Matiye 23:34 - Dɔnɔn kə̂ Siki: Tar kə̂ aw arə təbbə

³⁴ Mba yeenn bba, mâ kula njê-kilaje mbər tar lə Lubba, njê-kəm-karɛje kə njê-gərəje-Ndu rɔse tə̂. Â tɔlje marɛ̂je, ta â bbərəje marɛ̂je dɔ kakə-dəsə tə̂. A tundaje marɛ̂je kə ndəy mə kəy mbɔn-naanje tə̂ ləse ngaâ â tubbajede kə bbe bbe.

Maketuru le Lubba ke tar kabba

³⁴ Mba yeenn a, ooje, ma kula nje-kilaje mber-tar le Lubba, nje-kem-kareje, ke nje-kɔruje gel Ndu rɔse te. A tɔlje mareje, ta a bbereje mareje dɔ kake-dese te. A tundaje mareje ke ndey me key-mbɔn naaje te lese ngaa, a tubbajede ke bbe bbe.

Matiye 23:34 ပူးပေါင်းရင်းမြစ်များ

Matiye 10:23

Bbo n̂-dda singa kə se marə tɔkə bbe tə̂ a, aynje awje marɛ̂ tə̂. M-pa tar kə̂ tɔkɔrɔ, â nayn njaje mə tɔkə bbeje tə̂ kə̂ Ijarayɛl tɔyn ang bbay a, Ngonn lə dəw a ddee.

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Matiye 23:31

Yeenn pa nan sese njaa ə-tɔjuje to njê kə̂ gəlse tə̂ â tɔlje njê-kilaje mbər tar lə Lubba le.

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 16:2

Dâ tubbase kəy mbɔn-naanje tə̂. Kar aw ddee karə dəw kə̂ tɔlse a, əjə to polo â naw polo Lubba.

Tar kə̂ Maji kə̂ Jan dda makəturu tə̂ 20:21

Jeju təl pa arəde bbay nan: «Mə-wul-lɔm ee kə se. Ddəw kâra baa tokə Bɔy ulam le, əman kara mulase tɔ.»

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 11:27

Dɔ ndɔɛ̂ tə̂ənn, marə njê-kilaje mbər tar lə Lubba inje Jerujalɛm awje bbe tə̂ kə̂ Antiyos.

Kulaje 12:2

Narə n̂-tɔl Jakə ngokɔn Jan kə tɔkə kiya.

Kulaje 13:1

Njê-kilaje mbər tar lə Lubba kə njê-nɛ̂n-tɔjuje eeje mə Egilisi tə̂ kə̂ Antiyos. Ride nan: Barnabas, Simenyɔ kə̂ daw bbarɛ̂ nan Dəw-ndul, Lusiyus kə̂ Sirɛnn, Manayɛn kə̂ ne kə Erodə kə̂ ɔn bbe kə̂ Galile n̂-tɔkəje naan tə̂ kə Sɔl.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 15:32

Judə de kə Silas kə̂ n̂-toje to njê-kilaje mbər tar lə Lubba le ndəjəde nya karə dingaje nɛ̂n singa.

Kulaje 5:40

n̂-bbarje njê-kaw-kulaje le dundajede kə ndəy ngaâ dunnje ndu darəde karə n̂-paje tar kə ri Jeju ang, a dinyade.

1 Kɔrɛntinyɛje 2:6

Ta koo a, to kəm-karɛ njaa â jaw tɔju njê-mə-kunnje kə̂ sangəje. Kəm-karɛ le to kəm-karɛ kə̂ nangə̂ nəənn ang ddəm kəm-karɛ lə njê-kɔn-bbeje kə̂ dɔ nangə tə̂ nəənn ang ddəm, mba Lubba a tujude kə ddang.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

Kolosinyɛje 1:28

Kristə le â jaw jila mbər laa. Jaw jarə ndəjə dəwje tɔyn ngaâ jaw tɔjude nɛ̂n dəwje tɔyn ddəw kəm-karɛ tə̂ dang dang, karə dəwje tɔyn sangəje ddəw tə̂ lə Kristə.

1 Tesalonisinyɛje 2:16

Dɔkuje ddəw kila mbər tar karə dəwje kə̂ toje to Jiipije ang darəje dəwje le ingaje kaji ang. Nɛ̂ɛnn dda arə majangje lə Jiipije le uta dɔɛ̂. A ta tee kɔnyɛ̂ tə̂ a, wungu lə Lubba oso dɔde tə̂.

Ebərəje 11:37

Marɛ̂je, n̂-tilade kə ər n̂-tɔlde, n̂-tuja marɛ̂je n̂-gangəde dannâ joo kə nɛ̂n-kuja kakə, marɛ̂je n̂-tukade kə tɔkə kiya n̂-tɔlde. N̂-gərəje lo kə̂ dâ kisije tə̂ ang. Əndaar batə, ang a, əndaar binya â dɔje. Nɛ̂n kâra ɔru jide ang. Dula kəmde ndoo tə̂ ddəm n̂-ddade maji ang ddəm.

Apokalisi 11:10

Dəwje kə̂ dɔ nangə tə̂ a ddaje rɔ-nəəl mba koy ləde le. Dâ ddaje kusu, dâ kulaje kə nɛ̂nje baa karə naan, mba njê-kilaje mbər tar kə̂ joo nəənn le ddaje arə dəwje ooje ndoo nya.