Matiye 26:24 - Dɔnɔn kə̂ Siki: Tar kə̂ aw arə təbbə

²⁴ Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Maketuru le Lubba ke tar kabba

²⁴ Ngonn le dew a koy ddew kara baa ke tar ke makuturu le Lubba pa dɔe te. A kem to ndoo a to le dew ke a kilae ji dewje te le. Duje ang kara maji nya uta.»

Matiye 26:24 ပူးပေါင်းရင်းမြစ်များ

Matiye 18:7

To ndoo nya arə dəwje kə̂ duninya tə̂. Nɛ̂n kə̂ a dda karə dəw oso mə majang tə̂ banya nya. Tɔkɔrɔ, nɛ̂n kə̂ a dda karə dəw oso mə majang tə̂ a to kə ndɔ tɔyn. A to ndoo nya karə dəw kə̂ a dda karə njê-marɛ̂je osoje mə majang tə̂.

Matiye 26:31

Yeenn ngaâ Jeju pa arəde nan: «Til tə̂ nəənn, â tusumje tɔyn kinyamje, mba n̂-dda Makəturu tə̂ lə Lubba nan: ‹Mâ tɔl nje-ngəm batəje, ta kusu batəje le a sanrɛ naan.›

Matiye 26:54

A bbo m-dda tokə baann a, tarje kə̂ Makəturu lə Lubba pa le a ddeeje to nɛ̂n kə̂ tɔkɔrɔ tokə baânn wa? Makəturu le pa nan, maji karə nɛ̂ɛnn le to tokə baann.»

Matiye 26:56

A nɛ̂njeenn tɔyn toje bba karə tar kə̂ njê-kilaje mbər tar lə Lubba paje Makəturu tə̂ le ddeeje to nɛ̂n kə̂ tɔkɔrɔ.» Yeenn ngaâ njê-njaje go Jeju tə̂ le tɔyn njaa aynje inyɛ̂je.

Marke 14:21

Ngonn lə dəw a koy ddəw kâra baa kə tar kə̂ Makəturu lə Lubba pa dɔɛ̂ tə̂ le. A, a to ndoo nya karə dəw kə̂ a kilɛ̂ ji dəwje tə̂. Dəw le, kuje ang maji nya uta.»

Marke 9:12

Jeju ilade tə̂ nan: «Tɔkɔrɔ, Eli a ddee dɔngɔr bba njaa, mba mɔsɛ nɛ̂nje tɔyn ture tə̂. A mba ddi bba Makəturu lə Lubba pa nan: ‹Ngonn lə dəw a koo ndoo nya ngaâ dəwje a mbəteje› wa?

Luku 22:22

Ngonn lə dəw a koy, mba to nɛ̂n kə̂ Lubba â ɔju. A, a to ndoo nya karə dəw kə̂ a kunn dɔ Ngonn lə dəw le.»

Luku 24:46

N̂-pa narəde nan: «Makəturu lə Lubba pa nan: ‹Kristə le a koo ndoo ngaâ ndɔ mota a, nâ ndol.

Tar kə̂ Maji kə̂ Jan dda makəturu tə̂ 17:12

Kar kə̂ m-nayn kə de bbay le, maw ngəmde ddəw singa tə̂ ləi kə̂ arəm. M-ngəmde marə dəw kâra horode tə̂ nayn kɔrɔ̂ ang. Bbayɛ̂ â to ne kə̂ nâ nayn kə kɔrɔ̂ le, yeenn bba karə tar kə̂ Makəturu tə̂ ləi ddee to tar kə̂ tɔkɔrɔ.

Tar kə̂ Maji kə̂ Jan dda makəturu tə̂ 19:24

Mbambaje le paje arə naan nan: «N-tirje kubbu nəənn ang. N-ddɔje mbari jooje se nân bba a bu wa?» Baann bba karə tar kə̂ Makəturu lə Lubba pa nəənn ddee to tar kə̂ tɔkɔrɔ. Tar le nan: «N̂-kaynje naan kubbuje ləm, ngaâ dunnje kubbu ləm kə̂ ngal n̂-ddɔje nɛ̂n mbari.» Nɛ̂ɛnn le njaa mbambaje ddaje.

Tar kə̂ Maji kə̂ Jan dda makəturu tə̂ 19:28

Goe tə̂ a, Jeju gərə to nɛ̂n tɔyn tunga mban. A karə tar kə̂ Makəturu pa le ddee to tar kə̂ tɔkɔrɔ a, n̂-pa nan: «Kunda ɔnʼm.»

Kulaje 2:23

Jeju le dunnɛ̂ dulɛ̂ jise tə̂ ddəw kâra baa kə ndu kə̂ Lubba njaa unn tokə kete ddəm nɛ̂n kə̂ Lubba gɔl ləw baa ddəm. Uwɛ̂je ilɛ̂je ji dəwje tə̂ kə̂ maji ang arəje n̂-tɔlɛ̂je kakə-dəsə tə̂.

Kulaje 28:23

Dɔjuje ndɔ darə Pɔl ngaâ ndɔ le asə a, n̂-ddeeje tokə banya dingɛ̂je lo-toe tə̂. Pɔl pa tar arəde kə əndɔɔ ndərəng lo-kul. N̂-pa tar kɔn-mbay lə Lubba narəde. Nunn tar Ndu lə Mɔyijə kə tar lə njê-kilaje mbər tar lə Lubba n̂-pa nɛ̂n tar lə Jeju karə n̂-ndikije tə̂.

Kulaje 4:28

Baann â, n̂-ddaje darə nɛ̂n tɔyn kə̂ ə-gɔl kete ddəw singa-mɔngu tə̂ ləi kə ddəw mə-ndiki tə̂ ləi le ddee to nɛ̂n kə̂ tɔkɔrɔ.

1 Kɔrɛntinyɛje 15:3

Nɛ̂n kə̂ m-tɔjuse dɔngɔr le, to nɛ̂n kə̂ əman njaa n̂-tɔjum: Kristə le oy mba majang ləje tokə makəturu lə Lubba pa kete le.