Matiye 25:10 - Dɔnɔn kə̂ Siki: Tar kə̂ aw arə təbbə

¹⁰ Kar tə̂ kə̂ dawje ta ndoko a, nje-taa dɛnɛ̂n le tee. Njê kə̂ gɔlje rɔde kete le andəje saa kəy kusu taa-naan tə̂ ngaâ dutu ta-kəy le.

Maketuru le Lubba ke tar kabba

¹⁰ A kare ke dawje ta ndoko a, nje-taa-dene le tee. Nje ke mɔseje rɔde kete le andeje saa me key-kusu taa-naa te, ngaa dutu ta-key le.

Matiye 25:10 ပူးပေါင်းရင်းမြစ်များ

Matiye 24:42

«Yeenn a, arje dɔ gɔlse tə̂, mba ə-gərəje ndɔ kə̂ Əbbəsese a ddee nɛ̂n ang.

Matiye 24:43

Ə-gərəje kə majɛ̂: Bbo nje-kəy gərə kar kə̂ nje-bboko a ta ddee nɛ̂n til tə̂ a, nâ ngəm ta-kəy bbo nâ kinya nje-bboko le karə andə kəy laa ang.

Matiye 24:44

Mba yeenn bba, sese kara arje dɔ gɔlse tə̂, mba Ngonn lə dəw a ddee kə kar kə̂ aw əjəje to nâ ddee nɛ̂n le ang.»

Matiye 25:6

Kar kə̂ lo mɔngu a, marə dəw ila ko nan: ‹Nje-taa dɛnɛ̂n le aw ddee ngaa bbo! Ə-teeje, ə-tilaje kəmɛ̂ bbo!›

Matiye 7:21

«Dəwje tɔyn kə̂ aw bbarəmje nan: ‹Əbbə-dəwje! Əbbə-dəwje!› Dede tɔyn â dâ kandəje Bbe-kɔn tə̂ kə̂ darâ ang. Bbayɛ̂ njaa to dede kə̂ n̂-ddaje nɛ̂n kə̂ mə Bɔmje kə̂ isi darâ ndiki.

Luku 12:35

«Maji karə kubbu dda kula ləse nayn rɔse tə̂. Arəje puru lambe ləse oy ang.

Luku 13:25

«Bbo nje-kəy in utu ta-kəy a, â naynje ddaka. Ngaâ bbo unnje kutu kunda ta-kəy ta pa nan: ‹Əbbə-dəwje, ɔru ta-kəy arəje!› A nâ kilase tə̂ nan: ‹M-gərə lo kə̂ inje tə̂ ang.›

Kolosinyɛje 1:12

Maji karə arəje wooyo Lubba kə̂ Bɔ kə rɔ-nəəl. Ne â n̂-dda narə asəje ta kinga nɛ̂nje kə̂ maji kə̂ to ɔju dɔ dəwje laa lo-karɛ tə̂.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

Apokalisi 1:7

Ooje, naw ddee mə mum tə̂! Dəwje tɔyn a kooeje. Njê kə̂ ɔsɛ̂je kə ninga njaa kara a kooeje tɔ. Gəl-dəwje tɔyn a nɔnje mbɛɛ̂. A to tokə baann njaa! Amɛnn.

Apokalisi 19:7

N-ddaje rɔ-nəəl, jarəje rɔje nəəlje, n-piteje, mba kar kusu taa-naan lə Ngonn batə le asə ngaa, dɛnɛ̂n laa le gɔl rɔɛ̂ mban.

Apokalisi 22:20

Dəw kə̂ pa tar-naji nɛ̂nje nəənn le, pa nan: «Tɔkɔrɔ, maw ddee ngɔsi baa.» Amɛnn! Ə-ddee, Əbbə-dəwje Jeju!