Matiye 26:61 - Dɔnɔn kə̂ Siki: Tar kə̂ aw arə təbbə

⁶¹ «Dəw nəənn pa nan: ‹Masə ta tɔ kəy-polo Lubba ta təl dda ture tə̂ mə ndɔ mota tə̂.› »

Maketuru le Lubba ke tar kabba

⁶¹ «Dew neenn pa na: ‹Mase ta tɔ key-polo-Lubba ta tel dda ture te me ndɔ mota te.› »

Matiye 26:61 ပူးပေါင်းရင်းမြစ်များ

Matiye 12:24

Parijinyɛje ooje tarɛ̂ a, paje nan: «Dingaw nəənn, Bɛljebul kə̂ to mbay lə ndilje kə̂ maji ang â arɛ̂ singa tubba nɛ̂n ndilje kə̂ maji ang.»

Matiye 26:62

Tɔkə nje-polo Lubba le in taar ngaâ duje nan: «Tar kə̂ â kila tə̂ goto wa? Tar kə̂ dəwje aw paje dɔi tə̂ nəənn, tar ddi â, â pa dɔɛ tə̂ wa?»

Matiye 26:71

Nunn ddəw ta kɔtu ngaâ n̂-tee ta-ndoko tə̂ le a, marə nje-kula kə̂ dɛnɛ̂n dang ooe ngaâ pa arə njê kə̂ isije lo tə̂ənn nan: «Dəw nəənn nja kə Jeju kə̂ Najarɛtə le tɔ.»

Matiye 27:40

N̂-paje darɛ̂je nan: «Əi kə̂ ə-ndiki ta tɔ kəy-polo Lubba ta təl dda marɛ̂ ture tə̂ mə ndɔ mota tə̂ le, bbo ə-to Ngonn lə Lubba a, aji rɔi əi njaa bbo in kakə-dəsə tə̂ le uru nangə̂!»

Matiye 27:5

Judas sanrɛ narɛ le mə kəy-polo Lubba tə̂ ngaâ aw ila kula.

Marke 14:58

«Joo tɛɛ̂ tə̂ njaa, n̂-pa nan: ‹Mâ tɔ kəy-polo Lubba nəənn kə̂ dəwje â ddaje. Mâ dda marɛ̂ kə̂ dəwje â ddaje ang mə ndɔ mota tə̂.› »

Marke 15:29

Dəwje kə̂ aw ndayje lo tə̂ənn tukaje dɔde tajɛ̂je nɛ̂n. N̂-paje darɛ̂je nan: «Əi kə̂ ə-ndiki ta tɔ kəy-polo Lubba ta təl dda marɛ̂ ture tə̂ mə ndɔ mota tə̂ le.

Luku 23:2

Dulaje tar tɛɛ̂ tə̂ nan: «Jinga dingaw nəənn, naw nɔsu kutu dəwje ta karə n̂-ddaje dɔ-ngəng. N̂-pa narə dəwje ta karə dukaje lambo darəje tɔkə mbay kə̂ Rɔm ang ngaâ n̂-pa nan ne njaa n̂-to Kristə le, n̂-to tɔkə mbay.»

Tar kə̂ Maji kə̂ Jan dda makəturu tə̂ 9:29

Jeje, n-gərə to Lubba pa tar kə Mɔyijə. A dəw nəənn, n-gərə lo kə̂ nin tə̂ bba n̂-ddee ang.»

Kulaje 17:18

Marə njê-nɛ̂n-gərəje kə̂ daw bbarde nan Epikurinyɛje kə Isitoyisinyɛje njaa kara ddeeje aw paje saa tar tɔ. Marɛ̂je paje nan: «Tar ddi njaa nje-kunda bula nəənn a ta pa wa?» A marɛ̂je paje nan: «A du ang, nâ to marə nje-kila mbər tar lə marə lubbaje kə̂ dang.» Mba Pɔl aw ila mbər Tar kə̂ Maji lə Jeju kə tar ndol lə dəwje kə̂ oyje.

Kulaje 18:13

N̂-paje nan: «Dəw nəənn aw dda karə dəwje poloje Lubba kə ddəw kə̂ ndu mbətə.»

Kulaje 22:22

Jiipije ooje tar laa ndərəng teeje dɔ tar tə̂ənn a, uruje əkii nan: «Ə-tɔlje dingaw nəənn kə ddang! Maji karə n̂-nayn kəm baa ang!»