Matiye 26:41 - Dɔnɔn kə̂ Siki: Tar kə̂ aw arə təbbə

⁴¹ Arəje bbi ɔru kəmse ang, ə-dujuje Lubba bba karə osoje mə nɛ̂n-nan tə̂ ang. Ndil dəw ndiki ta dda nɛ̂n kə̂ maji njaa, a da-rɔ ee kə singa ang.»

Maketuru le Lubba ke tar kabba

⁴¹ Areje bbi ɔru kemse ang bbo e-dujuje Lubba na a kosoje me ne-na te. Dew ndiki ta dda ne ke maji njaa a, da-rɔ inga ddew ta dda ne le ang.»

Matiye 26:41 ပူးပေါင်းရင်းမြစ်များ

Matiye 24:42

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

Matiye 25:13

Go gusu-tar tə̂ nəənn le a, Jeju pa nan: «Yeenn a, arje dɔ gɔlse tə̂, mba ə-gərəje ndɔɛ̂ ang ddəm karɛ̂ ang ddəm.»

Matiye 26:38

Yeenn a, n̂-pa narəde nan: «Rɔm nəələm ang, tokə nɛ̂n kə̂ mâ ta koy be. Ə-naynje nəənn. Arəje bbi ɔru kəmse ang səm.»

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Marke 14:38

Arəje bbi ɔru kəmse ang, ə-dujuje Lubba bba karə osoje mə nɛ̂n-nan tə̂ ang. Ndil dəw ndiki ta dda nɛ̂n kə̂ maji njaa, a da-rɔ ee kə singa ang.»

Luku 11:4

Ɔru tar majang ləje dɔje tə̂, mba jeje kara jaw jɔru tar dɔ dəwje tə̂ kə̂ ddaje majang kə je tɔ. Inya arə marə nɛ̂n nanje ang.› »

Luku 21:36

Maji karə ə-tibbije ang, ə-dujuje Lubba kə kar tɔyn, yeenn bba â kingaje singa ta tee nɛ̂n ta nɛ̂n tə̂ kə̂ a ta ddee le ddəm ta kar nɛ̂n taar nɔn Ngonn lə dəw tə̂ ddəm.»

Luku 22:40

N̂-tee lo tə̂ənn le a, n̂-pa narəde nan: «Ə-dujuje Lubba, mba karə osoje mə nɛ̂n-nan tə̂ ang.»

Luku 22:46

N̂-pa narəde nan: «Mba ddi bba aw tibbije wa? Inje taar, ə-dujuje Lubba, mba karə osoje mə nɛ̂n-nan tə̂ ang.»

Luku 8:13

Kandə-ko kə̂ gayn dɔ ər tə̂ le tɔju njê kə̂ ooje tar lə Lubba le a, taaje kə rɔ-nəəl. A tar kə̂ dooje le ungu ngirɛ̂ məde tə̂ ang, dooje məde tə̂ mba gɔju kar baa, a ndɔ kə̂ nɛ̂n nan mə tee a, n̂-tusuje dinyaje.

Rɔmɛnje 8:3

Lubba dda nɛ̂n kə̂ ndu lə Mɔyijə asə ta dda ang, mba da-rɔ dəw kə̂ ubba singa ang dda arə Ndu le dda kula ang. Nɛ̂n kə̂ Lubba dda le to Ngonnɛ̂ njaa kə̂ nulɛ̂ narə unn da-rɔ kə̂ to tokə da-rɔ dəw kə̂ to nje-nɛ̂n-dda kə̂ maji ang, mba kɔru nɛ̂n dəwje mə majang tə̂. Ddəw tə̂ənn le. Lubba gangə sariya dɔ majang tə̂ kə̂ to mə da-rɔ dəwje tə̂.

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

1 Kɔrɛntinyɛje 16:13

Maji karə undaje kəmse dɔ rɔse tə̂, uwaje mə-kunn ləse arə ngəng, uwaje rɔse to dingawje, ə-ngəngje dɔ rɔse tə̂.

1 Kɔrɛntinyɛje 9:27

M-dda singa nya kə rɔm njaa, mba kɔn dɔ rɔm le. Baann ang a, əman nje-kila mbər tar karə kəsə dəwje le njaa dâ kɔrum kə guku.

Galatəje 5:24

Dəwje kə̂ toje to ənga Jeju-Kristə ddaje arə bboje kə̂ da-rɔde tə̂ oy kakə-dəsə tə̂ mban.

Epɛjinyɛje 6:18

Mə karje tə̂ tɔyn arəje Ndil tɔjuse ddəw kə̂ â dujuje nɛ̂n Lubba. Maji karə ə-tibbije ang ngaâ ə-dujuje Lubba nya mba njê-mə-kunnje.

1 Piyɛr 4:7

Nɛ̂nje tɔyn naynje ngɔsi baa ta kɔsu kɔyn ngaa. Yeenn a, maji karə ə-gərəje dɔ jise, arəje kəmse kətərə ta ə-dujuje Lubba.

1 Piyɛr 5:8

Maji karə ə-gərəje dɔ jise. Arəje kəmse kətərə. Əsu kə̂ to Nje-baan ləse aw gukuse tokə lə ənam kə̂ aw nɔn. Naw sangə dəw ta kusɛ̂.

2 Piyɛr 2:9

Yeenn tɔju to Əbbə-dəwje gərə gusu kə̂ ta kɔru nɛ̂n dəwje kə̂ unnje rɔde arɛ̂je mə nɛ̂n-nan tə̂ kə ddang. A naw ngəm njê kə̂ toje gatə gatə ang mba gangə sariya dɔde tə̂ ndɔ gangə sariya tə̂.

Apokalisi 16:15

Əbbə-dəwje pa nan: «Oo, maw ddee tokə lə nje-bboko. Maji arə dəw kə̂ isi kəm baa bbo tibbi ang ngaâ ngəm kubbu rɔɛ̂ tə̂. Baann bba nâ nja rɔɛ̂ baa karə dəw ooe a to nɛ̂n-rɔ-kul ang.»

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.