Matiye 26:29 - Dɔnɔn kə̂ Siki: Tar kə̂ aw arə təbbə

²⁹ M-pa marəse, unn kute kar tə̂ nəənn, mâ kay maann-binyə nəənn ang ngaa, ndərəng ndɔ kə̂ mâ kay nɛ̂n maann-binyə kə̂ siki kə se mə Bbe-kɔn tə̂ lə Bɔmje.»

Maketuru le Lubba ke tar kabba

²⁹ M-pa marese, ma kay maann binye neenn ang ngaa ndereng ndɔ ke ma kay ne maann binye ke siki ke se me Bbe-kɔn te le Bɔmje.»

Matiye 26:29 ပူးပေါင်းရင်းမြစ်များ

Matiye 13:43

A kar tə̂ənn, dəwje kə̂ toje gatə gatə kə Lubba a ndokoje tokə lə kar mə Bbe-kɔn tə̂ lə Bɔdede. Dəw kə̂ mbia to a, maji karə oo tar nəənn!»

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 18:20

Mba lo kə̂ dəwje joo wase mota uwaje dɔ naan tə̂ kə rim, mee horode tə̂.»

Matiye 25:34

Yeenn ngaâ tɔkə mbay le a pa karə njê kə̂ dɔ ji-kɔlɛ̂ tə̂ nan: ‹Sese kə̂ Bɔmje bbar tar kə̂ maji dɔse tə̂ le, ə-ddeeje. Ə-taaje Bbe-kɔn kə̂ Lubba gɔl mba tar ləse ləw baa kə̂ duninya to le.

Matiye 26:28

yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Matiye 26:30

Dɔsuje pa wal Lubba ngaâ n̂-teeje dawje dɔ ddingiri Olibəje tə̂.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Marke 14:25

Tɔkɔrɔ njaa, m-pa marəse: Mâ kay maann-binyə nəənn ang ngaa ndərəng ndɔ kə̂ mâ kay nɛ̂n maann-binyə kə̂ siki mə Bbe-kɔn tə̂ lə Lubba.»

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Luku 15:32

To maji ta dda kusu ta dda rɔ-nəəl, mba ngokɔin nəənn oy bba ndol. N̂-nayn kɔrɔ̂ bba jingɛ̂.› »

Tar kə̂ Maji kə̂ Jan dda makəturu tə̂ 15:11

«M-pa tar nəənn marəse karə rɔ-nəəl kə̂ minga le ingaje tɔ ngaâ ta karə rɔ-nəəl ləse asə loe.

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Tar kə̂ Maji kə̂ Jan dda makəturu tə̂ 17:13

«Bbasinɛn, maw maw kə rɔi tə̂. A maw pa tar be duninya tə̂ bba karə rɔ-nəəl kə̂ minga le dingaje məde tə̂ tɔ, rɔ-nəəl kə̂ asə loe njaa.

Kulaje 10:41

N̂-tɔju rɔɛ̂ dəwje tɔyn ang. Njê-tar-najije kə̂ Lubba mbərəde kete kə jeje kə̂ jusa saa nɛ̂n ngaâ jay saa nɛ̂n â go ndol tə̂ laa le n̂-tɔju rɔɛ̂ narəje.

Ebərəje 12:2

Jarəje kəmje to kə dɔ Jeju tə̂ kə̂ ɔru ta-ddəw mə-kunn arəje ngaâ aw dda arə mə-kunn ləje le aw sangə kə majɛ̂ le. N̂-ndiki tə̂ ta koy dɔ kakə-dəsə tə̂ bbo n̂-dda rɔ-kule ang. N̂-ndiki tə̂ mba noo rɔ-nəəl kə̂ nâ kinga goe tə̂ tokə kete ngaâ bbasinɛn, nisi dɔ ji-kɔl Lubba tə̂.

Apokalisi 14:3

Dəwje le aw ɔsuje pa kə̂ siki nɔn ngende-mbay tə̂ le, nɔn nɛ̂nje tə̂ kə̂ toje kəm baa kə̂ sɔ le kə nɔn tɔkəje tə̂ le. Dəw kâra kə̂ a kasə ndo pa le goto. Bbayɛ̂ njaa to dede kə̂ doro kɔr kâra kə dɔsɔ gire sɔ (144 000) kə̂ Ngonn batə uka dɔde dɔ nangə tə̂ le.

Apokalisi 7:17

Mba ngonn batə kə̂ ee dɔ ngende-mbay tə̂ le a ngəmde tokə lə nɛ̂n-kuulje ngaâ nâ kaw kə de loje tə̂ kə̂ maannje kə̂ aw arə təbbə inje kə tə̂ bba aw teeje. Ngaâ Lubba a bɔru maann-nɔn kəmde tə̂ tɔyn.»