Matiye 25:1 - Dɔnɔn kə̂ Siki: Tar kə̂ aw arə təbbə

¹ «Yeenn a, Bbe-kɔn kə̂ darâ a to tokə tar lə marə ngann mandəje dɔku kə̂ otoje lambeje ləde ta kaw tila nɛ̂n kəm dingaw kə̂ nje-taa dɛnɛ̂n.

Maketuru le Lubba ke tar kabba

¹ «Yeenn a, Bbe-kɔn ke darâ a to ddew kara baa toke tar le mare ngamandeje dɔku ke jinje lambeje lede ta kaw tila ne kem dingaw ke a ta taa dene.

Matiye 25:1 ပူးပေါင်းရင်းမြစ်များ

Matiye 13:24

Jeju təl pa marə gusu-tar arəde nan: «Bbe-kɔn kə̂ darâ to kâra baa kə dəw kə̂ dubbu kandə-ko kə̂ maji mə ndɔɔ tə̂ laa.

Matiye 13:31

Jeju təl pa marə gusu-tar arəde bbay nan: «Bbe-kɔn kə̂ darâ to kâra baa kə kandə-ko kə̂ ria nan mutardə kə̂ dəw dubbu mə ndɔɔ tə̂ laa.

Matiye 13:38

Ndɔɔ le to duninya nəənn. Ko kə̂ maji le to dəwje kə̂ mə Bbe-kɔn tə̂ le. A mu kə̂ maji ang le to dəwje kə̂ toje to lə Nje-mə-majang.

Matiye 13:47

«Bbe-kɔn kə̂ darâ to kâra baa tɔ kə ddəngə kə̂ dila ba-katə tə̂ ngaâ uwa kanjije dang dang.

Matiye 20:1

«Tar Bbe-kɔn kə̂ darâ to tokə tar lə marə nje-ndɔɔ kə̂ tee kə əndɔɔ baa mba sangə dəwje karə aw ndɔɔ binyə tə̂ laa.

Matiye 22:2

«Tar Bbe-kɔn kə̂ darâ to kâra baa kə tar nəənn: Marə tɔkə mbay dda kusu taa-naan lə ngonnɛ̂ kə̂ dingaw.

Matiye 25:7

«Yeenn ngaâ ngann mandəje le tɔyn ndolje ngaâ unnje kutu gɔl lambeje ləde.

Matiye 3:2

N̂-pa nan: «Ə-turuje məse nyɔm, mba kɔn-mbay kə̂ darâ ddee ngɔsi ngaa.»

Matiye 5:16

Ddəw kâra baa, arəje ndoko ləse to kəm dəwje tə̂ tɔyn. Yeenn bba dâ koo kula-ddase kə̂ maji ngaâ dâ kɔsu nɛ̂n gaji Bɔsese kə̂ isi darâ.»

Matiye 9:15

Jeju ilade tə̂ nan: «Əjəje to dəwje kə̂ n̂-bbarde kusu taa-naan tə̂ a kɔkuje rɔde nɛ̂n-kusa kar tə̂ kə̂ nje-dɛnɛ̂n le isi kə de wa? Baann ang. Marə ndɔje aw ddee kə̂ dâ kunn nje-dɛnɛ̂n le kə ddang. Yeenn a, dâ kɔkuje rɔde nɛ̂n-kusa bbay.»

Tar kə̂ Maji kə̂ Jan dda makəturu tə̂ 18:3

Judas ɔru nɔn mbambaje kə̂ dɔde banya kə marə njê-ngəmje ta-kəy-polo Lubba kə̂ tɔkə njê-poloje Lubba kə Parijinyɛje ulajede ngaâ naw kə de mə ngonn ndɔɔ tə̂ le. Dawje kə puru-ngeelje kə lambeje kə nɛ̂n-ddɔje jide tə̂.

Tar kə̂ Maji kə̂ Jan dda makəturu tə̂ 3:29

Dəw kə̂ ee kə dɛnɛ̂n, to nje-dɛnɛ̂n le. A dəw kə̂ to nje-buwa-kura lə nje-dɛnɛ̂n le isi mbɔrɛ̂ tə̂. Naw noo tar laa ngaâ rɔɛ̂ nəəle nya mba ndue kə̂ naw noo le. Rɔ-nəəl nəənn le to ləm tɔ. To rɔ-nəəl kə̂ bo nya.

Kulaje 20:8

Lambeje toje nya mə kəy tə̂ kə̂ to dɔ marɛ̂ tə̂ taar kə̂ n-mbɔn naan tə̂ le.

1 Kɔrɛntinyɛje 11:2

Mɔsu gajise mba aw oleje məse dɔm tə̂ kə ndɔ tɔyn ddəm aw ngəmje nɛ̂nje kə̂ m-tɔjuse kə ddəwe ddəm.

2 Kɔrɛntinyɛje 11:2

Maw mayn jangə dɔse tə̂ tokə Lubba aw ayn jangə dɔse tə̂ le. M-dda mɔrɔ ləse marə dingaw kâra baa kə̂ to Kristə. M-ndiki ta ddee kə se nɔɛ̂n tə̂ tokə ngonn mandə kə̂ gərə ngaw ang bbay kə̂ aw ngəm rɔɛ̂.

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Apokalisi 14:4

Dede le dulaje rɔde nɛ̂n-yərəw tə̂ ddəw tə̂ lə dɛnɛ̂nje ang, mba n̂-gərəje dɛnɛ̂n ang. Daw dunnje go Ngonn batə le loje tə̂ tɔyn kə̂ naw naw tə̂. Lubba uka dɔde horo dəwje tə̂ karə n̂-ddeeje to dɔngɔr dəwje laa ddəm lə Ngonn batə le ddəm.

Apokalisi 19:7

N-ddaje rɔ-nəəl, jarəje rɔje nəəlje, n-piteje, mba kar kusu taa-naan lə Ngonn batə le asə ngaa, dɛnɛ̂n laa le gɔl rɔɛ̂ mban.

Apokalisi 21:2

Ngaâ moo tɔkə bbe kə̂ maji tɔyn kə̂ to Jerujalɛm kə̂ siki kə̂ in rɔ Lubba tə̂ darâ aw ddisi. Tɔkə bbe le to tokə lə dɛnɛ̂n kə̂ dda mandə ngaâ ar dɔgɔlɛ̂ tə̂ aw nginan ngawɛ̂je.

Apokalisi 21:9

Goe tə̂ a, anjə kâra horo njê kə̂ siri tə̂ kə̂ uwaje əngo nɛ̂n kəm-to-ndooje kə̂ siri jide tə̂ le ddee pa arəm nan: «Ə-ddee arə m-tɔji nje-ngaw le, dɛnɛ̂n lə Ngonn batə le.»

Apokalisi 4:5

Təəl lə ndi, kɔru nɛ̂nje kə ndangə lə ndi inje ngende-mbay tə̂ kə̂ to dannâ le aw teeje. Puru-ngeelje siri kə̂ aw ɔnje kə singa toje nɔn ngende-mbay tə̂ le. Puru ngeeljeenn le toje to ndilje lə Lubba kə̂ siri le.

Apokalisi 8:10

Anjə kə̂ to mota laa to təbbə laa. A marə tɔkə əndɛtɛrɛndɛn kə̂ aw ɔn puru tokə puru-ngeel in darâ oso. Bbo n̂-kayn horo baje kə̂ dɔ nangə tə̂ loe mota a, əndɛtɛrɛndɛn le oso dɔ dəbbə ba tə̂ le kâra ddəm loje tə̂ kə̂ maannje aw inje tə̂ aw teeje ddəm.