Matiye 24:5 - Dɔnɔn kə̂ Siki: Tar kə̂ aw arə təbbə

⁵ Mba dəwje nya a ddeeje kə rim ngaâ dâ paje nan: ‹Əman â m-to Kristə le› ngaâ dâ kərəje dəwje nya.

Maketuru le Lubba ke tar kabba

⁵ Mba dewje nya nya a ddeeje ke rim ngaa da paje na: ‹Ema m-to Mesi le›. Ngaa da kereje dewje nya.

Matiye 24:5 ပူးပေါင်းရင်းမြစ်များ

Matiye 24:11

Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Tar kə̂ Maji kə̂ Jan dda makəturu tə̂ 5:43

Əman, m-ddee kə ri Bɔmje, a ə-taamje kə rɔse tə̂ ang. A bbo marə dəw ddee kə ria njaa a, ə-tɛɛ̂je kə rɔse tə̂.

Tar kə̂ Maji kə̂ Jan dda makəturu tə̂ 8:24

Mba yeenn bba, m-pa marəse m-pa nan, a koyje mə majangje tə̂ ləse. Mba, Əman, ‹M-to›, â bbo ooje nɛ̂n məse tə̂ ang a, â koyje mə majangje tə̂ ləse.»

Tar kə̂ Maji kə̂ Jan dda makəturu tə̂ 8:28

Yeenn ngaâ Jeju pa arəde nan: «Bbo ə-tɔje Ngonn lə dəw kakə tə̂ ə-lɛ̂je kə taar a, â gərəje to ‹Əman, M-to›. Â gərəje to m-dda nɛ̂n kâra kə dɔm baa ang, nɛ̂n kə̂ Bɔ tɔjum njaa â maw pa.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 2:22

Nân bba to nje-ngəm wa? Nje-ngəm to dəw kə̂ mayn nan Jeju to Kristə ang. Dəw kə̂ baann le to nje-baan lə Kristə. N̂-mbətə Bɔ ddəm Ngonn ddəm.

1 Jan 4:3

Dəw kə̂ mayn nan Jeju unn da-rɔ dəw ang, ndil kə̂ in rɔ Lubba tə̂ ang â to məɛ̂ tə̂. Ndil kə̂ to məɛ̂ tə̂ le to ndil lə nje-baan lə Kristə kə̂ ooje tar laa nan nâ ddee le, a bbasinɛn nee dɔ nangə tə̂ ngaa.

Apokalisi 13:8

Dəwje tɔyn kə̂ dɔ nangə tə̂ a poloje da kə̂ in mə ba-katə tə̂ tee le. To njê kə̂ ləw baa kə̂ Lubba dda duninya, ride goto makəturu təbbə tə̂ lə Ngonn Batə kə̂ n̂-tɔlɛ̂ to nɛ̂n-polo le.