Matiye 26:14 - Dɔnɔn kə̂ Siki: Tar kə̂ aw arə təbbə

¹⁴ Goe tə̂ a, marə nje-nja go Jeju tə̂ horo marɛ̂je tə̂ kə̂ dɔku gire joo kə̂ ria nan Judas Iskariyotə aw inga mbayje lə njê-poloje Lubba

Maketuru le Lubba ke tar kabba

¹⁴ Goe te a, kara le nje-njaje-go Jeju te ke dɔku gire joo ke daw n̂-bbare na Judase Isikariyote aw inga tɔku nje-poloje Lubba,

Matiye 26:14 ပူးပေါင်းရင်းမြစ်များ

Matiye 10:4

Simɔn dəw kə̂ ndiki bbe laa nya, kə Judas Iskariyotə.

Matiye 26:25

Judas kə̂ a kilɛ̂ ji dəwje tə̂ le duje nan: «Nje-nɛ̂n-tɔju, to əman wa?» Jeju ilɛ̂ tə̂ nan: «Əi njaa ə-pa mban.»

Matiye 26:47

Jeju nayn aw pa tar bbay a, marə nje-nja goe tə̂ kâra horo marɛ̂je tə̂ kə̂ dɔku gire joo kə̂ ria nan Judas le ddee kə dəwje kə̂ banya. Duwaje tɔkə kiyaje kə kakəje jide tə̂. Mbayje lə njê-poloje Lubba kə tɔkəje lə Jiipije â ulajede.

Matiye 27:3

Judas kə̂ ila Jeju ji dəwje tə̂ le oo tar sariya-yo kə̂ n̂-gangə dɔ Jeju tə̂ le a, kəjə laa jɔkɛ̂ nya. N̂-təl kə kandə narɛ kə̂ dɔmota le narə mbayje lə njê-poloje Lubba kə tɔkəje lə Jiipije le.

Tar kə̂ Maji kə̂ Jan dda makəturu tə̂ 12:4

Marə nje-nja go Jeju tə̂ kə̂ ria nan Judas Iskariyotə kə̂ a kila Jeju ji dəwje tə̂ le pa nan:

Tar kə̂ Maji kə̂ Jan dda makəturu tə̂ 13:2

Jeju kə njê-njaje goe tə̂ disije ta nɛ̂n-kusa tə̂ lo-kul tə̂. A əsu ula kəjə kila Jeju ji dəwje tə̂ mə Judas tə̂ kə̂ to ngonn lə Simɔn Iskariyotə tokə kete mban.

Tar kə̂ Maji kə̂ Jan dda makəturu tə̂ 13:26

Jeju ilɛ̂ tə̂ nan: «Dəw kə̂ muku muru mɔru nɛ̂n maann nayn marɛ̂ a, to dəw le.» Yeenn ngaâ Jeju uku muru ɔru nɛ̂n maann nayn ngaâ arə Judas kə̂ to ngonn lə Simɔn Iskariyotə.

Tar kə̂ Maji kə̂ Jan dda makəturu tə̂ 13:30

Judas taa muru le ngaâ njangə baa njaa a tee ddaka. Lo ndul ngaa.

Tar kə̂ Maji kə̂ Jan dda makəturu tə̂ 18:2

Judas kə̂ a ta kunn dɔɛ̂ le kara gərə lo le tɔ, mba Jeju kə njê-njaje goe tə̂ n̂-mbɔnje naan lo tə̂ənn le gɔl banya nya.

Kulaje 1:16

«Ngakɔnʼmje, tar kə̂ Ndil-mə-nda unda ta Dabbiti tə̂ arə pa makəturu tə̂ lə Lubba le ddee to tar kə̂ tɔkɔrɔ ngaa. Tar le nan Judas a təl to nje-kunn nɔn dəwje kə̂ uwaje Jeju.

Kulaje 1:18

N̂-ndoko ndɔɔ kə narɛ kə̂ dukɛ̂ nɛ̂n mba nɛ̂n-dda kə̂ gatə gatə ang kə̂ n̂-dda le ngaâ n̂-tee noso mə ndɔɔ tə̂ le kə gɔsɛ̂, məɛ̂ ribba ngaâ kula-sinyɛ̂ tee tɔyn ungu ddaka.