Matiye 26:13 - Dɔnɔn kə̂ Siki: Tar kə̂ aw arə təbbə

¹³ Tɔkɔrɔ, njaa m-pa marəse, lo tɔyn kə̂ dâ kila mbər Tar kə̂ Maji nəənn kə tə̂, duninya tə̂ tɔyn, dâ pa tar nɛ̂n kə̂ dɛnɛ̂n nəənn dda le ngaâ dəwje a koleje məde dɔɛ̂ tə̂.»

Maketuru le Lubba ke tar kabba

¹³ Tɔkɔrɔ, m-pa marese, lo tɔyn ke dɔ nange te ke da kila mber Tar ke majineenn te, da pa tar ne ke dene neenn dda ngaa da kole mede dɔe te.

Matiye 26:13 ပူးပေါင်းရင်းမြစ်များ

Matiye 24:14

Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

Matiye 28:19

Yeenn a, awje rɔ gəl-dəwje tə̂ tɔyn kə̂ dɔ nangə tə̂. Ə-ddajede to njê-njaje gom tə̂ ta ə-ddajede batɛm kə ri Bɔ, ri Ngonn kə ri Ndil-mə-nda.

Marke 13:10

Mba maji karə dila mbər Tar kə̂ Maji darə dəwje tɔyn kete bba.

Marke 14:9

Tɔkɔrɔ njaa, m-pa marəse, lo tɔyn kə̂ dâ kila mbər Tar kə̂ Maji nəənn kə tə̂, duninya tə̂ tɔyn, dâ pa tar nɛ̂n kə̂ dɛnɛ̂n nəənn dda ngaâ dəwje a koleje məde dɔɛ̂ tə̂».

Marke 16:15

N̂-pa narəde nan: «Awje dɔ nangə tə̂ tɔyn, ilaje mbər Tar kə̂ Maji le arəje dəwje tɔyn.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Kulaje 10:4

Kɔrnɛy le ɛɛ̂ kə kəm bbəəl ngaâ pa nan: «Əbbə-dəwje, nan ddi wa?» Anjə le pa arɛ̂ nan: «Lubba oo duju ləi kə kuman kə̂ aw uman njê-ndooje. Məɛ̂ oy dɔi ang.

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

2 Kɔrɛntinyɛje 10:18

Dəw kə̂ maji kəm Əbbə-dəwje tə̂, to dəw kə̂ ne njaa naw pa tar kə̂ maji maji dɔ rɔɛ̂ tə̂ ang. Dəw kə̂ Əbbə-dəwje njaa pa tar dɔɛ̂ tə̂ maji bba.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.