Matiye 26:10 - Dɔnɔn kə̂ Siki: Tar kə̂ aw arə təbbə

¹⁰ Jeju gərə tar kə̂ daw pa le ngaâ pa nan: «Mba ddi bba aw jɔkuje dɛnɛ̂n nəənn wa? Nɛ̂n kə̂ maji a n̂-dda səm.

Maketuru le Lubba ke tar kabba

¹⁰ Jeju gɔn tar ke daw n̂-pa le gere ngaa pa na: «Mba ddi bba aw jɔkuje dene neenn wa? Ne ke maji a n̂-dda sem.

Matiye 26:10 ပူးပေါင်းရင်းမြစ်များ

Matiye 26:11

Njê-ndooje aw nayn kə se kə ndɔ tɔyn. A əman, mâ nayn kə se kə ndɔ tɔyn ang.

Matiye 26:9

Maji ta labbə yambo nəənn kə gatə kə̂ ngəng ta kayn narɛ̂ njê-ndooje ang wa?»

Marke 14:6

A Jeju pa arəde nan: «Inyɛ̂je ddekeke! Aw jɔkɛ̂je mba ddi wa? Nɛ̂n kə̂ n̂-dda səm nəənn to nɛ̂n kə̂ maji.

Luku 8:49

Kar tə̂ kə̂ Jeju aw pa tar bbay a, marə dəw in bbeê lə Jayirus le ddee pa arə Jayirus nan: «Ngonni le oy mban. Ə-jɔku nje-nɛ̂n-tɔju ang ngaa.»

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Galatəje 1:7

To marə Tar kə̂ Maji kə̂ dang bba to ang. Marə dəwje â aw turuje dɔse ngaâ ndikije ta turu Tar kə̂ Maji lə Kristə le.

Galatəje 5:12

Yeenn a, maji karə dəwje kə̂ aw tujuje kəjə ləse nəənn gangəje rɔde kə̂ dingaw njaa tɔyn ilaje kɔrɔ̂.

Galatəje 6:17

Bbasinɛn nəənn, m-ndiki karə dəw dda arə məje tar ang ngaa. Mba koro-doje kə̂ rɔm tə̂ tɔju to m-to dəw lə Jeju.

Epɛjinyɛje 2:10

Mba n-to dəw-kundaje lə Lubba. N̂-ddaje ddəw tə̂ lə Jeju-Kristə karə n-dda kulaje kə̂ maji kə̂ n̂-gɔl kete karə n-ddaje.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

2 Tesalonisinyɛje 2:17

n̂-ddaje darə ubbaje singa ngaâ darəse singa dda nɛ̂nje tɔyn kə̂ maji ddəw kulaje tə̂ tɔyn kə̂ aw ddaje ddəm ddəw tarje tə̂ tɔyn kə̂ aw paje ddəm.

1 Timɔte 3:1

Tar kə̂ tɔkɔrɔ â nəənn. Bbo marə dəw ndiki ta ddee to dəw kə̂ dɔ Egilisi tə̂ a, to kula kə̂ maji nya njaa â n̂-ndiki ta dda.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

2 Timɔte 2:21

D əw kə̂ inya nɛ̂n-ddaje kə̂ maji ang kə̂ m-pa tarɛ̂ nəənn a, nâ to sambe kə̂ daw ngəm mba ndɔ kusu, dâ kundɛ̂ dang mba kula lə Lubba. Əbbə-dəwje a kunnɛ̂ mba dda nɛ̂n kula, nâ to ngɔsi mba dda kulaje tɔyn kə̂ maji.

Titə 1:16

N̂-paje nan n̂-gərəje Lubba, a kula-ddade tɔju to n̂-gərəje Lubba ang. N̂-majije ang, n̂-toje to njê-dɔ-ngəngje, dasəje ta dda kula kə̂ maji kâra ang.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 3:1

Ole mə njê-mə-kunnje tɔyn arə n̂-bbəəl tɔkə mbayje kə njê-kɔn-bbeje. Maji karə dooje tade ta n̂-toje ngɔsi mba dda nɛ̂n tɔyn kə̂ maji.

Titə 3:14

Maji karə kəsə njê-mə-kunnje kara unnje rɔde tɔyn ddaje kulaje kə̂ maji. Yeenn bba bbo marə nɛ̂n du a, dâ kasəje ta karə nɛ̂nje njangə baa kuman nɛ̂n ngaâ dâ toje to dəwje kə̂ kari baa ang.

Titə 3:8

Tar nəənn to tar kə̂ asə karə dəw unda məɛ̂ dɔɛ tə̂. M-ndiki ta karə ar dɔɛ tə̂ nya, mba karə dəwje tɔyn kə̂ undaje məde dɔ Lubba tə̂ unnje rɔde mba dda kulaje kə̂ maji uta. Yeenn to nɛ̂n kə̂ kura ngaâ aw dda maji kə dəwje.

Ebərəje 13:21

Maji karə ne Lubba le narə ingaje singa ta dda nɛ̂n nɛ̂nje tɔyn kə̂ maji, bba karə ə-ddaje nɛ̂n nɛ̂n kə̂ məɛ̂ ndiki. Nɛ̂n kə̂ nəəl kəmɛ̂ tə̂ â maji karə n̂-dda məje tə̂ ddəw tə̂ lə Jeju-Kristə. Ne Jeju kə̂ piti to laa kə ndɔ kə ndɔ. Amɛnn!

1 Piyɛr 2:12

Arəje pa-nja ləse to kə majɛ̂ horo dəwje tə̂ kə̂ gərəje Lubba ang. Yeenn bba karə, bbo daw dundaje tar dɔse tə̂ baa mba marə nɛ̂n a, dâ kooje kula-ddase kə̂ maji ngaâ dâ kɔsuje nɛ̂n gaji Lubba ndɔ tə̂ kə̂ nâ tee dɔde tə̂.