Matiye 24:3 - Dɔnɔn kə̂ Siki: Tar kə̂ aw arə təbbə

³ Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»

Maketuru le Lubba ke tar kabba

³ Toke Jeju isi dɔ ddingiri Olibeje te a, nje-njaje goe te ddeeje ke karede baa dujeje na: «Ndɔ ddi njaa bba nejeenn le a toje ne wa? Ngaa ddi bba ja gere ne kare ddee lei ddem, ddutu ndɔ le ddem wa?»

Matiye 24:3 ပူးပေါင်းရင်းမြစ်များ

Matiye 13:36

Yeenn ngaâ Jeju inya dəwje kə̂ banya le ngaâ aw kə̂y. Njê-njaje goe tə̂ awje ngɔsi saa ngaâ paje arɛ̂je nan: «Ɔru gəl gusu-tar kə̂ dɔ mu tə̂ kə̂ maji ang le arəje joo.»

Matiye 13:49

Nɛ̂ɛnn a to tokə baann ddutu ndɔ tə̂ tɔ. Anjəje a ddeeje ta kɔru kəm dəwje kə̂ maji ang kə dəwje kə̂ gatə gatə,

Matiye 15:12

Goe tə̂ a, njê-njaje goe tə̂ ddeeje rɔɛ̂ tə̂ paje arɛ̂je nan: «Tar kə̂ ə-pa le ti wur Parijinyɛje le nya le ə-gərə njaa wa?»

Matiye 16:27

Mba Ngonn lə dəw a ddee mə piti tə̂ lə Bɔɛ̂je kə anjəje laa. Nâ kuka dəw kâra kâra asə kula-ddɛɛ̂.

Matiye 16:28

Tɔkɔrɔ njaa, m-pa marəse: Marə dəwje horo dəwje tə̂ kə̂ arje nəənn a koyje ang ndərəng dâ kooje Ngonn lə dəw kə̂ a ddee ta kɔn-mbay.»

Matiye 17:19

Goe tə̂ a, njê-njaje go Jeju tə̂ le ddeeje rɔɛ̂ tə̂, dede kə karəde baa saa bba n̂-dujeje nan: «Mba ddi bba jeje juman kə tubba ndil le pin wa?»

Matiye 21:1

Jeju kə njê-njaje goe tə̂ daw dawje kə Jerujalɛm ngaâ n̂-teeje ngɔsi kə bbe kə̂ Betepaje dɔ ddingiri Olibəje tə̂ a, Jeju ula njê-njaje goe tə̂ joo nɔɛ̂n tə̂ kete.

Matiye 24:27

Ngonn lə dəw a ddee tokə ndi kə̂ təəl kə̂ ndoko laa in kəm kar tə̂ ndərəng uru lo kə̂ kar aw andə tə̂.

Matiye 24:30

Yeenn ngaâ nɛ̂n kə̂ a tɔju karə dəwje gərəje nɛ̂n təl lə Ngonn lə dəw a kubba mə dara tə̂. Dəwje tɔyn kə̂ duninya tə̂ a nɔnje. Dâ kooje Ngonn lə dəw kə̂ a ddee mə mum tə̂ kə singa-mɔngu nya ddəm kə piti nya ddəm.

Matiye 24:37

Ndɔ ddee lə Ngonn lə dəw le, nɛ̂nje a toje tokə dɔ ndɔ tə̂ lə Nowe.

Matiye 24:39

Dəjəje marə nɛ̂n kâra ang ndərəng ndɔ tə̂ kə̂ maann ndi taa lo ngaâ uwade tɔyn aw kə de. Ndɔ ddee lə Ngonn lə dəw a to tokə baann tɔ.

Matiye 24:43

Ə-gərəje kə majɛ̂: Bbo nje-kəy gərə kar kə̂ nje-bboko a ta ddee nɛ̂n til tə̂ a, nâ ngəm ta-kəy bbo nâ kinya nje-bboko le karə andə kəy laa ang.

Matiye 28:20

Ə-tɔjujede arəje n̂-ddaje nɛ̂n kə turu nduje tɔyn kə̂ munn marəse. Ooje, mâ nayn kə se kə ndɔ tɔyn ndərəng ddutu ndɔ tə̂.»

Luku 21:7

Dəwje le dujeje nan: «Nje-nɛ̂n-tɔju, ndɔ kə̂ dda bba nɛ̂ɛnn le a to wa? Ddi bba a tɔjuje to nɛ̂njeenn le a toje wa?»

Kulaje 1:7

Jeju ilade tə̂ nan: «To tar ləse ta gərə ndɔɛ̂ wase karɛ̂ ang. Mba Bɔy â ɔju ndɔɛ̂ kə karɛ̂ le ddəw singa tə̂ laa njaa.

Ebərəje 9:26

Mba bbo tokə baann a, nâ koo ndoo koy nɛ̂n gɔl banya nya, kunn-kute tə̂ kə̂ Lubba dda nɛ̂n duninya. A bbasinɛn nəənn, ddutu ndɔje tə̂ nəənn, Kristə ddee gɔl kâra baa to dɔbɔyn. Nunn rɔɛ̂ njaa narə to nɛ̂n-polo ta kɔru nɛ̂n majang kə ddang.