Matiye 24:14 - Dɔnɔn kə̂ Siki: Tar kə̂ aw arə təbbə

¹⁴ Dâ kila mbər Tar kə̂ Maji kə̂ dɔ Bbe-kɔn tə̂ kə̂ darâ duninya tə̂ tɔyn karə gəl-dəwje tɔyn ooje. Goe tə̂ ngaa bba, a to dɔbɔyn nɛ̂n.»

Maketuru le Lubba ke tar kabba

¹⁴ Da kila mber Tar ke maji ke wɔju dɔ Bbe-kɔn ke darâ dɔ nange te tɔyn kare gel-dewje tɔyn ooje. Goe te ngaa bba a to dɔbɔyn ne.»

Matiye 24:14 ပူးပေါင်းရင်းမြစ်များ

Matiye 10:7

Kar kaw ləse a, ilaje mbər kə ddəw ddəw ə-paje nan: Bbe-kɔn kə̂ darâ nayn ngɔsi ngaa.

Matiye 18:19

«Tɔkɔrɔ, m-təl m-pa marəse, nɛ̂n tɔyn kə̂ dəwje joo horose tə̂ ddaje mə-kâra dɔ nangə tə̂ nəənn mba duju ji Bɔmje tə̂ kə̂ isi darâ, nâ karəde.

Matiye 24:3

Jeju isi dɔ ddingiri Olibəje tə̂. A njê-njaje goe tə̂ ddeeje kə karəde baa dujeje nan: «Ndɔ kə̂ dda bba nɛ̂njeenn a toje wa? Ddi bba ja gərə nɛ̂n kar ddee ləi ddəm ddutu ndɔ le ddəm wa?»

Matiye 24:6

A kooje tar ddɔje kə̂ aw ddee ngɔsi kə tar ddɔje kə̂ nayn ddəw əw. A arəje bbəəl uta dɔse ang. Maji karə nɛ̂njeenn le toje bba. A, a to ddutu ndɔ ang bbay.

Matiye 4:23

Jeju nja nangə tə̂ kə̂ Galile tɔyn. Naw tɔju nɛ̂n dəwje mə kəy mbɔn-naanje tə̂ lə Jiipije kə̂ nangə tə̂ənn ngaâ nila mbər Tar kə̂ Maji kə̂ dɔ Bbe-kɔn tə̂ lə Lubba. Naji njê-rɔ-toje tɔyn ngaâ naji njê kə̂ dəbbə rɔde tuju narə rɔde le təl ddee maji.

Matiye 9:35

Jeju nja mə tɔkə bbeje tə̂ kə mə ngann bbeje tə̂ tɔyn. N̂-tɔju nɛ̂n kəy mbɔn-naanje tə̂ lə Jiipije, nila mbər Tar kə̂ Maji dɔ kɔn-mbay tə̂ lə Lubba. Naji njê-rɔ-toje tɔyn ngaâ naji dəwje kə̂ dəbbə rɔde tuju narə rɔde ddee maji.

Marke 13:10

Mba maji karə dila mbər Tar kə̂ Maji darə dəwje tɔyn kete bba.

Luku 2:1

Bbalɛ̂ tə̂ənn, tɔkə mbay Ogustə unn ndu karə dəwje tɔyn undaje ride makəturu tə̂ mba gərə nɛ̂n kɔr dəwje kə̂ isije nangə tə̂ lə Rɔmɛnje.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Luku 4:5

Əsu aw saa dɔ ddingiri tə̂ kə̂ ndəw ngaâ njangə baa njaa tɔjɛ̂ bbe-kɔnje tɔyn kə̂ duninya tə̂.

Kulaje 1:2

ndərəng ndɔ tə̂ kə̂ Lubba unnɛ̂ təl saa darâ. Kete bba karə Lubba təl saa darâ le, nunn ndu ddəw tə̂ lə Ndil-mə-nda narə njê-kaw-kulaje kə̂ n̂-mbərəde.

Kulaje 11:28

Ndil unda tar ta marɛ̂ tə̂ kâra kə̂ ria nan Agabus. Nin taar ngaâ n̂-pa nan: «Marə ndɔ a, tɔkə bbo a koso dɔ nangə tə̂ tɔyn.» A tɔkɔrɔ njaa bbo le oso dɔ ndɔ tə̂ kə̂ Kolodə to nɛ̂n to tɔkə mbay.

Kulaje 17:31

Mba nɔju ndɔ kə̂ nâ karə dəw kə̂ n̂-mbəre gangə nɛ̂n sariya kə̂ to gatə gatə dɔ dəwje tə̂ tɔyn kə̂ dɔ nangə tə̂. Narə dəw le oy, a ndol bba ta tɔju karə dəwje tɔyn to ne njaa n̂-mbəre.»

Kulaje 17:6

Dingaje Pɔl de kə Silas le ang ngaâ duwaje Jasɔn kə marə njê-mə-kunnje dawje kə de nɔn njê-kɔn-bbeje tə̂ ngaâ n̂-paje kə taar nan: «Dəwje nəənn tujuje lo tɔyn kə̂ dɔ nangə tə̂, a bbasinɛn n̂-teeje nəənn ngaa.

Kulaje 19:27

Tar nəənn, kula ləje kâra baa â ria a tuju ang. Kəy-polo kɔr lə Artemis kə̂ to tɔkə kɔr kə̂ dɛnɛ̂n kə̂ ria aw bbar nya ngaâ dəwje aw poleje nangə tə̂ kə̂ Aji kə kəsə loje tə̂ tɔyn le a təl to nɛ̂n ang kəm dəwje tə̂ tɔ.»

Kulaje 20:25

«M-nja horose tə̂ tɔyn mila mbər tar kɔn-mbay lə Lubba. A bbasinɛn nəənn m-gərə to â təlje kooje kəm ang ngaa.

Rɔmɛnje 10:18

Yeenn a, m-duju ta koo: Jiipije le ooje tar kə̂ dila mbəre le ang wa? Dooje tar le njaa. Makəturu lə Lubba pa nan: «Dəwje ooje ndu njê-kilaje mbər le dɔ nangə tə̂ tɔyn, dəwje kə̂ eeje kɔyn nangə tə̂ kara ooje tar le tɔ.»

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

Ebərəje 1:6

A kar tə̂ kə̂ Lubba aw ula ngonn-dəre dɔ nangə tə̂ le, n̂-pa nan: «Maji karə anjəje lə Lubba tɔyn poleje.»

Ebərəje 2:5

Duninya kə̂ bara kə̂ jaw pa tarɛ̂ nəənn le, anjəje â Lubba arəde singa mba kɔn dɔɛ̂ ang.

Apokalisi 14:6

Goe ta a, moo marə anjə dang aw ila mə dara tə̂ taar nu. Tar kə̂ Maji kə̂ to kə ndɔ kə ndɔ to ta karə n̂-pa narə dəwje kə̂ dɔ nangə tə̂: Dəwje kə̂ gəlde dang dang tɔyn, dəwje kə̂ gəl-kujude dang dang, dəwje kə̂ ndɔn-tarje ləde dang dang kə dəwje kə̂ bbeje tə̂ dang dang tɔyn.

Apokalisi 16:14

To ndilje kə̂ maji ang kə̂ aw ddaje nɛ̂n-mɔrije. Dawje ta kinga tɔkə mbayje kə̂ dɔ nangə tə̂ tɔyn ta mbɔnde nginan nɛ̂n ddɔ kə̂ tɔkə ndɔ tə̂ lə Lubba kə̂ nje-singa-mɔngu.

Apokalisi 3:10

Ə-ngəm ndəjə ləm kə̂ mari karə uwa arə ngəng le. Yeenn bba, əman njaa kara mâ ngəmi kar tə̂ kə̂ nɛ̂n-nanje a ddeeje mba nan mə dəwje tɔyn kə̂ dɔ nangə tə̂.