Matiye 24:37 - Dɔnɔn kə̂ Siki: Tar kə̂ aw arə təbbə

³⁷ Ndɔ ddee lə Ngonn lə dəw le, nɛ̂nje a toje tokə dɔ ndɔ tə̂ lə Nowe.

Maketuru le Lubba ke tar kabba

³⁷ Ndɔ tee le Ngonn le dew a to ddew kara baa ke neje ke teeje ndɔ te le Noe.

Matiye 24:37 ပူးပေါင်းရင်းမြစ်များ

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 24:27

Ngonn lə dəw a ddee tokə ndi kə̂ təəl kə̂ ndoko laa in kəm kar tə̂ ndərəng uru lo kə̂ kar aw andə tə̂.

Matiye 24:3

Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 24:39

Dəjəje marə nɛ̂n kâra ang ndərəng ndɔ tə̂ kə̂ maann ndi taa lo ngaâ uwade tɔyn aw kə de. Ndɔ ddee lə Ngonn lə dəw a to tokə baann tɔ.

Ebərəje 11:7

Ddəw mə-kunn tə̂ â Nowe oo tar nɛ̂nje kə̂ a ta ddeeje kə̂ Lubba pa arɛ̂. Yeenn bba, noo tar kə̂ Lubba pa arɛ̂ le to tar kə̂ tɔkɔrɔ ngaâ n̂-dda tɔkə to ta kaji nɛ̂n njê kə̂ laa. Nɛ̂n kə̂ n̂-dda le tɔju to nɛ̂n-dda lə dəwje kə̂ dɔ nangə tə̂ to nɛ̂n-dda kə̂ maji ang. Lubba ooe kəmɛ̂ tə̂ to dəw kə̂ gatə gatə mba mə-kunn laa.

2 Piyɛr 2:5

Dəwje kə̂ duninya tə̂ kə̂ ləw toje to njê-nɛ̂n-ddaje kə̂ maji ang le Lubba inyade arə disije ddekeke ang tɔ. Kar tə̂ kə̂ narə maann uwade le, Nowe kə̂ aw ila mbər nɛ̂n-dda kə̂ gatə gatə le â najɛ̂, ne de kə marə dəwje siri.

2 Piyɛr 3:6

Ddəw maann tə̂ le njaa tɔ â, dɔ nangə kə ləw tuju. Maann taa dɔ nangə le.