Matiye 24:22 - Dɔnɔn kə̂ Siki: Tar kə̂ aw arə təbbə

²² Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Maketuru le Lubba ke tar kabba

²² Toke Lubba tel ke ndɔ nejeenn le are nayn ngaji baa ang a, dew kara a kinga kaji ang. A na tel ke ndɔ nejeenn le kare nayn ngaji baa wɔju dɔ dewje ke n̂-mberede toke kete.

Matiye 24:22 ပူးပေါင်းရင်းမြစ်များ

Matiye 22:14

Ta kutu nɛ̂n dɔ tar le a, Jeju pa nan: «Tɔkɔrɔ, Lubba bbar dəwje tokə banya njaa, a njê kə̂ n̂-mbərəde banya ang.»

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:31

Tɔkə təbbə-narɛ a bbar ngaâ Ngonn lə dəw a kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Marke 13:20

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete.

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Rɔmɛnje 9:11

Lubba njaa gɔl ddəw kə̂ naw mbərə nɛ̂n dəwje. N̂-mbərə dəwje mba bbar kə̂ n̂-bbarde bbo mba kula-ddade ang. Ta tɔju dəwje to n̂-to gatə gatə ddəw nɛ̂n tə̂ kə̂ n̂-gɔl ta dda le, Lubba le pa arə Rebeka kar tə̂ kə̂ n̂-nayn nuju nɛ̂n ang bbay ngaâ ngannɛ̂ le nayn ddaje maji wase majang ang bbay nan: «Ne kə̂ tɔkə nâ to nje-kula lə ne kə̂ mbatə.»

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

1 Piyɛr 1:1

Əman Piyɛr, nje-kaw-kula lə Jeju-Kristə, m-dda makəturu nəənn mula nɛ̂n marə dəwje kə̂ Lubba mbərəde, kə̂ sarɛnje naan ngaâ isije dang dang to njê-mbaje, nangə tə̂ kə̂ Pɔn, nangə tə̂ kə̂ Galasi, nangə tə̂ kə̂ Kapados, nangə tə̂ kə̂ Aji kə nangə tə̂ kə̂ Bitini.