Matiye 26:28 - Dɔnɔn kə̂ Siki: Tar kə̂ aw arə təbbə

²⁸ yeenn to məsəm. Məsə kə̂ Lubba ɔsu nɛ̂n dɔnɔn kə dəwje kə̂ banya, məsə kə̂ kayn mba kɔru tar majangje kə ddang.

Maketuru le Lubba ke tar kabba

²⁸ yeenn to mesem ann. To mese ke Lubba ɔsu ne dɔnɔ ke dewje ke banya are ula mba kare tar majang lede ɔru ne dɔde te.

Matiye 26:28 ပူးပေါင်းရင်းမြစ်များ

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 26:27

Goe tə̂ a, nunn marə əngo maann-binyə, narə wooyo Lubba n̂-pa nan: «Sese tɔyn njaa ayje,

Matiye 26:29

M-pa marəse, unn kute kar tə̂ nəənn, mâ kay maann-binyə nəənn ang ngaa, ndərəng ndɔ kə̂ mâ kay nɛ̂n maann-binyə kə̂ siki kə se mə Bbe-kɔn tə̂ lə Bɔmje.»

Matiye 6:12

Ɔru tar majang ləje dɔje tə̂, tokə jeje kara jaw jɔru tar dɔ dəwje tə̂ kə̂ ddaje majang kə je tɔ.

Marke 1:4

Yeenn bba Jan-Batisi unda lo tee mə kɔr tə̂, naw nila mbər narə dəwje karə ingaje batɛm ta tɔju to n̂-turuje məde bba karə tar majang ɔru dɔde tə̂.

Marke 14:24

Jeju pa arəde nan: «Yeenn to məsəm. To məsə kə̂ Lubba ɔsu nɛ̂n dɔnɔn, məsə kə̂ kayn nangə̂ mba dəwje tokə banya.

Luku 22:19

Goe tə̂ a, nunn mapa, narə wooyo Lubba, n̂-tətə narəde ngaâ n̂-pa nan: «Mapa nəənn to da-rɔm kə̂ munn marə mba tar dɔse. Ə-ddaje nɛ̂n nəənn mba kole nɛ̂n məse dɔm tə̂.»

Luku 22:20

N̂-dda tokə baann kə maann-binyə kə̂ əngo tə̂ le tɔ. Go nɛ̂n-kusa tə̂ le a, nunn maann-binyə kə̂ əngo tə̂ le narəde ngaâ n̂-pa nan: «Maann-binyə kə̂ əngo tə̂ nəənn, to dɔnɔn kə̂ siki kə̂ Lubba ɔsu kə se ddəw məsəm tə̂ kə̂ kayn mba tar dɔse.

Rɔmɛnje 5:15

A mə-maji kə̂ Lubba dda to nɛ̂n-karə-baa kə̂ to dang kə nɛ̂n kə̂ to kə dɔgɔlɛ̂ ang kə̂ Adam dda. Tɔkɔrɔ, dəwje nya oyje mba majang kə̂ dəw kə̂ kâra baa nəənn dda le. A nɛ̂n kə̂ bo uta nya to mə-maji kə̂ Lubba dda kə dəwje ngaâ arəde nɛ̂n baa ddəw tə̂ lə dəw kâra kə̂ to Jeju-Kristə.

Rɔmɛnje 5:19

Dəwje nya ddeeje to njê-nɛ̂n-ddaje kə̂ maji ang ddəw tə̂ lə dəw kâra kə̂ aal ta Lubba. Ddəw kâra baa, dəwje nya ddeeje gatə gatə kəm Lubba tə̂ ddəw tə̂ lə dəw kâra kə̂ oo ta Lubba.

1 Kɔrɛntinyɛje 11:25

Ddəw kâra baa, nusa nɛ̂n ngaâ nunn əngo-narɛ, n̂-pa nan: «Əngo-narɛ nəənn to dɔnɔn kə̂ siki kə̂ Lubba ɔsu kə se kə məsəm. Ndɔ tɔyn kə̂ aw ayje a, ayje mba kole nɛ̂n məse dɔm tə̂.»

Epɛjinyɛje 1:7

Ddəw məsə tə̂ lə Kristə, Lubba tee kə je mə nɛ̂n-dda tə̂ kə̂ maji ang kə ddang ngaâ nɔru tar majang ləje dɔje tə̂, ddəw mə-maji tə̂ laa kə̂ bo nya.

Kolosinyɛje 1:14

Ddəw tə̂ lə Ngonnɛ̂ le, Lubba ɔruje mə majang tə̂ kə ddang ngaâ tar majangje ləje ɔru dɔje tə̂.

Kolosinyɛje 1:20

Ddəw tə̂ lə Ngonnɛ̂ le n̂-ndiki ta təl kula nuju naan tə̂ kə nɛ̂nje tɔyn kə̂ dɔ nangə tə̂ ddəm nɛ̂nje tɔyn kə̂ darâ ddəm. Ddəw məsə Ngonnɛ̂ tə̂ kə̂ kayn kakə-dəsə tə̂ le, n̂-dda narə mə-wul-lɔm to dɔ nangə tə̂ ddəm darâ ddəm.

Ebərəje 10:29

Yeenn a, dəw kə̂ oo Ngonn lə Lubba to nɛ̂n ang kəmɛ̂ tə̂ ngaâ oo məsə dɔnɔn kə̂ Lubba ɔsu karə toko nɛ̂n-yərəwje laa to nɛ̂n kə̂ baa ngaâ taji Ndil-mə-nda kə̂ aw dda saa mə-maji le, kunda laa a bo nya.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Ebərəje 9:28

Ddəw kâra baa, Kristə unn rɔɛ̂ arə to nɛ̂n-polo gɔl kâra baa ta kɔru nɛ̂n tar majang lə dəwje kə̂ banya. Nâ təl ddee kə̂ gɔl joo laa ta kaji dəwje kə̂ aw nginɛ̂nje, bbo ta kɔru tar majang ang ngaa.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.

Apokalisi 7:9

Goe tə̂, maa lo bbay a, moo dəwje tokə banya. Dəw asə turade ang. Dinje horo dəwje tə̂ kə̂ gəlde dang dang tɔyn, horo njê kə̂ bbeje tə̂ dang dang, horo njê kə̂ nangəje tə̂ dang dang kə horo njê kə̂ ndɔn-tarje ləde to dang dang. Darje nɔn ngende-mbay tə̂, nɔn Ngonn batə tə̂ le. Dulaje tɔkə kubbu kə̂ nda ngaâ duwaje kam mburu jide tə̂.