Jeju-Kristə kə̂ to gatə gatə.