Matiye 24:11 - Dɔnɔn kə̂ Siki: Tar kə̂ aw arə təbbə

¹¹ Njê-kilaje mbər tar kə̂ tɔkɔrɔ ang tokə banya a kundaje lo teeje ngaâ dâ kərəje dəwje nya nya.

Maketuru le Lubba ke tar kabba

¹¹ Nje-kilaje mber-tar ke toje to nje-ngemje a kundaje lo tee banya banya ngaa da kereje dewje toke banya.

Matiye 24:11 ပူးပေါင်းရင်းမြစ်များ

Matiye 24:12

Majang a kaw kə kete kete, ndiki naan lə dəwje nya a təl kə guku.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:5

Mba dəwje nya a ddeeje kə rim ngaâ dâ paje nan: ‹Əman â m-to Kristə le› ngaâ dâ kərəje dəwje nya.

Matiye 7:15

«Aaje rɔse rɔ njê-kilaje mbər tar kə̂ tɔkɔrɔ ang tə̂. Dulaje ngira batə bba n̂-ddeeje nɛ̂n rɔse tə̂. A məde tə̂ nu, n̂-toje to ənjakəmnjarje kə̂ aw uwaje nɛ̂n aw usaje.

Marke 13:22

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

Kulaje 20:30

Marə njê-ngəmje a kinje horose tə̂ njaa ta dda karə marə njê-mə-kunnje unnje gode.

1 Timɔte 4:1

Ndil-mə-nda pa kə majɛ̂ nan, ddutu ndɔje a, marə dəwje a kinyaje ddəw mə-kunn mba nayn go ndilje tə̂ kə̂ njê-ngəmje ngaâ dâ kunnje go nɛ̂n-tɔju lə ndilje kə̂ maji ang le.

2 Piyɛr 2:1

Ləw, marə njê-kilaje mbər tar lə Lubba kə̂ tɔkɔrɔ ang toje horo dəwje tə̂ kə̂ Ijarayɛl. Ddəw kâra baa, njê-nɛ̂n-tɔjuje kə̂ tɔkɔrɔ ang a teeje horose tə̂ tɔ. Ddəw gusu tə̂, dâ ddeeje kə nɛ̂n-tɔjuje kə̂ tɔkɔrɔ ang ddəm aw tuju dəwje ddəm. Dâ mbətəje Əbbə-dəwje kə̂ ajide le ngaâ dâ bbarje yo kə dɔde tə̂ kə ngɔru baa.

1 Jan 2:18

Ngannje kə̂ ngaji, ddutu ndɔ asə ngaa. Ooje tar kə̂ n̂-pa darəse nan, nje-baan lə Kristə aw ddee le mban. A bbasinɛn, njê-baanje lə Kristə tokə banya ddeeje ngaa. Yeenn tɔju to jeeje ddutu ndɔ tə̂ ngaa.

1 Jan 2:26

M-dda makəturu nəənn marəse, mba pa nɛ̂n tar dɔ dəwje tə̂ kə̂ aw sangəje ddəw ta ddase karə ə-ndəəmje ddəw le.

1 Jan 4:1

Ngakɔnʼmje kə̂ m-dikise, bbo dəw pa nan Ndil-mə-nda to rɔɛ̂ tə̂ a, ooje məse tə̂ kə tar laa le kə ngɔru ang. Maji karə ə-nanje dəw le ooje se ndil kə̂ to məɛ̂ tə̂ to Ndil lə Lubba njaa wa bba. Mba njê-kilaje mbər tar kə̂ tɔkɔrɔ ang banyaje dɔ nangə tə̂ nya.

Judə 1:4

Mba, marə dəwje kə̂ maji ang andəje horose tə̂ kə go ngəyn. Daw turuje mə tar mə-maji lə Lubba ləje mba kɔnn nɛ̂n dɔ nɛ̂n-ddaje kə̂ maji ang ləde. N̂-mbətəje Mbay ləje kə̂ kâra baa kə̂ to Əbbəjeje Jeju-Kristə le. Ləw baa, Makəturu lə Lubba pa tar sariya kə̂ dâ gangə dɔde tə̂.

Apokalisi 19:20

Duwa da le kə nje-kila mbər tar kə̂ tɔkɔrɔ ang le. Ne kə̂ dda nɛ̂n-mɔrije nɔɛ̂n tə̂ bba nərə nɛ̂n njê kə̂ əndaji da laa to əngo-nɔnde tə̂ ngaâ aw poloje ətaar laa le. Dungude joo kəm, kəm baa ndakə puru supərə tə̂ kə̂ aw ɔn.