Matiye 22:16 - Dɔnɔn kə̂ Siki: Tar kə̂ aw arə təbbə

¹⁶ Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Maketuru le Lubba ke tar kabba

¹⁶ Dulaje mare nje-njaje gode te, ke dewje ke unnje go Erode rɔ Jeju te le kare n̂-paje dare na: «Nje-ne-tɔju, n-gere to aw pa tar ke tɔkɔrɔ, aw tɔju ddew le Lubba ddew tar te ke tɔkɔrɔ, ngaa aw bbeel kem dew ang ddem, dew ke bo wase dew ke ten kara osoi te ang.

Matiye 22:16 ပူးပေါင်းရင်းမြစ်များ

Matiye 22:24

«Nje-nɛ̂n-tɔju, Mɔyijə pa nan: ‹Bbo dəw uju ngonn ang ngaâ oy a, maji karə ngokɔɛ̂n taa dɛnɛ̂n-ndubba le uju nɛ̂n ngannje arɛ̂.›

Matiye 22:26

Nɛ̂n kə̂ kâra baa le njaa təl inga nje-goe le. Nɛ̂ɛnn inga ne kə̂ n̂-to mota ləde ndərəng inga ne kə̂ n̂-to siri ləde.

Matiye 26:18

Jeju ilade tə̂ nan: «Awje tɔkə bbe tə̂ rɔ marə ənəng tə̂. Ə-paje arɛ̂je nan: ‹Nje-nɛ̂n-tɔju pa nan: Kar ləm ddee ngɔsi ngaa. Mə kəy ləi â əman kə njê-njaje gom tə̂ ja dda kusu Pakə kə tə̂.› »

Matiye 26:49

Njangə baa njaa a, Judas le ddee ngɔsi kə Jeju ngaâ pa arɛ̂ nan: «Lapiya, Nje-nɛ̂n-tɔju!» Ngaâ n̂-to mbia.

Marke 10:17

Kar kə̂ Jeju unn ddəw ta kɔtu a, marə dingaw ddee kə ngɔru ɔsu məkəjə-gɔlɛ̂ nɔɛ̂n tə̂ duje nan: «Nje-nɛ̂n-tɔju kə̂ maji, ddi â mâ dda bba mâ kinga təbbə kə̂ to kə ndɔ kə ndɔ wa?»

Marke 12:13

Dulaje marə Parijinyɛje kə marə dəwje kə̂ eeje mə mbɔn-naan tə̂ lə Erodə Antipas rɔ Jeju tə̂ karə n̂-nɛɛ̂nje ddəw tar tə̂ kə̂ tɛɛ̂ tə̂.

Marke 12:14

N̂-ddee n̂-paje darəje Jeju le nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba ddəw tar tə̂ kə̂ tɔkɔrɔ. Aw bbəəl kəm dəw ang ddəm dəw kə̂ bo wase dəw kə̂ tɛn kara osoi tə̂ ang. Ə-pa arəje joo: Ndu arəje ddəw karə juka lambo jarə tɔkə mbay kə̂ Rɔm wase ta kuka ang wa? Ta juka wase juka ang wa?»

Marke 3:6

Parijinyɛje le inje kəy mbɔn-naan tə̂ le teeje be a, uwaje dɔ naan kə dəwje kə̂ mə mbɔn-naan tə̂ lə Erodə ta koo ddəw kə̂ ta tɔl nɛ̂n Jeju.

Marke 8:15

Jeju ndɔru mbide nan: «Ooje kə majɛ̂ bba! Aaje rɔse wum tə̂ lə Parijinyɛje kə Erodə.»

Luku 20:21

Dəwje le dujeje tar nan: «Nje-nɛ̂n-tɔju, n-gərə to tar-pa ləi kə nɛ̂n-tɔju ləi to kə dɔgɔlɛ̂ ngaâ ar go marə dəw tə̂ ang. Aw tɔju ddəw lə Lubba tɔkɔrɔ tə̂ njaa.

Luku 7:40

Jeju pa arə Parijinyɛ le nan: «Simɔn, tar to ta karə m-pa mari.» Simɔn le ilɛ̂ tə̂ nan: «Nje-nɛ̂n-tɔju, ə-pa tar le.»

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 18:37

Pilatə duje nan: «Yeenn a, ə-to tɔkə mbay wa?» Jeju ilɛ̂ tə̂ nan: «Əi njaa ə-pa. M-to tɔkə mbay. Nɛ̂n kə̂ dujum mbɛɛ̂ ngaâ nɛ̂n kə̂ m-ddee duninya tə̂ mbɛɛ̂ â nəənn: M-ddee ta kɔru naji lə tar kə̂ tɔkɔrɔ. Dəw kə̂ to ənga tar kə̂ tɔkɔrɔ aw oo tar kə̂ maw pa.»

Tar kə̂ Maji kə̂ Jan dda makəturu tə̂ 7:18

Dəw kə̂ aw pa tar kə̂ məɛ̂ tə̂ njaa, to dəw kə̂ aw sangə piti laa njaa. A dəw kə̂ aw sangə piti lə dəw kə̂ ulɛ̂, aw pa tar kə̂ tɔkɔrɔ, ngaâ nɛ̂n-dda kə̂ gatə gatə ang ɔrɛ̂ ang.

2 Kɔrɛntinyɛje 2:17

Mba dəwje nya ddaje tar lə Lubba to nɛ̂n-kinga narɛ ləde. A jeje n-toje tokə ləde ang. Jula nɛ̂n naan tə̂ ang. Lubba â ulaje arə jaw pa tar le nɔn Lubba tə̂, ddəw mə-kâra tə̂ kə̂ n-dda kə Kristə.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

2 Kɔrɛntinyɛje 5:16

Mba yeenn bba, bbasinɛn nəənn jaw joo dəw kə kəm kə̂ to dang kə kəm kə̂ jooe nɛ̂n ddəw da-rɔ tə̂ ngaa. Bbo ləw, jaw joo Kristə ddəw da-rɔ tə̂ a, bbasinɛn nəənn, jaw jooe tokə baann ang ngaa.

Galatəje 1:10

A bbasinɛn nəənn, maw sangə ddəw ta ddee maji kəm dəwje tə̂ wase kəm Lubba tə̂ wa? Maw sangə ddəw ta nəəl kəm dəwje tə̂ wa? A bbo maw sangə ddəw ta nəəl kəm dəwje tə̂ a, mâ to bbərə-kula lə Kristə ang ngaa.

Galatəje 2:6

A ənga tɔkəje kə̂ dɔ Egilisije tə̂ kə̂ dəwje oojede to dəwje kə̂ ngəng nya le, ngəng ləde le osom tə̂ ang. Mba Lubba aw ɔru kəm dəw ang. Dede le marə nɛ̂n dang kə̂ duwamje kə singa karə m-dda goto.

1 Tesalonisinyɛje 2:4

A Lubba nanje oo bba inya Tar kə̂ Maji laa le mə jije tə̂. Yeenn bba jaw pa tar lə Lubba mba nəəl nɛ̂n kəm dəwje tə̂ ang. Jaw pa mba nəəl nɛ̂n kəm Lubba tə̂ kə̂ aw nan məje.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.