Matiye 24:9 - Dɔnɔn kə̂ Siki: Tar kə̂ aw arə təbbə

⁹ «Yeenn ngaâ dâ kuwase karə dəwje ulaje kəmse ndoo tə̂ ngaâ dâ tɔlse. Gəl-dəwje tɔyn a mbətəse mbam.

Maketuru le Lubba ke tar kabba

⁹ Yeenn ngaa da kuwase kare dewje ula kemse ndoo ngaa da tɔlse. Gel-dewje tɔyn a mbetese wɔju dɔm.

Matiye 24:9 ပူးပေါင်းရင်းမြစ်များ

Matiye 22:6

A marɛ̂je uwaje ngann njê-kulaje le ddajede maji ang ngaâ tɔljede.

Matiye 23:34

Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Luku 11:49

Mba yeenn bba Lubba pa tar ddəw kəm-karɛ tə̂ laa nan: ‹Mâ kula njê-kilaje mbər tar kə njê-kaw-kulaje karəde. Dâ tɔl marɛ̂je ngaâ dâ kula kəm marɛ̂je ndoo tə̂.›

Luku 21:12

«A dɔngɔr bba karə nɛ̂njeenn teeje le, dâ kuwase ngaâ dâ kula kəmse ndoo tə̂, dâ kilase ji dəwje tə̂ kəy mbɔn-naan tə̂, dâ kilase kəy-kula tə̂, dâ kaw kə se nɔn tɔkə mbayje tə̂ kə nɔn ngann mbayje tə̂ mbam.

Tar kə̂ Maji kə̂ Jan dda makəturu tə̂ 15:18

«Bbo dəwje kə̂ duninya tə̂ mbətəjese a, maji karə ə-gərəje to n̂-mbətəmje kete darəse.

Tar kə̂ Maji kə̂ Jan dda makəturu tə̂ 15:21

«Dâ ddaje nɛ̂njeenn tɔyn kə se mba rim, mba n̂-gərəje dəw kə̂ ulam ang.

Tar kə̂ Maji kə̂ Jan dda makəturu tə̂ 16:2

Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 7:59

Kar tə̂ kə̂ daw tilaje Etiyɛnn kə ər le a, Etiyɛnn le duju Lubba nan: «Əbbəmje Jeju, ə-taa kəwn ləm.»

1 Piyɛr 4:16

A bbo dəw oo ndoo mba ddee kə̂ n̂-ddee to dəw lə Kristə a, narə rɔ-kul ddɛɛ̂ ang. Maji karə nɔsu gaji Lubba mba ri Kristə kə̂ to dɔɛ̂ tə̂ le.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.

Apokalisi 2:13

M-gərə lo kə̂ ə-dda bbe tə̂ kə majɛ̂: Ngende-mbay lə Satan to tə̂ənn. A dɔ ndɔ tə̂ kə̂ n̂-tɔl nɛ̂n Antipas kə̂ to nje-tar-naji ləm kə̂ gatə gatə bbeê ləse kə̂ Satan dda bbe tə̂ le njaa kara ə-nayn gom tə̂ nyɔm bbo ə-tusu məi kə̂ unn arəm le inya ang.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.