Matiye 24:15 - Dɔnɔn kə̂ Siki: Tar kə̂ aw arə təbbə

¹⁵ «Â kooje ‹nɛ̂n kə̂ maji ang kə̂ aw tuju lo› kə̂ to lo tə̂ kə̂ n̂-sangə dang mba Lubba, nɛ̂n kə̂ Daniyɛl kə̂ to tɔkə nje-kila mbər tar lə Lubba ila mbəre le. Maji karə dəw kə̂ aw tura Makəturu nəənn gərə kandɛ̂ kə majɛ̂!

Maketuru le Lubba ke tar kabba

¹⁵ «A kooje ‹ne ke maji ang ke aw tuju lo› le lo te ke maji-tɔyn, ddew kara baa toke nje-kila mber-tar le Lubba Daniel ila mbere le. - Maji kare dew ke aw tura Maketuru neenn le gere kande ke maje-

Matiye 24:15 ပူးပေါင်းရင်းမြစ်များ

Matiye 24:16

Yeenn bba, maji karə dəwje kə̂ isije nangə Jude tə̂ aynje ər kə dɔ ddingirije tə̂.

Marke 13:14

«Â kooje ‹nɛ̂n kə̂ maji ang kə̂ aw tuju lo› kə̂ isi lo tə̂ kə̂ n̂-sangə dang mba Lubba, lo kə̂ asə karə nisi tə̂ ang. Maji karə dəw kə̂ aw tura makəturu nəənn gərə kandɛ̂ kə majɛ̂! Karɛ̂ tə̂ənn, maji karə dəwje kə̂ isije nangə Jude tə̂ aynje ər kə dɔ ddingirije tə̂.

Luku 19:43

Mba marə ndɔje aw ddeeje kə̂ njê-baanje ləi a kila ndoko guku nɛ̂n dɔi, dâ kiri dɔi ngaâ dâ korei kə yo kə nɛ̂n.

Luku 21:20

«Bbo ooje njê-ddɔje gukuje dɔ bbe kə̂ Jerujalɛm a, ə-gərəje to kar kə̂ dâ tuju nɛ̂n Jerujalɛm ddee ngɔsi.

Tar kə̂ Maji kə̂ Jan dda makəturu tə̂ 11:48

Bbo jinyɛ̂je jarə naw nɛ̂n bbay bbay a, dəwje tɔyn a kooje məde tə̂ saa ngaâ njê-kɔn-bbeje kə̂ Rɔm a kinje, dâ tujuje kəy-polo Lubba ləje ddəm dâ karə gəlje tunga ddəm.»

Kulaje 21:28

N̂-paje kə taar nan: «Ngann Ijarayɛlje, ə-ddeeje bbo! Ne le â nar nəənn! Dəw kə̂ aw tɔju nɛ̂n dəwje tɔyn loje tə̂ tɔyn mbətə nɛ̂n dəwje ləje ddəm Ndu lə Mɔyijə ddəm kəy-polo Lubba ddəm le. Gɛrɛkəje kara n̂-ddee kə de kəy-polo Lubba tə̂ nəənn narə lo nəənn kə̂ maji tɔyn le ddee to lo kə̂ maji ang.»

Kulaje 6:13

N̂-ddeeje kə njê-tar-najije kə̂ toje to njê-ngəmje darə paje nan: «Kə ndɔ tɔyn njaa dingaw nəənn aw pa tar kə̂ maji ang dɔ Kəy-polo Lubba tə̂ kə̂ maji tɔyn ddəm dɔ Ndu tə̂ kə̂ Lubba arə Mɔyijə ddəm.

Ebərəje 2:1

Mba yeenn bba, maji karə juwaje tarje kə̂ joo le jarə ngəng. Baann ang a, ja ndəəmje ddəw.

Apokalisi 1:3

Maji arə dəw kə̂ tura makəturu nəənn. Maji arəde, de dəwje kə̂ dooje tarje kə̂ Lubba tee nɛ̂n kə ddaka nəənn ngaâ n̂-ngəmje tarje kə̂ n̂-dda makəturu tə̂ le. Mba kar kə̂ nɛ̂njeenn le a teeje nɛ̂n le nayn ngɔsi.

Apokalisi 3:22

«Dəw kə̂ mbia to a, maji karə noo tar kə̂ Ndil-mə-nda pa arə Egilisije.»